San Juan 20:1 - TÄ̧DO Ä̧CUÄ̧ I̧HUȨNȨ

¹ Ja̧u̧nu̧ pä̧nä̧, semana äcuomenä mo̧ro̧, ji̧nä̧ yo̧ä̧sa̧ ja̧'a̧ pä'ötä mo̧ro̧ juomenä, María Magdalena idorära̧'a̧ topö 'chi̧nä̧ju̧do. Ido'qui, idorä ä'ca mö̧ȩcuo'qui, juiya'atä topinäjudo.

Nuevo Testamento Uwotjüja

¹ Semana-ttü̧ ä̧kuo̧mȩnä̧ mo̧ro̧, María Madarena-mä̧ mo̧ro̧ päia'a, ji̧nä̧ yo̧a̧'a̧nä̧ wa'are idorära̧'a̧ 'chä̧jä̧'kaju tojomȩnä̧; ä'koju mü̧ȩkuäjäyumä̧ pporädü ikuäwa'atä topinä̧ju̧.

San Juan 20:1 Referans Kwoze

San Marcos 16:9

Semana äcuomenä mo̧ro̧ juomenä, Jesús ttoächäji o'ca'a, María Magdalena, ko̧ro̧mö̧ttö̧nö̧ ta̧ju̧nu̧ espíritus suropätörö rä'epö icuinäcuarö, äcuomenä i̧jȩcui̧nö̧do.

San Mateo 27:60

Idoränä churutä ttu'tura pä'ö hueä̧u̧ jareönä ttaditinoränä ötinäcudo. Ja̧u̧nu̧ o'ca'a idorä ä'ca ido'qui rö̧o'quinä mö̧'ȩpä̧ji̧'ca̧ i̧hui̧nö̧do.

San Marcos 15:46

Ja̧'hua̧ ja̧'a̧ttö̧ José adihuä juäi sábana'cua ȩmi̧nö̧do. Ja̧u̧nu̧ o'ca'a dau isodättö mȩyȩdö̧, Jesúsru juä'opinödo sábana'cuanä. Ja̧u̧nu̧ o'ca'a idoränä, inähuänä ttaditinoränä rötinödo. Idorä ä'ca, ido'quinä mö̧'ȩpi̧nö̧do.

San Juan 20:26

Ko̧ro̧mö̧ttö̧nö̧ huäbodäcuä mo̧ro̧ o'ca'a, Jesús u̧huo̧juȩtä̧u̧ pä'äji ta'anö ca̧ca̧cui̧pi̧nä̧tö̧do. Ja̧u̧nu̧mä̧ Tomás jahuätöcu pi̧nö̧do. Ja̧'hua̧ ja̧'a̧ttö̧ äpate 'quiyönä mö̧ttȩpä̧ji̧ o'ca'a Jesús do'ächi'ö, ttö̧'quȩtȩnä̧ kä̧mä̧dö̧, te'äu pä'inödo jahuätörö: —Eseäcuähuä ku̧nä̧rä̧tu̧cui̧.

San Juan 19:25

Jesúsru dau isodänä pȩ'o̧pö̧ ttu̧ju̧ni̧nodä jäyä Jesús ja̧ju̧'i̧nä̧, ja̧ju̧ köjähuaju María, Cleofas irecua'inä, María Magdalena'inä ka̧cui̧nä̧tö̧do.

Apocalipsis 1:10

Ju̧huȩnȩ chö̧jo̧mȩnä̧, ya'ute ttö̧ja̧ 'cuättächi'ö mo̧ro̧, Espíritu Santo ujurunä ma̧i̧nä̧cu̧sä̧. Chabo ja̧'a̧nä̧ttö̧ ya̧tȩ i̧huȩnȩ pä̧i̧cu̧nä̧ ucuocua'a, trompeta ucuocua'a jä̧'i̧nö̧'a̧nö̧ ä̧ju̧cui̧nö̧sä̧.

San Mateo 27:64

Ja̧'hua̧nö̧ ja̧'a̧ttö̧ idorä ä'ca huäbodäcuä mo̧ro̧ jo̧mȩ päi'önä tta̧ttä̧ra̧ pä'ö hue'i, u̧huo̧juȩtä̧u̧ yodo ichö, Jesúsru ttö̧nä̧u̧cua̧'a̧cu̧. Ja̧'hua̧nö̧ nä̧u̧cuä̧rö̧ ttö̧ja̧rö̧ pätta'acu, “'Corupäi'omettö tto'ächäji” pättö juiya pä'ö. Iso päi'önä ja̧'hua̧nö̧ jȩttö̧ttö̧mä̧, pä'äji yapareu jiähuinöttö'inä abonänö surojäcua'a, —pä'inätödo.

1 Corintios 16:2

'Cuäopönä o'ca juiyönä semana äcuomenä mo̧ro̧ ja̧'a̧nä̧, cu̧ju̧nä̧rä̧tu̧cu̧ttu̧ iyätucui hua'adö ttu̧ju̧na̧ pä'ö. Ja̧'hua̧nö̧ ä'canä hua'adö cu̧ju̧nä̧tu̧cua̧'a̧ttö̧, ttö chichomenä cuahuaruhuärö jä'epocotöjä.

Hechos 20:7

Ja̧'hua̧nö̧ ja̧'a̧ semana ä'canä mo̧ro̧ pan 'te'chäu ca̧ca̧cui̧pi̧nä̧tö̧jä̧. Pablo Jesucristorö esetätörö huo̧juȩti̧nö̧, ja̧u̧nu̧tä̧ mo̧ro̧ juomenä rätopa pä'ö. Juhua'a yabocutä ji'ähuinö yodo kä'co päi'önä.

San Mateo 27:56

Jahuätö ttö̧'quȩtȩnä̧ María Magdalena'inä, María, Jacobonö, Josénö tta̧ju̧'i̧nä̧, Zebedeo i̧tti̧mö̧ tta̧ju̧'i̧nä̧ ka̧cui̧nä̧tö̧do.

San Mateo 27:66

Ja̧'hua̧ ja̧'a̧ttö̧ 'chä̧nö̧ ido'qui idorä ä'ca mö̧ȩcuo'quinä 'quiyönä mö̧'ȩpi̧nä̧tö̧do. Su̧ro̧da̧u̧ru̧ tta̧ttä̧ra̧ pä'ö hue'inätödo.

San Mateo 28:1

Ttö̧ja̧ 'cuättächi'ö mo̧ro̧ o'come mo̧ro̧ semana äcuomenä mo̧ro̧ juomenä, María Magdalenacu, karaju Maríacu idorära̧'a̧ topö 'chi̧nä̧tö̧do.

San Mateo 28:2

Juhua'atä tti̧'chi̧'o̧mȩnä̧, rȩjȩ pä̧i̧cu̧nä̧ ttö̧ȩpi̧na̧'a̧do. Ya̧tȩ ángel i̧sa̧ Tu̧ru̧hua̧ huȩ'ä̧hua̧ mo̧ro̧jä̧ttö̧ mȩyȩu̧, idorä ä'ca mö̧ȩcuo'qui pporädö icuinödo. Juhuo'quinä pä̧mä̧di̧nö̧do ángelmä.

San Juan 11:38

Jesús pä'äji ta'anö a̧'cua̧ tta̧nö̧ amöcuädö, Lázarorö ttötäjome topö 'chi̧nö̧do. Idorä ji̧na̧'a̧do. Idorä ä'ca ido'qui rö̧o'qui mö̧ȩcui̧na̧'a̧do.

San Juan 11:41

Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.