San Juan 19:28 - TÄ̧DO Ä̧CUÄ̧ I̧HUȨNȨ

²⁸ Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

Nuevo Testamento Uwotjüja

²⁸ Ja̧'wa̧nü̧ pä'ü kä'ädü, Jesú-mä̧ täkü o'kajuiyünä̧ Jä'o Dio weinü̧mä̧ jo̧mȩnü̧ päia'a wo̧juä̧u̧, wȩyu̧kuä̧ wȩnȩ päü'a̧kuä̧ 'kuäopa pä'ü pä'inü̧: —Chawa a̧di̧ri̧jä̧ku̧sä̧.

San Juan 19:28 Referans Kwoze

San Juan 19:30

Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

San Lucas 22:37

Ucuturu pä'ösä, Huȩyu̧cuä̧ Huȩnȩ ttörö päö'a̧nö̧ 'cuäopäcua'a. Ja̧u̧ huȩnȩ päa'a: “Ttö̧ja̧ pä'inätö, ¿ja̧u̧'i̧nä̧ suronä jȩpi̧nö̧ tä̧ji̧?” Iso päi'önä o'ca juiyönä ttörö Huȩyu̧cuä̧ Huȩnȩ päö'a̧nö̧ 'cuäopäcua'a.

San Juan 19:24

Jahuätö su̧ro̧da̧u̧ ttamönä pä'ähuinätödö: —Seropö ticu juiyätucua pä'ätucui. Dittö jueö päaja pä'ö totätucua. Ja̧'hua̧nö̧ jȩtto̧mȩnä̧, Huȩyu̧cuä̧ Huȩnȩ päö'a̧nö̧ jȩpi̧nä̧tö̧do. Ja̧u̧ Huȩnȩ päa'a: “Chö̧'ca̧tä̧huä̧ti̧yu̧ dittö jueö päaja pä'ö iyä'chäcuähuinätödo.” Ja̧'hua̧nö̧ jȩpi̧nä̧tö̧do su̧ro̧da̧u̧mä̧.

San Lucas 18:31

Jesús u̧huo̧juȩtä̧u̧ru̧ ttö̧jä̧pö̧ttö̧nö̧ ta̧ju̧nu̧ru̧ i̧mi̧cu̧nä̧ tti̧'cha̧ pä'ö o'ipinödo. Pä'inödo jahuätörö: —Jitämä Jerusalén ötahuiyära̧'a̧ 'chä̧tö̧jä̧. Juhua'attö Dios i̧huȩnȩ jiäcuähuä isotö tti̧huȩyu̧ti̧nö̧mä̧ o'ca juiyönä 'cuäopäcua'a Ubo I̧tti̧rö̧.

San Juan 18:4

Ja̧'hua̧nö̧ ja̧'a̧nä̧ Jesús o'ca juiyönä 'cuäopä̧cuȩ .u̧huo̧jua̧'a̧ttö̧, rä'oi'ö jä'epinödo: —¿Dirö cusätucuättö?

San Juan 13:1

Pascua fiesta jȩttä̧cua̧'a̧ ä'canä mo̧ro̧ ji̧na̧'a̧do. Jesús pi̧jä̧ jaroi'a pä'ö, Jä'o ö̧ja̧'a̧ i̧'cho̧mȩ päi'a'a huo̧jui̧nö̧do. Chutä i̧tti̧mö̧rö̧, pi̧jä̧nä̧ ka̧cuä̧tö̧rö̧, 'cuäopönä repe'inödo. Iso päi'önä 'corupäi'ome jubö päi'önä repe'inödo jahuätörö.

Hechos 13:29

Huȩyu̧cuä̧ Huȩnȩ ja̧u̧ru̧ päö'a̧nö̧ o'ca juiyönä jȩpä̧jo̧'co̧tö̧, dauttu mȩyȩdö̧ idoränä ttöttinäcudo.

San Lucas 9:31

Tȩa̧huo̧mȩ kä'cottö Jesús Jerusalén ötahuiyättö 'corupäi'ä̧cuȩ huȩnȩ ucuocuinätödo.

San Lucas 12:50

Ttömä suronä 'cuä̧o̧pä̧cua̧sä̧. Ja̧u̧ juäi 'cuäopome jubö päi'önä ubara ttu̧dä̧cua̧sä̧.

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Juan 17:4

“Pi̧jä̧nä̧ kä̧nö̧ ucurutä eseunu ucuocu jȩpä̧'i̧jö̧sä̧. Jȩcha̧ pä'ö huecuhuinömä cä'ädösä jitämä.

San Juan 19:36

Pi̧yȩ juäi o'ca juiyönä 'cuäopina'ado, Huȩyu̧cuä̧ Huȩnȩ päö ta'anö 'cuäopa pä'ö. Ja̧u̧ Huȩnȩ päa'a: “Yoröiso ihue'ca ji'cate'inä 'te'ädö icuocotö ttäcuotö.”