San Juan 19:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ädätoca'attö, Pilato pä'inödo: —¿Ttörö ädätocöjä tä̧ji̧? ¿Ucu jȩru̧pa̧jä̧ tä̧ji̧? Ttörö pä̧huä̧ rö̧jö̧ttö̧mä̧, ucuru dau isodänä pȩ'o̧pö̧ ttu̧ju̧na̧cu̧ huedö'a̧nö̧ ja̧'a̧. Ja̧'hua̧ta̧nö̧ ttörö pä̧huä̧ rö̧jö̧ttö̧mä̧, yoröiso ucuru jȩtto̧ca̧'a̧, rä'epö tticuacu huedö'a̧nö̧ ja̧'a̧.

Nuevo Testamento Uwotjüja

¹⁰ Ädätokoku Pilato-mä̧ pä'inü̧: ¿Ukú ttürü 'ko̧ru̧pa̧mä̧? ¿Ttümä̧ ü̧jo̧kä̧ jäinä̧ pȩtto̧pa̧ku̧ pä'ü wedaku pä'ü'i̧nä̧, rä'epü ttikuaku pä'ü wedaku pä'ü'i̧nä̧, churuwo chu̧ju̧nä̧ra̧'a̧mä̧ kuieruwa'a tä̧jí̧?

San Juan 19:10 Referans Kwoze

San Juan 18:39

Ja̧'hua̧nö̧ ja̧'a̧nä̧ ucutu cuihueyetucumä ya̧tȩ cärenä pö̧rö̧ pascua fiesta jȩcu̧'ä̧tu̧cuo̧mȩnä̧, rä'epö chicua pä'ö pä'ätöjä. ¿Jitämä judíos ttö̧ja̧ ttu̧ru̧hua̧rö̧ rä'epö chicua pä'ätöjä?

San Juan 19:9

Pä'äji ta'anö ojusodenä do'ächi'ö, jä'epinödo Jesúsru: —¿Ucumä, tottö cuichinättö? Ja̧'hua̧nö̧ jäepomenä, Jesús yoröiso ädätocö pi̧nö̧do.

San Juan 19:11

Ja̧u̧ru̧ Jesús ädätinödo: —Dios ja̧'hua̧nö̧ hueinö juiyöttömä, ttörö jȩtta̧ pä'ö yoröiso hue'ocö pajijä. Ja̧'hua̧nö̧ ja̧'a̧ttö̧ ttörö ucuru iyäjimä, ucuttu'inä abonänö suronä jȩpö̧.