San Juan 17:26 - TÄ̧DO Ä̧CUÄ̧ I̧HUȨNȨ

²⁶ Ucuru ttu̧huo̧jua̧ pä'ö ji'ähuinösä. Ji̧nä̧ juhua'a yabonö ji̧dä̧huä̧cua̧sä̧ ttörö repecu ta'anö, jahuätörö'inä repecuhua pä'ö. Ja̧'hua̧ta̧nö̧ jahuätöcu chö̧jä̧cua̧'a̧nö̧ ji̧dä̧huä̧cua̧sä̧, —pä'ö ucuocuinödo Jesús Jä'o Diosrö.

Nuevo Testamento Uwotjüja

²⁶ Ukú kui̧mi̧ ttu̧wo̧juö̧nä̧ chiyinä̧u̧, jua'a yabonü̧'i̧nä̧ chi̧yä̧kuä̧u̧, ttürü kuiyinü̧ eseu repeäkuäwä juätünä̧ kkä̧kua̧'a̧nü̧, ttü'i̧nä̧ juätünä̧ chu̧ju̧nä̧.

San Juan 17:26 Referans Kwoze

San Juan 17:23

Ucumä ttöcu cu̧ja̧'a̧nä̧, ttömä jahuätöcu kö̧sä̧, adiunä ji̧nä̧ ji̧yȩtȩ pätti'a pä'ö. Ja̧'hua̧nö̧ ja̧'a̧ pi̧jä̧ ttö̧ja̧ jahuätörö topö, iso päi'önä ttörö huecuhuina'a ttu̧huo̧juä̧cua̧'a̧nö̧. Ja̧'hua̧ta̧nö̧ ttörö repecu ta'anö, jahuätörö'inä repecuhua'a ttu̧huo̧juä̧cua̧'a̧nö̧.

San Juan 17:6

“Pi̧jä̧ttö̧ ttörö iyö huecuhuinä̧u̧ru̧, ucurutä ttu̧huo̧jua̧ pä'ö huo̧juȩtö̧ ji'ähuinösä. Jahuätömä ucutä cui̧tti̧mö̧ huotö pi̧nä̧tö̧. Ja̧'hua̧ ja̧'a̧ ttörö iyö huecuhuinä̧u̧. Jahuätö cui̧huȩnȩ päö ta'anö jȩpi̧nä̧tö̧.

San Juan 15:9

Ttö Chä'o ttörö repeö'a̧nö̧, repe'ösä ucuturu. Ucuturu repeda'attö, ttöcu cue'ächätucui.

Hebreos 2:12

Huȩyu̧cuä̧ Huȩnȩ päa'a: Ucuru ji̧dä̧huä̧cua̧sä̧ chö̧jä̧hua̧tö̧rö̧. Ucuru esetätöcu eseunu ra̧dä̧cua̧sä̧ ucuru.

San Juan 15:15

“Ucutumä adicuä ttö̧ja̧jä̧” pä'ocösä. Ya̧tȩ adicuä i̧sa̧mä̧, u̧ru̧hua̧ jȩö̧mä̧ yoröiso jȩru̧pa̧. Chä'o o'ca juiyönä ttörö jiähuinömä ucuturu jidähuina'attö, “Ucutumä chahuaruhuäjä” pä'ösä.

San Juan 14:20

Ja̧u̧nu̧ mo̧ro̧ päi'omenä ttöcu, Chä'ocu ji̧nä̧ ya̧tȩtä̧ ja̧'a̧ pä'ö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ucutucu, ttöcu ji̧nä̧ yotöte ja̧'a̧ pä'ö cu̧huo̧jui̧'ä̧cuo̧tö̧jä̧.

San Juan 15:4

Ucutucu cuedächö ta'anö, ttöcu cue'ächätucui ucutu'inä. Dau ä̧na̧juä̧ ja̧'a̧tä̧ katämä u̧huä̧ju̧ juiya'a. Dau kada'canä todehuomenätä, ja̧u̧ ä̧na̧juä̧nä̧ huȩjä̧cua̧'a̧ u̧huä̧ju̧. Ucutu'inä ttörö todeunä cu̧ja̧cuä̧tu̧cu̧ juiyöttömä, yoröiso u̧huä̧ju̧ juiyäcua'a.

Efesios 5:32

Pi̧yȩ adihuä huo̧juȩcuä̧ huȩnȩ. Ja̧u̧ huo̧juȩcuä̧ huȩnȩ Cristo Diosrö esetätörö adiu tta̧huä̧ra̧'a̧ päa'a a̧'cua̧ra̧'a̧, pä'ösä ttömä.

Efesios 5:30

Iso päi'önä Diosrö esetätömä Cristo jä̧ttä̧pä̧ya̧ huotö. Ujutu'inä idepä'inä ka̧'a̧nä̧, ihue'quiyu'inä ka̧cua̧'a̧nä̧, ja̧u̧ jä̧ttä̧pä̧ya̧ huotöjä ucutumä.

San Juan 14:23

Jesús ja̧u̧ru̧ ädätinödo: —Ttörö repe'ömä, ttö pädömä esetö ä̧ju̧cu̧. Chä'o ja̧u̧ru̧ rȩpȩä̧cua̧. Ja̧'hua̧ta̧nö̧ ttöcu, Chä'ocu ja̧u̧ru̧ ichö, tö̧ja̧cuä̧cuo̧tö̧jä̧.

San Juan 8:50

Ttörötä cucuotätucua pä'ocösä. Juhuorö'inä ya̧tȩ kö̧do, ttörö cucuotätucuattö pä̧huä̧ rö̧jä̧cu̧. Ja̧'hua̧ta̧nö̧ ja̧u̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pä̧cua̧do.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

2 Tesalonicenses 2:16

Tu̧ru̧hua̧ Jesucristo'inä, Tä'o Dios'inä ujuturu repe'ö adiu eseäcuähuä'inä, adiu tta̧huä̧rä̧cuä̧huä̧'i̧nä̧ iyinö.

Colosenses 3:11

Jitämä o'ca toi'önä yorätehuätöjä Dios ä'ca jo̧mȩttö̧. Yoröiso toa'a judíos ttö̧ja̧ i̧sa̧'i̧nä̧, judíos huocö'inä, circuncidado hua̧'i̧nä̧, circuncidado huocö'inä. Ja̧'hua̧ta̧nö̧ ru̧hua̧cu̧ aditö'inä, aditocö'inä, kara'a ka̧cuä̧tö̧'i̧nä̧, o'ca toi'önä yorätehuätöjä. Iso päi'önä o'ca juiyönä ka̧'a̧ Cristonä. Ja̧'hua̧ta̧nö̧ Cristo o'ca toi'önärö kö̧.

Colosenses 2:10

Ja̧'hua̧ta̧nö̧ ucutu'inä o'ca juiyönä ku̧nä̧rä̧tö̧jä̧, Cristorö ji̧nä̧ yo̧mȩtȩ cuesetätucuomenä. Ja̧u̧mä̧ o'ca toi'önä pi̧jä̧ isoppanä huȩ'ä̧rä̧tö̧rö̧ ttu̧ru̧hua̧ päi'önä kö̧.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Efesios 3:17

Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

Efesios 1:6

Ja̧'hua̧nö̧ ja̧'a̧ttö̧ chutä adihuä I̧tti̧rö̧ tesetomenä, ujuturu adihuä juäi iyinömä amöcuädö, 'cuäopönä eseäcuähuätöjä Diosrö.

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

1 Corintios 12:12

Ujutu jättäpäyotömä rö̧ȩnä̧ ku̧nä̧rä̧tö̧jä̧. Ja̧'hua̧nö̧ ja̧'a̧nä̧ o'ca juiyönä ujutu jättäpäyotömä ya̧tȩtä̧ pä'i'ätöjä. Ja̧'hua̧ta̧nö̧ hua̧do Cristomä. Ujutumä o'ca toi'önä ji̧nä̧ yo̧mȩtȩ chutä jä̧ttä̧pä̧ya̧ pä'i'ätöjä.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

Romanos 8:10

Cristo ucutucu ö̧jö̧ttö̧mä̧, suronä jȩpö̧ cuidepä hua'ö icua'anä'inä, cua̧'cua̧ru̧hua̧ kö̧, Dios ucuturu jȩi̧na̧'a̧ttö̧ chutäcu ji̧nä̧ ji̧yȩtȩ huotö cu'ätucua pä'ö.

San Juan 6:56

Ttötä chidepättö'inä cumä, chucuojattö'inä aumä, ttöcu eseunu kö. Ttö'inä ja̧u̧cu̧ eseunu kö̧sä̧.

San Juan 17:8

Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.