San Juan 17:22 - TÄ̧DO Ä̧CUÄ̧ I̧HUȨNȨ

²² Ucucu, ttöcu ji̧nä̧ ji̧yȩtȩ jö̧ ta'anö, jahuätö'inä ji̧nä̧ ji̧yȩtȩ pätti'a pä'ö ttörö adiu cuiyinömä, iyinösä jahuätörö.

Nuevo Testamento Uwotjüja

²² Ttürü chukuo jäwä kuiyinü̧mä̧, ttü'i̧nä̧ chiyinä̧u̧, ji̧nä̧ ya̧tȩ tta pä'ü, ujutu jä̧'i̧jü̧ta̧'a̧nü̧, ji̧nä̧ ya̧tȩ ttäkua'anü̧.

San Juan 17:22 Referans Kwoze

2 Corintios 3:18

Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

San Juan 14:20

Ja̧u̧nu̧ mo̧ro̧ päi'omenä ttöcu, Chä'ocu ji̧nä̧ ya̧tȩtä̧ ja̧'a̧ pä'ö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ucutucu, ttöcu ji̧nä̧ yotöte ja̧'a̧ pä'ö cu̧huo̧jui̧'ä̧cuo̧tö̧jä̧.

San Juan 1:16

Ujutumä o'ca toi'önä chutä adihuä juäi iyomettö ȩmi̧nä̧tö̧jä̧. Ja̧u̧ 'cuäopönä rö̧ȩnä̧ ppä'ädö ujuturu.

Efesios 2:20

Ucutumä isode jä̧'i̧nö̧'a̧nö̧ huotöjä. Jesús hue'ähuotö'inä, Dios i̧huȩnȩ jiäcuähuä isotö'inä, jittähuinö huȩnȩ esetö ka̧cuä̧tö̧jä̧. Chutä Jesucristo ji̧nä̧ isocu adihuo'qui isode jueö isä'ca kö̧'a̧nö̧ kö̧do.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

2 Corintios 5:20

Ja̧'hua̧nö̧ ja̧'a̧nä̧ Cristo hueä̧u̧ ji'äu ichinätöjä. Ja̧'hua̧ta̧nö̧ ujutu jitähuomenä, Dios ucuturu ucuocua'a jä̧'i̧nö̧'a̧nö̧ ja̧'a̧. Ja̧'hua̧nö̧ ja̧'a̧nä̧ Cristonä pä'ätöjä ucuturu, Diosrö esehuätucui ucutu'inä.

San Juan 1:14

Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

San Marcos 6:7

Jesús ttö̧jä̧pö̧ttönö̧ ta̧ju̧nu̧ u̧huo̧juȩtä̧u̧ru̧ huopö hue'inödo ta̧ju̧ pö̧nä̧ tti̧'cha̧ pä'ö. Espíritus suropätörö rä'epö tticua pä'ö ujuru iyinä̧u̧do.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

Hechos 5:41

Ja̧'hua̧nö̧ ja̧'a̧ Jesús hue'ähuotö ji̧nä̧ iso ruhuotö ttä'ca jo̧mȩttö̧ rä'opinätödo. Jesús i̧mi̧nä̧ tteseta'attö, ubara ttuttäja'a esehuinätödo.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

Apocalipsis 21:14

Ja̧u̧ ötahuiyä i̧so̧ca̧nä̧ ido'qui ttö̧jä̧pö̧ttö̧nö̧ to'quire ji̧na̧'a̧. Koro'quinä'inä, koro'quinä'inä chutä Cordero umöhuäyotö, Jesús hue'ähuotö tti̧mi̧mä̧ huȩyu̧cua̧'a̧ ji̧na̧'a̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

Filipenses 1:29

Ucutumä Cristorö cuesetätucuomenä, churu pä̧huä̧ rö̧jo̧mȩnä̧ esetötä esetocotöjä. Ubara'inä ttu'ätöjä ja̧u̧ru̧ esetö.

Romanos 8:30

Ja̧'hua̧ta̧nö̧ äcuomenä päi'önä Dios 'quȩpi̧nä̧u̧ru̧mä̧ huopinödo. Huoinä̧u̧ru̧mä̧ jȩpi̧nö̧do chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ chutäcu ji̧nä̧ ji̧yȩtȩ huotörö iyinö doächäcuähuä mo̧ro̧jä̧ra̧'a̧.

1 Juan 4:17

Diosttö repeähuä jo̧mȩ päi'önä rö̧ä̧cha̧'a̧ ujuturu, Dios ttö̧ja̧rö̧ pojocuä mo̧ro̧ päi'omenä, yecuäcuähuä juiyönä tesehua pä'ö, pi̧jä̧nä̧ tö̧ja̧'a̧ttö̧ Jesucristo ö̧jö̧ ta'anö.