San Juan 17:18 - TÄ̧DO Ä̧CUÄ̧ I̧HUȨNȨ

¹⁸ Ttörö pi̧jä̧ ttö̧ja̧ ttö̧'quȩtȩnä̧ chö̧ja̧ pä'ö huecuhuinö ta'anö, jahuätörö'inä hue'ösä pi̧jä̧ ttö̧ja̧ ttö̧'quȩtȩnä̧ ttö̧ja̧cua̧ pä'ö.

Nuevo Testamento Uwotjüja

¹⁸ Ttürü ukú pi̧jä̧ra̧'a̧ wekuinüta̧'a̧nü̧, ttü'i̧nä̧ juätürü pi̧jä̧nä̧ we'ipüsä.

San Juan 17:18 Referans Kwoze

San Juan 20:21

Ja̧u̧nu̧ o'ca'a Jesús pä'äji ta'anö pä'inödo jahuätörö: —Eseäcuähuä ku̧nä̧rä̧tu̧cui̧. Chä'o ttörö hueinö ta'anö, ucuturu'inä hue'ösä.

2 Corintios 5:20

Ja̧'hua̧nö̧ ja̧'a̧nä̧ Cristo hueä̧u̧ ji'äu ichinätöjä. Ja̧'hua̧ta̧nö̧ ujutu jitähuomenä, Dios ucuturu ucuocua'a jä̧'i̧nö̧'a̧nö̧ ja̧'a̧. Ja̧'hua̧nö̧ ja̧'a̧nä̧ Cristonä pä'ätöjä ucuturu, Diosrö esehuätucui ucutu'inä.

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

San Juan 4:38

Ucuturu cu̧ju̧nä̧tu̧cuo̧co̧mȩttö̧ secuhuätucua pä'ö hue'äjisä. Korotömä cuä'catucunä ttaditinömä ȩmä̧tö̧jä̧ ucutumä, —pä'inödo Jesús.

San Mateo 10:5

Jahuätörö, u̧huo̧juȩtä̧u̧ru̧ hue'inödo Jesús. Pa̧'a̧nö̧ pä'inödo: —Judíos huocotö ttö̧ja̧cuo̧mȩcu̧ cui̧'chä̧tu̧cuä̧'. Samaria ttö̧ja̧ ttidepiyunä'inä cui̧'chä̧tu̧cuä̧'.

Efesios 3:7

Ttötä adihuä i̧sa̧ choca'anä, Dios re rö̧jö̧nä̧ topö ujurunä hueinäcusä ja̧u̧ huȩnȩ jidähua pä'ö.

San Juan 17:23

Ucumä ttöcu cu̧ja̧'a̧nä̧, ttömä jahuätöcu kö̧sä̧, adiunä ji̧nä̧ ji̧yȩtȩ pätti'a pä'ö. Ja̧'hua̧nö̧ ja̧'a̧ pi̧jä̧ ttö̧ja̧ jahuätörö topö, iso päi'önä ttörö huecuhuina'a ttu̧huo̧juä̧cua̧'a̧nö̧. Ja̧'hua̧ta̧nö̧ ttörö repecu ta'anö, jahuätörö'inä repecuhua'a ttu̧huo̧juä̧cua̧'a̧nö̧.

San Juan 17:21

Jahuätömä o'ca toi'önä ji̧nä̧ yo̧mȩtȩ amöcuädö ttö̧ja̧cua̧ pä'ö jä'epösä. Chä'o, ujutumä, ucucu, ttöcu ji̧nä̧ yo̧mȩtȩ tö̧ja̧cu̧'a̧nö̧, jahuätö'inä ujutucu ttö̧ja̧cua̧ pä'ösä. Ja̧'hua̧ta̧nö̧ pi̧jä̧ ttö̧ja̧ jahuätörö ja̧'hua̧nö̧ ttö̧ja̧cua̧'a̧ topö, ttörö huecuhuina'a ttu̧huo̧juä̧cua̧'a̧nö̧ pä'ösä.

San Juan 17:8

Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.

San Mateo 23:34

Ja̧'hua̧nö̧ ja̧'a̧ttö̧ Dios i̧huȩnȩ jiäcuähuä isotörö'inä, rö̧ȩnä̧ huo̧juä̧tö̧rö̧'i̧nä̧, huo̧juȩcuä̧ huo̧juȩtä̧tö̧rö̧'i̧nä̧ huȩdä̧cua̧sä̧ ucuturu. Ja̧'hua̧nö̧ ja̧'a̧nä̧ korotörö cuä'ö icu, daunä pȩ'o̧pö̧ cu̧ju̧nä̧cuo̧tö̧jä̧. Korotörö judíos ttu̧huo̧jui̧'i̧nodehuiyättö cuäcuäcu'äcuotöjä. Ja̧'hua̧ta̧nö̧ jahuätö tto'ca'anä koromecu, koromecu cui̧'chä̧cuo̧tö̧jä̧, suronä jȩcu̧'ä̧tu̧cua̧ pä'ö jahuätörö.

San Juan 17:25

Adihuä Chä'o, pi̧jä̧ ttö̧ja̧mä̧ ucuru jerupätö. Ja̧'hua̧nö̧ ja̧'a̧nä̧ ttötä ucuru huo̧jua̧sä̧. Ja̧'hua̧ta̧nö̧ pitö täcö huo̧juä̧tö̧ ttörö hue'inöjä pä'ö.

San Juan 3:17

Dios I̧tti̧rö̧ pi̧jä̧ra̧'a̧ hue'ocö pi̧nö̧do ö̧tä̧bo̧ta̧ pä'ö. Pi̧jä̧ ttö̧ja̧ suronä jȩttö̧ jȩpö̧ icua pä'ö hue'inödo.