San Juan 17:17 - TÄ̧DO Ä̧CUÄ̧ I̧HUȨNȨ

¹⁷ Iso päi'önä huȩnȩ jȩpö̧, ucurutä pä̧huä̧ rö̧jo̧mȩnä̧ aditö icuitö. Ucutä cui̧huȩnȩ iso päi'önä huȩnȩ ja̧'a̧.

Nuevo Testamento Uwotjüja

¹⁷ Jueü wȩnȩ kui̧wȩnȩ pä'aku surojü juittächächünä̧ jȩpi̧tü̧; kui̧wȩnȩmä̧ jueü wȩnȩ ja̧'a̧ttü̧.

San Juan 17:17 Referans Kwoze

San Juan 15:3

Ucuturu chu̧huo̧juȩti̧nö̧ cuesetätucua'attö, adiunä ka̧cuä̧tö̧jä̧ jitämä.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

San Juan 17:19

Ja̧'hua̧ta̧nö̧ jahuätörö amöcuädö, ttötä chamönä ucuru iyäusä huecuhuinö jȩcha̧ pä'ö, jahuätö'inä iso päi'önä huȩnȩ jȩpö̧, ucuru ttamönä iyäu ucu huecuhuinö jȩtta̧ pä'ö.

San Juan 8:32

Iso päi'önä huȩnȩ cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ja̧u̧ huȩnȩ ucuturu ppädäcua'a surojöttö cuejächi'ätucua pä'ö.

Santiago 1:21

Ja̧'hua̧nö̧ ja̧'a̧ttö̧ o'ca juiyönä cuamönätucu cuiditäcuähuätucu juäi'inä suronä jȩä̧cuä̧huä̧mä̧ jaropi'ätucui. Adiu ä̧ju̧cuä̧tu̧cui̧ Dios i̧huȩnȩ, cuami iso'quinä ku̧nä̧huä̧ huȩnȩ, suronä jȩttö̧ jȩpö̧ icu huȩnȩ.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

2 Corintios 3:18

Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

Hechos 15:9

Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

San Lucas 8:11

“Pi̧yȩ jä̧ koro juäi jä̧'i̧nö̧'a̧nö̧ jö̧ huȩnȩ pädäjimä. Jacuä jähuä jä̧ji̧mä̧ Dios i̧huȩnȩ.

San Juan 8:40

Ja̧'hua̧ ja̧'a̧nä̧, iso päi'önä huȩnȩ, Dios ttörö u̧huo̧juȩti̧nö̧ huȩnȩ, ucuturu jidähuomenä, ttörö cuä'ö cuicuätucua pä'ätöjä. Abrahammä, ja̧'hua̧nö̧mä̧ yoröiso jȩpo̧cö̧ pi̧nö̧do.