San Juan 17:10 - TÄ̧DO Ä̧CUÄ̧ I̧HUȨNȨ

¹⁰ O'ca toi'önä chu̧ju̧nä̧rä̧u̧mä̧, ucutä cui̧tti̧mö̧ huotödo. Ja̧'hua̧ta̧nö̧ o'ca toi'önä cu̧ju̧nä̧rä̧u̧mä̧, ttötä chi̧tti̧mö̧ huotödo. Ja̧'hua̧nö̧ ja̧'a̧ttö̧ ttesehua pä'ö eseunu jȩpä̧tö̧.

Nuevo Testamento Uwotjüja

¹⁰ O'kajuiyünä̧ ttü chiäremä̧, ukutä kuiäre ja̧'a̧; ja̧'wa̧nü̧ ja̧'a̧ttü̧ juätünä̧, chukuo jäwämä̧ i̧jȩkuä̧cha̧'a̧.

San Juan 17:10 Referans Kwoze

San Juan 10:30

Ttöcu, Chä'ocu, ji̧nä̧ ya̧tȩnä̧tä̧ ja̧'a̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

2 Tesalonicenses 1:10

Ja̧'hua̧nö̧ 'cuäopäcua'a chutä i̧tti̧mö̧, churutä esetätömä, churutä ttucuotarö pä'ö ichö mo̧ro̧ päi'omenä. Ujutu tu̧huo̧juȩti̧nö̧mä̧ cuesetinätucua'attö, ucutu'inä ja̧u̧ru̧ cucuotäcuotöjä.

Colosenses 2:9

O'ca juiyönä Dios jähuämä Cristonä ka̧cua̧'a̧.

2 Tesalonicenses 1:12

Ja̧'hua̧nö̧ ucuocuätöjä ucutu Tu̧ru̧hua̧ Jesucristo i̧mi̧ cucuotätucua pä'ö. Ucutu ja̧'hua̧nö̧ cucuotätucuomenä, Dios'inä, Tu̧ru̧hua̧ Jesucristo'inä ucuturu ppättäda'attö, korotö ttucuotäcuotö ucuturu'inä.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

Hechos 19:17

O'ca toi'önä Efeso ötahuiyänä ka̧cuä̧tö̧mä̧, judíos ttö̧ja̧'i̧nä̧, judíos huocotö'inä jahuätörö 'cuäopinömä jittähua'a ttä̧ju̧cuo̧mȩnä̧, rö̧ȩnä̧ ye'ecuinätödo. Rö̧ȩnä̧ ucuotinätödo Jesúsru.

San Juan 11:4

Jesús ja̧'hua̧nö̧ ä̧ju̧cuo̧mȩnä̧, pä'inödo: —Ja̧u̧ na̧huä̧cho̧mȩnä̧, 'corupä'i'ocö. Dios adihuä öadihuä'inä, Dios I̧tti̧ adihuä öadihuä'inä i̧jȩcua̧ pä'ö na̧'ä̧chö̧ ja̧u̧mä̧.

Gálatas 1:24

Diosrö adiu esehuinätö ttörö ä̧ju̧cu̧.

San Juan 12:23

Ja̧'hua̧ ja̧'a̧ Jesús jahuätörö pä'inödo: —Ubo I̧tti̧ öadihuä totta pä'ö täcö päi'a'a.