San Juan 16:5 - TÄ̧DO Ä̧CUÄ̧ I̧HUȨNȨ

⁵ Jitämä ttörö hue'inö ö̧ja̧'a̧ chi̧'chä̧cua̧sä̧. Ucutu chi̧'chä̧cua̧'a̧ jä'epocotöjä.

Nuevo Testamento Uwotjüja

⁵ Ja̧'wa̧nü̧ ja̧'a̧nä̧ jitämä̧ ttürü we'inü̧ ü̧ja̧'a̧ 'chü̧sä̧; ja̧'wa̧nü̧ ja̧'a̧nä̧, ya̧tȩ'i̧nä̧, ¿Too kui̧'cha̧'a̧jä̧ttü̧? Pä'ümä̧ jäkuepätukuokokusä.

San Juan 16:5 Referans Kwoze

San Juan 13:36

Simón Pedro jä'epinödo Jesúsru: —Chu̧ru̧hua̧, ¿to cui̧'chä̧cua̧'a̧jä̧ttö̧? Jesús ja̧u̧ru̧ ädätinödo: —Ttö chi̧'chä̧cua̧'a̧, jitä 'cho̧cö̧jä̧. Yodojitä ttö chi̧'chä̧cua̧'a̧ cui̧'chä̧cua̧jä̧.

San Juan 7:33

Ja̧'hua̧ ja̧'a̧ttö̧ Jesús pä'inödo: —Beometä ucutucu chö̧jä̧cua̧sä̧. Ja̧u̧nu̧ o'ca'a ttörö hue'inö ö̧ja̧'a̧ ppa̧dä̧chä̧cua̧sä̧.

San Juan 16:28

Ttömä Chä'ottö rä'opö, pi̧jä̧ra̧'a̧ ichinösä. Jitämä pi̧jä̧ jaropi'ö, pä'äji ta'anö Chä'o ö̧ja̧'a̧ chi̧'chä̧cua̧sä̧, —pä'inödo Jesús.

San Juan 17:4

“Pi̧jä̧nä̧ kä̧nö̧ ucurutä eseunu ucuocu jȩpä̧'i̧jö̧sä̧. Jȩcha̧ pä'ö huecuhuinömä cä'ädösä jitämä.

San Juan 16:10

Chä'o ö̧ja̧'a̧ chi̧'cha̧'a̧ttö̧, adihuä jueä̧mä̧ mä̧nä̧ ttu̧huo̧jui̧'ä̧cuo̧tö̧do. Ucutu'inä juhua'a yabonö topocotö cuäcuotöjä ttörö.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

San Juan 13:3

Chutä Jesús, Dios ö̧jo̧mȩttö̧ ichina'a pä'ö huo̧jui̧nö̧do. Ja̧'hua̧ta̧nö̧ Dios ö̧ja̧'a̧cu̧ ppa̧huä̧chä̧cua̧ huo̧jui̧nö̧do. Ja̧'hua̧ta̧nö̧ Dios o'ca juiyönä ujuru iyinäcu huo̧jui̧nö̧do Jesús.

San Juan 16:16

“A̧'u̧cua̧'a̧tä̧ o'ca'a, ucutumä ttörö topocotö cuäcuotöjä. Ja̧'hua̧nö̧ ja̧'a̧nä̧ ja̧u̧nu̧ recuonänö o'ca'a, pä'äji ta'anö ttörö tocu'äcuotöjä Chä'o ö̧ja̧'a̧ chi̧'cha̧'a̧ttö̧, —huo̧juȩti̧nö̧do Jesús.

San Juan 14:28

Ttö chi̧'chä̧cua̧sä̧. Pä'äji ta'anö ucutucu chö̧ja̧ pä'ö chi̧chä̧cua̧sä̧ pädomenä ä̧ju̧cuä̧jä̧tö̧jä̧. Iso päi'önä ttörö repecuhuätucuttumä, Chä'o ö̧ja̧'a̧ chi̧'chä̧cua̧'a̧ huo̧jui̧pö̧, esehuajatöjä. Ja̧u̧ ttöttö'inä abonänö ju̧ru̧hua̧.

San Juan 6:62

Ubo I̧tti̧ pä'äji ö̧ji̧na̧'a̧ cä'ecuächö tocu'ätucuttumä, ¿tta̧'a̧nö̧ päcuhuätucuäcua'ajä̧ttö̧?

San Juan 17:13

“Jitämä ucu cu̧ja̧'a̧cu̧ chi̧chä̧cua̧sä̧. Ja̧'hua̧nö̧ ja̧'a̧nä̧ pi̧jä̧nä̧ ji̧nä̧ chö̧jä̧i̧, pi̧yȩ huȩnȩ ji'äusä, jahuätö'inä ttö cheseu ta'anö ttesehua pä'ö.

San Juan 16:17

Ja̧'hua̧ ja̧'a̧ttö̧ korotö u̧huo̧juȩtä̧u̧ttu̧ ttamönä jä'ecuinätödo: —A̧'u̧cua̧'a̧tä̧ o'ca'a, ja̧u̧ru̧ topocotö täcuotöjä. Ja̧u̧nu̧ recuonänö o'ca'a, pä'äji ta'anö totäcuotöjä, Jä'o ö̧ja̧'a̧ i̧'cha̧'a̧ttö̧ päomenä, ¿tta̧'a̧nö̧ päa'ajo?