San Juan 16:30 - TÄ̧DO Ä̧CUÄ̧ I̧HUȨNȨ

³⁰ Jitä huo̧juä̧tö̧jä̧, ucumä o'ca juiyönä huo̧jua̧jä̧. Ja̧'hua̧nö̧ ja̧'a̧ttö̧ ucuru yoröiso jättepö juiyö'a̧nö̧ ja̧'a̧. Ucu Diosttö ichinöjä esetätöjä.

Nuevo Testamento Uwotjüja

³⁰ Jitämä̧, wo̧jui̧'ä̧tü̧jä̧ o'kajuiyünä̧tä̧ wo̧jua̧ pä'ü, ujututtü ya̧tȩ jä̧ȩpä̧ra̧ku̧ pä'ü'i̧nä̧ rekuä rü̧jo̧ko̧ku̧jä̧; ja̧'wa̧nü̧ jo̧mȩttü̧ Dio-ttü ichinü̧ pä'ü esetätüjä̧.

San Juan 16:30 Referans Kwoze

San Juan 21:17

Ja̧'hua̧ta̧nö̧ pä'äji ta'anö huäbodäcuänä päi'önä jä'epinödo: —Simón, Jonás i̧tti̧, ¿ttörö repe'öjä tä̧ji̧? Ja̧'hua̧ ja̧'a̧ttö̧ huäbodäcuänä ja̧u̧tä̧ juäi jäepäcu, Pedro a̧'cua̧ tta̧'ȩcu̧ pä'inödo Jesúsru: —Chu̧ru̧hua̧, ucu o'ca juiyönä huo̧jua̧jä̧. Ucuru repeda'a huo̧jua̧jä̧. Ja̧'hua̧ ja̧'a̧ Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

Hebreos 4:13

Diosmä da̧jä̧u̧mä̧ ttö̧ji̧po̧co̧cu̧do yoröisotä. Ja̧u̧ o'ca juiyönä bahuecuächönä topödo. O'ca juiyönä u̧huo̧jua̧'a̧ttö̧, o'ca toi'önä ja̧u̧ru̧ jitähuäcuotöjä o'ca juiyönä jȩtö̧mä̧.

San Juan 17:8

Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.

San Juan 16:17

Ja̧'hua̧ ja̧'a̧ttö̧ korotö u̧huo̧juȩtä̧u̧ttu̧ ttamönä jä'ecuinätödo: —A̧'u̧cua̧'a̧tä̧ o'ca'a, ja̧u̧ru̧ topocotö täcuotöjä. Ja̧u̧nu̧ recuonänö o'ca'a, pä'äji ta'anö totäcuotöjä, Jä'o ö̧ja̧'a̧ i̧'cha̧'a̧ttö̧ päomenä, ¿tta̧'a̧nö̧ päa'ajo?

San Juan 5:20

Ja̧'hua̧nö̧ ja̧'a̧nä̧ Jä'omä I̧tti̧rö̧ repe'ö. Ja̧'hua̧ta̧nö̧ o'ca juiyönä jȩö̧mä̧, i̧jȩpö̧ I̧tti̧rö̧. Koro juäi'inä, pi̧yȩttö̧'i̧nä̧ abonänö adihuä juäi i̧jȩpä̧cua̧. Ucutu ja̧u̧ juäi tocu'ätucuomenä, nö̧'ä̧chö̧ to̧cu̧'ä̧rä̧cuo̧tö̧jä̧.

San Juan 2:11

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 8:42

Ja̧'hua̧nö̧ pättomenä, Jesús päinä̧u̧do: —Iso päi'önä Dios i̧tti̧mö̧ cu'ätucuttumä, ttörö repe'ajatöjä. Ttömä Diosttö ichösä. Cuä'catucu jo̧mȩ kö̧sä̧. Ttötä chamönä amöcuädäu ichocö pi̧nö̧sä̧. Diostä hueinäcusä.

San Juan 16:23

“Ja̧u̧nu̧ mo̧ro̧ päi'omenä, yoröiso jä'epocotö cuäcuotöjä ttörö. Iso päi'önä pä'ösä ucuturu, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 16:26

Ja̧u̧nu̧ mo̧ro̧ päi'omenä, ttö chi̧mi̧nä̧ jäcuhue'äcuotöjä Diosrö. Ja̧'hua̧ta̧nö̧ ttö'inä “Ucuturu adiu chu̧cuo̧cuä̧cua̧sä̧ Chä'orö”, pä'ocösä.

San Juan 16:31

Jesús jahuätörö ädätinödo: —¿Jitämä esetätöjä tä̧ji̧?