San Juan 16:20 - TÄ̧DO Ä̧CUÄ̧ I̧HUȨNȨ

²⁰ Iso päi'önä pä'ösä ucuturu, ucutumä ajuäunu cua̧'cua̧ tta̧cu̧huȩcuä̧cuo̧tö̧jä̧. Ja̧'hua̧nö̧ ja̧'a̧nä̧ pi̧jä̧ ttö̧ja̧ ja̧u̧nu̧ ttesehuäcuotö. Ja̧'hua̧nö̧ ja̧'a̧nä̧ ucutu cua̧'cua̧ tta̧cu̧huȩcuä̧tu̧cu̧ pärocuätä pärohuächö cuesehuäcuotöjä.

Nuevo Testamento Uwotjüja

²⁰ Isopäi'ünä̧ pädäu̧jä̧: Ukutumä̧ kua̧'kua̧ tta̧'ȩku̧ kuajuäkuäwäkuotüjä̧, pi̧jä̧ ttü̧ja̧mä̧ tteseäkuäwa'anä̧. Ja̧'wa̧nü̧ ja̧'a̧nä̧, kua̧'kua̧ tta̧kuȩkuä̧tu̧ku̧mä̧, eseäkuäwänä̧tä̧ kui'ärowächäkuotüjä̧.

San Juan 16:20 Referans Kwoze

Santiago 1:2

Chö̧jä̧hua̧tö̧, eseunu ka̧cuä̧tu̧cui̧ surojö 'cuäopomenä.

San Mateo 5:4

“Tta̧'cua̧ tta̧'ȩcuä̧tö̧mä̧ eseunu ttö̧ja̧cuä̧cuo̧tö̧. Diostä jahuätörötä ppä̧dä̧cuä̧u̧.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

San Marcos 16:10

Ja̧u̧nu̧ o'ca'a jahuäju 'chä̧nö̧, ji'ähuinäjudo chutäcu cue'ächinätörö. Jahuätömä tta̧'cua̧ tta̧'ȩcu̧nu̧ ajuähuinätödo.

Judas 1:24

“Dios, ucu adihuä i̧sa̧jä̧” pätätucuarö. Ja̧u̧tä̧ pi̧jä̧ juiyäi'inä, jitä'inä, yodoji'inä 'cuäopönä ru̧hua̧ päi'önä kö̧do. Tu̧ru̧hua̧ Jesucristorö hueina'attö tesetomenä, ujutu suronä jȩtö̧ jȩpö̧ icuinödo. Ja̧u̧mä̧ ucuturu ppä'ädö adiu cu̧ja̧cuä̧tu̧cua̧ pä'ö, chutä adihuome ö̧jo̧mȩcu̧ ȩpä̧tu̧cua̧cu̧ pä'ö, juhua'atä idicu juiyönä chutäcu eseunu cu̧ja̧cuä̧tu̧cua̧ pä'ö.

San Lucas 24:21

Ujutu ja̧u̧ru̧ tta̧'ä̧ri̧nä̧tö̧jä̧, Israel ttö̧ja̧rö̧ rä'epö icua pä'ö. Ja̧'hua̧ta̧nö̧ jitämä ja̧u̧ juäi 'cuäopäji o'ca'a huäbodäcuä mo̧ro̧ päi'a'a.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Romanos 5:11

Ja̧u̧ ji̧yȩtȩtä̧mä̧ amöcuädocotöjä. Ja̧'hua̧ta̧nö̧ Tu̧ru̧hua̧ Jesucristorö teseta'attö, Diosrö esehuätöjä. Chutä Jesucristo ppä'ädinö ujuturu, Dios ahuaruhuä päti'a pä'ö.

San Lucas 24:17

Ja̧'hua̧ ja̧'a̧ttö̧ Jesús jä'epinödo jahuätörö: —Mä̧nä̧nä̧ 'chä̧nö̧mä̧, ¿däje juäi cucuocuätucuättö? ¿Dä̧bö̧ cua̧'cua̧ tta̧cu̧huȩcuä̧tu̧cuä̧ttö̧?

San Lucas 23:27

Recuätö ttö̧ja̧'i̧nä̧, recuätö nä̧tö̧'i̧nä̧ ja̧u̧ru̧ tta̧'cua̧ tta̧'ȩcu̧ amöcuädätömä, o'ca'anä ajuäunu, huopönö 'chi̧nä̧tö̧do.

Apocalipsis 18:7

Jahuäju eseunu, ka̧'cua̧ ko̧mȩnä̧ kö̧ji̧na̧'a̧ttö̧, ka̧'cua̧ tta̧'ȩcu̧, ubara ttuja pä'ö iyätucuiju. Yajutä kami iso'quinä pä'ä'chäju: “Ruhuaju isaju ta'anö pä̧ju̧sä̧. Recua ta'anö ko̧co̧ju̧sä̧. Ubara'inä ttu'ocojusä.”

Apocalipsis 11:10

Pi̧jä̧nä̧ ka̧cuä̧tö̧mä̧ ttesehuäcuotö, jahuätö ta̧ju̧ hua'ö tticuomenä. Tta̧'cua̧ adiunä ttäcuotö. Ja̧'hua̧nö̧ ji̧yä̧u̧ koro juäi mippoönä huettäcuotö korotö korotönörö. Jahuätö ta̧ju̧mä̧, Dios hueö ucuocuäjätömä, yoröiso surojötä jȩpi̧nä̧tö̧ pi̧jä̧nä̧ ka̧cuä̧tö̧rö̧.

Hechos 5:41

Ja̧'hua̧nö̧ ja̧'a̧ Jesús hue'ähuotö ji̧nä̧ iso ruhuotö ttä'ca jo̧mȩttö̧ rä'opinätödo. Jesús i̧mi̧nä̧ tteseta'attö, ubara ttuttäja'a esehuinätödo.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 16:6

Ja̧'hua̧nö̧ jidähuomenä, ucutu rö̧ȩnä̧ cua̧'cua̧ tta̧ pä'i'ätöjä.

San Lucas 22:62

Ja̧'hua̧ ja̧'a̧ Pedro rä'opächö, pä̧i̧cu̧nä̧ ajuähuinödo.

San Lucas 22:45

Ja̧'hua̧nö̧ ucuocu cä'ädi'ö, ä̧rä̧mi̧'ö u̧huo̧juȩtä̧u̧ ttö̧'ö̧jo̧mȩ ppa̧'ä̧chi̧'i̧nö̧do. Jahuätö ä'ö ttö̧'ö̧jo̧mȩ toinä̧u̧do tta̧'cua̧ tta̧ttȩcua̧'a̧ttö̧.

San Lucas 6:21

“Ucutu Diosrö adiunätä pä̧huä̧ rö̧jä̧chi̧'ö̧nä̧ amöcuädätömä, sucuhuädi'önä cu̧ja̧cuä̧cuo̧tö̧jä̧. “Ucutu jitä cua̧'cua̧ tta̧'ȩcu̧nu̧ ajuähuätömä, eseunu ya̧cu̧huä̧huä̧cuo̧tö̧jä̧.

San Marcos 14:72

Ja̧'hua̧nö̧ päomenä, äcärä todäre päi'önä huopinödo. Ja̧'hua̧nö̧ päi'omenä, Pedro amöcuädinödo Jesús ucuocuäjimä: “Äcärä todärenä huoäcua'a ä'canä, huäbodäcuä jo̧mȩnä̧ cuä̧ppö̧tä̧rä̧cua̧jä̧ ttörö.” Pedro ja̧'hua̧nö̧ amöcuädi'ö ajuähuinödo.

1 Tesalonicenses 1:6

Ujutu jȩti̧nö̧'i̧nä̧, Tu̧ru̧hua̧ jȩi̧nö̧'i̧nä̧, adihuä huȩnȩ'i̧nä̧ esetö jȩpi̧nä̧tö̧jä̧ ucutumä. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ ubara ttu'u, Espíritu Santorö eseu, jȩpi̧nä̧tö̧jä̧.

San Juan 20:20

Ja̧'hua̧nö̧ pä'opo'ö, u̧mö̧'i̧nä̧, i'esubä'inä i̧jȩpi̧nö̧do jahuätörö. Jahuätö Ttu̧ru̧hua̧rö̧ topö esehuinätödo.

San Mateo 21:38

Ja̧'hua̧nö̧ ja̧'a̧nä̧ adicuä ttö̧ja̧, ru̧hua̧ i̧tti̧rö̧ topö, ttamönä pä'ähuinätödo: “Pidetä o'ca juiyönä pätta ru̧hua̧ pä̧i̧'ä̧cua̧mä̧. Cuä'ö ticuarö, ujututä pätta ruhuotö päti'äcua'a̧nö̧.”