San Juan 15:9 - TÄ̧DO Ä̧CUÄ̧ I̧HUȨNȨ

⁹ Ttö Chä'o ttörö repeö'a̧nö̧, repe'ösä ucuturu. Ucuturu repeda'attö, ttöcu cue'ächätucui.

Nuevo Testamento Uwotjüja

⁹ Ttürü, Chä'o eseu repeüta'anü̧, ukuturu'i̧nä̧ eseu repe'üsä; ttü eseu repedünä̧ kka̧kuä̧tu̧kui̧.

San Juan 15:9 Referans Kwoze

San Juan 17:26

Ucuru ttu̧huo̧jua̧ pä'ö ji'ähuinösä. Ji̧nä̧ juhua'a yabonö ji̧dä̧huä̧cua̧sä̧ ttörö repecu ta'anö, jahuätörö'inä repecuhua pä'ö. Ja̧'hua̧ta̧nö̧ jahuätöcu chö̧jä̧cua̧'a̧nö̧ ji̧dä̧huä̧cua̧sä̧, —pä'ö ucuocuinödo Jesús Jä'o Diosrö.

1 Juan 2:28

Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

San Juan 15:13

Ya̧tȩ a̧hua̧ru̧hua̧rö̧ repe'ö a̧hua̧ru̧hua̧ toei'ö juiya pä'ö 'corupäi'öttömä, korotö ttahuaruhuärö repettöttö'inä abonänö repe'ö a̧hua̧ru̧hua̧rö̧.

San Juan 15:11

“Ucuturu pa̧'a̧nö̧ ji'äusä ttörö cuesehuätucuäcua'a̧nö̧. Ja̧'hua̧nö̧ cuesehuätucuttumä, adihuä juäinätä cuesehuäcuotöjä.

Efesios 3:18

Ja̧'hua̧ta̧nö̧ o'ca toi'önä Diosrö esetätöcu Cristo ujuturu repeömä öcähuecu'inä, öotocu'inä, täcua'acu'inä, ju'tojucu'inä adiu cu̧huo̧juä̧tu̧cuä̧cua̧'a̧nö̧ jä'epösä.

Judas 1:20

Ja̧'hua̧nö̧ ja̧'a̧nä̧ ucutu, chö̧jä̧hua̧tö̧, adihuä Dios i̧huȩnȩ rö̧ä̧chö̧nä̧ adiu esetö ka̧cuä̧tu̧cui̧. Espíritu Santo ujurunä ucuocuätucui Diosrö.

San Juan 3:35

Chutä Jä'omä, I̧tti̧rö̧ repe'ödo. Ja̧'hua̧ta̧nö̧ o'ca juiyönä huea pä'ö hueinäcudo.