San Juan 15:8 - TÄ̧DO Ä̧CUÄ̧ I̧HUȨNȨ

⁸ Ucutu u̧huä̧ju̧ rö̧ȩnä̧ cu̧ju̧nä̧rä̧tu̧cuo̧mȩnä̧, Chä'orö ucuotönö jȩpä̧tö̧jä̧. Ja̧'hua̧nö̧ jȩpö̧, iso päi'önä chu̧huo̧juȩtä̧u̧ pä'i'ätöjä.

Nuevo Testamento Uwotjüja

⁸ Pi̧yȩnä̧ i̧jȩkuä̧cha̧'a̧, Chä'o ukuo jäwämä̧: u̧wä̧ju̧ rü̧ȩnä̧ kku̧nä̧rü̧ kkä̧nü̧, ttü cho'ka'anä̧ kuichätukuomȩnä̧.

San Juan 15:8 Referans Kwoze

San Juan 8:31

Ja̧u̧nu̧ o'ca'a, judíos ttö̧ja̧ ja̧u̧ru̧ esetäjätörö pä'inödo: —Ttö pädömä adiu cuesetätucuttumä, iso päi'önä chu̧huo̧juȩtä̧u̧jä̧.

San Mateo 5:16

Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

San Juan 15:5

“Ttömä kada'ca hua̧sä̧. Ucutumä ä̧na̧jui̧yä̧ huotöjä. Ttörö todeunä cue'ächömä, ttö'inä ja̧u̧ru̧ todeunä chö̧ja̧'a̧ttö̧, rö̧ȩnä̧ u̧huä̧ju̧ u̧ju̧nä̧rä̧cua̧. Ucutumä ttörö toönä yoröiso jȩpo̧co̧tö̧jä̧.

1 Pedro 4:11

Ya̧tȩ ucuocuttumä, Dios i̧huȩnȩ päö ta'anö ucuocu'a̧nö̧ ja̧'a̧. Ya̧tȩ ka̧ra̧rö̧ ppädöttömä, Dios ujuru iyömä ppä'ädö aditö'a̧nö̧ ja̧'a̧. O'ca juiyönä jȩcu̧'ä̧tu̧cuo̧mȩnä̧, Jesucristo i̧mi̧nä̧ jȩpö̧, Diosrö esehuäcuähuätucui. 'Cuäopönä Diosrö ttesehuäcuähuäcua'a̧nö̧. Ja̧'hua̧ta̧nö̧ 'cuäopönä Dios ujuruhuäcua'a̧nö̧. Amén.

San Juan 13:35

Korotö korotönörö repecuhuätucuttumä, o'ca toi'önä pi̧jä̧ ttö̧ja̧ ttu̧huo̧juä̧cuo̧tö̧ ucutumä ttö chu̧huo̧juȩtä̧u̧jä̧ pä'ö.

1 Corintios 10:31

O'ca juiyönä cucuätucu'inä, cuahuätucu'inä, jȩcu̧'ä̧tu̧cu̧'i̧nä̧, Diosrö eseunu jȩpä̧tu̧cui̧.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

1 Pedro 2:12

Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.

Tito 2:10

Ja̧'hua̧ta̧nö̧ ttö̧nä̧u̧cuä̧rö̧ juiyäcua'a̧nö̧. Ja̧'hua̧nö̧ adiu jȩtta̧'a̧ topö, korotömä “Dios i̧huȩnȩ, Tu̧ru̧hua̧ i̧huȩnȩ, iso päi'önä huȩnȩ ja̧'a̧” pättäcuotö.

Tito 2:5

Ja̧'hua̧ta̧nö̧ nä̧tö̧ möäyotö adiu tta̧'cua̧ pö̧nö̧ ttö̧jä̧cua̧'a̧nö̧. Jahuätömä suronä ttamöcuädö juiyäcua'a̧nö̧. Ttojusodettö ttaditähuä ttaditäcua'a̧nö̧. Ttahuaruhuärö ppättädäcua'a̧nö̧. Ja̧'hua̧ta̧nö̧ ttirecuo hueötä jȩttä̧cua̧'a̧nö̧. Ja̧'hua̧nö̧ jȩttö̧ttö̧mä̧, korotömä Dios i̧huȩnȩ suronä pä'ö ucuocuocotö.

San Mateo 5:44

Jitämä ttö pä'ösä ucuturu, cuaboiyotörö repe'ätucui. Ucuturu suronä jȩpä̧tö̧rö̧, adiunätä ppä'ädätucui. Ucuturu repe'ocotörö, adiu jȩpä̧tu̧cui̧. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

San Mateo 9:8

Ju̧huȩnȩ ka̧cuä̧tö̧mä̧ ja̧'hua̧nö̧ jȩa̧'a̧ topö, ye'ecuinätödo. Jahuätö Diosrö eseunu ucuocuinätödo, pi̧jä̧ ttö̧ja̧rö̧ ujuru iya'attö.