San Juan 14:23 - TÄ̧DO Ä̧CUÄ̧ I̧HUȨNȨ

²³ Jesús ja̧u̧ru̧ ädätinödo: —Ttörö repe'ömä, ttö pädömä esetö ä̧ju̧cu̧. Chä'o ja̧u̧ru̧ rȩpȩä̧cua̧. Ja̧'hua̧ta̧nö̧ ttöcu, Chä'ocu ja̧u̧ru̧ ichö, tö̧ja̧cuä̧cuo̧tö̧jä̧.

Nuevo Testamento Uwotjüja

²³ Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 14:23 Referans Kwoze

San Juan 14:21

Ttö huedinö u̧huo̧jua̧'a̧ttö̧ jȩpö̧mä̧, iso päi'önä ttörö repe'ö. Ttörö repe'örö, Chä'o'inä rȩpȩä̧cua̧ ja̧u̧ru̧. Ttö'inä ja̧u̧ru̧ rȩpȩdä̧cua̧sä̧. Ja̧'hua̧ta̧nö̧ ja̧u̧cu̧ chö̧jä̧cua̧sä̧, —pä'inödo Jesús.

San Juan 14:15

“Ttörö repecuhuätucuttumä, jȩpä̧tu̧cui̧ ttö huedömä.

1 Juan 2:24

Ja̧'hua̧nö̧ ja̧'a̧ ucutu äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧, esetö ka̧cuä̧tu̧cui̧. Äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧ esetö cu̧ja̧cuä̧tu̧cu̧ttu̧mä̧, ucutu Tä'o Dioscu, Tä'o Dios I̧tti̧ Jesucristocu cu̧ja̧cuä̧cuo̧tö̧jä̧.

1 Juan 4:4

Chi̧tti̧mö̧ huotö, ucutu Dios i̧tti̧mö̧jä̧. Yapareu ucuocuätöttö'inä abonänö juruhuinätöjä. Ähuettä pi̧jä̧ jähuä jȩpö̧ ka̧cuä̧tö̧cu̧ kö̧ttö̧'i̧nä̧ abonänö ju̧ru̧hua̧ ucutucu kö̧mä̧.

2 Corintios 6:16

Ja̧'hua̧ta̧nö̧ Diosrö ucuocuäcuähuodenä, koro juäi ttu̧mö̧nä̧ adicuä juäi juhuodenä ¿ttucuocu'a̧nö̧ tä̧ji̧? Dios kö̧rö̧ ucutucu kö̧. Chutä Dios ja̧'hua̧ta̧nö̧ pä'ö: Ttö jahuätöcu kä̧nö̧ cuȩdä̧chä̧cua̧sä̧. Ttömä jahuätö Ttä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ jahuätömä ttö chumöhuäyotö pätti'äcuotö.

San Juan 10:30

Ttöcu, Chä'ocu, ji̧nä̧ ya̧tȩnä̧tä̧ ja̧'a̧.

San Juan 6:56

Ttötä chidepättö'inä cumä, chucuojattö'inä aumä, ttöcu eseunu kö. Ttö'inä ja̧u̧cu̧ eseunu kö̧sä̧.

San Juan 14:17

Ja̧u̧tä̧ Espíritu Santo iso päi'önä ji'äudo. Pi̧jä̧ ttö̧ja̧ ja̧u̧ru̧ ȩmo̧co̧tö̧. Jahuätö ja̧u̧ru̧ tottoca'attö, ttieruhuäcu. Ja̧'hua̧nö̧ ja̧'a̧nä̧ ucutucu ö̧ja̧'a̧ttö̧, täcö huo̧juä̧tö̧jä̧ ja̧u̧ru̧. Ucutucu 'cuäopönä ö̧jä̧cua̧.

Apocalipsis 21:22

Ji̧nä̧ isocu Dios adihuä ö̧jo̧mȩmä̧ isode jä̧'i̧nö̧'a̧nö̧, yoröiso topocö pi̧nö̧sä̧. Iso päi'önä chutä Tu̧ru̧hua̧mä̧, Dios o'ca juiyönä ju̧ru̧hua̧mä̧, ihueye chutä adihuä ö̧jo̧mȩ ja̧'a̧. Ja̧'hua̧ta̧nö̧ Cordero'inä ihueye chutä adihuä ö̧jo̧mȩ ja̧'a̧.

Apocalipsis 22:3

Ju̧huȩnȩ surojömä 'cuäopoca'a. Dios'inä, Cordero'inä tti̧dȩä̧cä̧ ju̧huȩnȩ ötahuiyänä kä̧cua̧'a̧. Umöhuäyotömä ja̧u̧ru̧ eseunu ttucuocuäcuotö.

San Juan 8:51

Iso päi'önä pä'ösä ucuturu, ttö jidäu esetömä, yoröiso hua'ö icuocö jä̧cua̧.

San Juan 8:52

Ja̧'hua̧ ja̧'a̧ttö̧ judíos ttö̧ja̧ ädätinätödo: —Jitämä iso päi'önä espíritu su̧ro̧pa̧rö̧ ku̧nä̧rö̧jä̧ huo̧juä̧tö̧jä̧. Abraham'inä, o'ca toi'önä Dios i̧huȩnȩ jiäcuähuä isotö'inä hua'ö icuinätödo. Ucutä pä'öjä: “Ttö jidäu esetömä, yoröiso hua'ö icuocö jä̧cua̧do.”

San Juan 14:24

Ttörö repe'ocömä, ttö pädömä esetö ä̧ju̧cuo̧cö̧. Jitä ucuturu jidäumä, ttötä chamönä ji'ähuocösä. Chä'o ttörö hueinö huȩnȩ ji'äusä.

San Juan 15:10

Chä'o hueömä jȩcha̧'a̧ttö̧ ttörö repeö'a̧nö̧, ttö huedömä jȩcu̧'ä̧tu̧cu̧ttu̧mä̧, ucuturu rȩpȩdä̧cua̧sä̧.

San Juan 16:27

Chutä Chä'omä ucuturu repe'ö. Ucutu ttörö repecuhuätucua'attö, repe'ö ucuturu. Ttörö Diosttö ichinö pä'ö cuesetätucua'attö, repe'ö ucuturu.

Efesios 3:17

Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

1 Juan 2:5

Ja̧'hua̧nö̧ ja̧'a̧nä̧ ya̧tȩ Dios i̧huȩnȩ päö ta'anö jȩpö̧mä̧, ja̧u̧mä̧ iso päi'önä Diosrö repe'ö. Dios i̧huȩnȩ päö ta'anö jȩto̧mȩnä̧, huo̧juä̧tö̧jä̧ ujutu Dioscu ka̧cuä̧tö̧jä̧ pä'ö.

1 Juan 5:3

Dios hueinö ta'anö jȩto̧mȩnä̧, Diosrö repe'ätöjä. Dios i̧huȩnȩ päö'a̧nö̧ jȩä̧cuä̧huä̧mä̧ 'quiyoca'a.

2 Juan 1:6

Repe'ätömä Dios hueähuä huȩnȩ päö'a̧nö̧ jȩpä̧tö̧. Ja̧'hua̧ta̧nö̧ ucutu cuesetinomettö kä̧mä̧dö̧, ä̧ju̧cui̧nä̧tö̧jä̧ Dios hueähuä huȩnȩ päa'a: “Repe'äunu ka̧cuä̧tu̧cui̧.”

Apocalipsis 21:3

Ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Päina'a: —Topi. Jitä pi̧jä̧ ttö̧ja̧ ttö̧'quȩtȩnä̧ kö̧ Diosmä. Jahuätöcu ö̧jä̧cua̧. Jahuätömä chutä umöhuäyotö pätti'äcuotö. Chutä Dios jahuätöcu ö̧ja̧'a̧ttö̧, Ttä̧do̧ äcuä̧ Dios pä̧i̧'ä̧cua̧.