San Juan 14:17 - TÄ̧DO Ä̧CUÄ̧ I̧HUȨNȨ

¹⁷ Ja̧u̧tä̧ Espíritu Santo iso päi'önä ji'äudo. Pi̧jä̧ ttö̧ja̧ ja̧u̧ru̧ ȩmo̧co̧tö̧. Jahuätö ja̧u̧ru̧ tottoca'attö, ttieruhuäcu. Ja̧'hua̧nö̧ ja̧'a̧nä̧ ucutucu ö̧ja̧'a̧ttö̧, täcö huo̧juä̧tö̧jä̧ ja̧u̧ru̧. Ucutucu 'cuäopönä ö̧jä̧cua̧.

Nuevo Testamento Uwotjüja

¹⁷ isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

San Juan 14:17 Referans Kwoze

San Juan 16:13

Iso päi'önä Ppädäcuähuä I̧sa̧ Espíritu Santo ichomenä, ja̧u̧ iso päi'önä huȩnȩ u̧huo̧juȩtä̧cua̧ ucuturu. Chutä amönä amöcuädö ucuocuocö jä̧cua̧. O'ca juiyönä ä̧ju̧cuä̧ji̧tä̧ ji̧ä̧huä̧cua̧ ucuturu. Ja̧'hua̧ta̧nö̧ koronö 'cuäopä̧cuȩ'i̧nä̧ ji̧ä̧huä̧cua̧ ucuturu.

1 Juan 2:27

Espíritu Santo, Jesucristo iyinäcumä, ucutucu kö̧. Ja̧'hua̧nö̧ ja̧'a̧ttö̧ “Ka̧ra̧ ujuturu u̧huo̧juȩtö̧'a̧nö̧ ja̧'a̧” pä'ocotöjä ucutumä. Espíritu Santomä, Jesucristo iyinäcu, o'ca juiyönä ucuturu huo̧juȩtö̧. Ja̧u̧ u̧huo̧juȩtö̧mä̧, iso päi'önä huȩnȩ ja̧'a̧. Yapareu huȩnȩmä̧cö̧. Ja̧u̧ u̧huo̧juȩti̧nö̧ ta'anö jȩpä̧tu̧cui̧. Jesucristocutä ka̧cuä̧tu̧cui̧.

San Juan 15:26

“Ucuturu Ppädäcuähuä I̧sa̧, iso päi'önä Espíritu, Chä'ottö huȩdä̧cua̧mä̧ ichomenä, ttörö adiu u̧cuo̧cuä̧cua̧.

1 Juan 4:6

Ujutumä Dios i̧tti̧mö̧jä̧. Diosrö huo̧juä̧tö̧mä̧ ujutu tucuocu adiu ä̧ju̧cuä̧tö̧. Dios i̧tti̧mö̧cö̧ ujutu tucuocu ä̧ju̧cuo̧co̧tö̧. Ja̧'hua̧nö̧ ja̧'a̧ttö̧ ujutu huo̧juä̧tö̧jä̧ Espíritu Santo hueö jȩpä̧tö̧rö̧'i̧nä̧, ähuettä hueö jȩpä̧tö̧rö̧'i̧nä̧.

1 Corintios 3:16

Dios ucutucu ö̧ja̧'a̧ttö̧, Dios ö̧jo̧mȩ huotöjä ¿jerupätöjä tä̧ji̧? Ja̧'hua̧ta̧nö̧ Espíritu Santomä ucutucu kö̧ pä'ö ¿jerupätöjä tä̧ji̧?

1 Corintios 2:14

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

1 Corintios 6:19

¿Ucutu jerupätöjä tä̧ji̧? Dios iyinödo ucuturu cuamönätucu jättäpäyotö Espíritu Santo ö̧ja̧ pä'ö. Ja̧'hua̧nö̧ ja̧'a̧ttö̧ Espíritu Santo kö̧ ucutucu. Ja̧'hua̧nö̧ ja̧'a̧ttö̧ ucutumä cuamönätucu jättäpäyotönä ruhuotö huocotöjä.

2 Timoteo 1:14

Espíritu Santo, tami iso'quinä kö̧, ppädomenä, Dios ucuru iyinömä adiu tta̧'ä̧ri̧.

San Juan 14:16

Ja̧'hua̧nö̧ ja̧'a̧ttö̧ Chä'orö jä̧dȩpä̧cua̧sä̧ ucuturu huea pä'ö ka̧ra̧ Ppädäcuähuä I̧sa̧rö̧. Ja̧u̧ ö̧jä̧cua̧'a̧nö̧ ucutucu 'cuäopönä.

San Juan 14:23

Jesús ja̧u̧ru̧ ädätinödo: —Ttörö repe'ömä, ttö pädömä esetö ä̧ju̧cu̧. Chä'o ja̧u̧ru̧ rȩpȩä̧cua̧. Ja̧'hua̧ta̧nö̧ ttöcu, Chä'ocu ja̧u̧ru̧ ichö, tö̧ja̧cuä̧cuo̧tö̧jä̧.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

1 Juan 4:4

Chi̧tti̧mö̧ huotö, ucutu Dios i̧tti̧mö̧jä̧. Yapareu ucuocuätöttö'inä abonänö juruhuinätöjä. Ähuettä pi̧jä̧ jähuä jȩpö̧ ka̧cuä̧tö̧cu̧ kö̧ttö̧'i̧nä̧ abonänö ju̧ru̧hua̧ ucutucu kö̧mä̧.

Efesios 3:17

Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

2 Corintios 13:5

Ucutu cuamönätucunä ka̧cuä̧mö̧ amöcuädäcuähuätucui, Diosrö esetö adiu cuami 'qui'ächi'önä cu̧ja̧cuä̧tu̧cua̧ pä'ö topö. Ja̧'hua̧nö̧ amöcuädö, ¿Jesucristo ucutucu ö̧ja̧'a̧ huo̧juo̧co̧tö̧jä̧ tä̧ji̧? Ja̧'hua̧nö̧ cu̧huo̧juä̧tu̧cu̧ juiyöttömä, ¿amönä yapareunätä esetinätöjä tä̧ji̧?

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Efesios 2:22

Ja̧'hua̧ta̧nö̧ ja̧'a̧nä̧ ucutu'inä Cristorö cuesetätucuomenä, o'ca toi'önä ji̧nä̧ yo̧mȩtȩcu̧ pä'i'ätöjä isode jä̧'i̧nö̧'a̧nö̧, Dios adihuä ö̧jo̧mȩ päi'önä, chutä Espíritu Santo ujutucu ö̧ja̧'a̧ttö̧.

San Mateo 10:20

Ja̧u̧nu̧mä̧ ucutu cuamönätucumä ucuocuocotöjä. Espíritu Santotä ucutu cui̧huȩnȩtu̧cu̧nä̧ u̧cuo̧cuä̧cua̧.

Apocalipsis 2:17

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧. Ya̧tȩ pi̧jä̧ttö̧'i̧nä̧ abonänö ju̧ru̧hua̧rö̧, maná dajö chicuinöttö chi̧yä̧cua̧ ucua pä'ö. Ja̧'hua̧ta̧nö̧ ido'qui teo'qui chi̧yä̧cua̧. Juhuo'quinä ka̧ra̧ i̧mi̧, korotömä ttierunä huȩyu̧cuä̧cua̧'a̧. Chutä juhuo'qui ido'qui ȩmö̧tä̧, ja̧u̧ i̧mi̧ huȩyu̧cua̧'a̧ u̧huo̧juä̧cua̧.”

1 Juan 5:7

Mo̧ro̧jä̧nä̧ kä̧nö̧ ji'ähuätömä, huämetucuä ja̧'a̧. Tä'o Dios'inä, I̧huȩnȩ'i̧nä̧, Espíritu Santo'inä. Jahuätö huämetucuä ya̧tȩtä̧ ja̧'a̧.

2 Corintios 6:16

Ja̧'hua̧ta̧nö̧ Diosrö ucuocuäcuähuodenä, koro juäi ttu̧mö̧nä̧ adicuä juäi juhuodenä ¿ttucuocu'a̧nö̧ tä̧ji̧? Dios kö̧rö̧ ucutucu kö̧. Chutä Dios ja̧'hua̧ta̧nö̧ pä'ö: Ttö jahuätöcu kä̧nö̧ cuȩdä̧chä̧cua̧sä̧. Ttömä jahuätö Ttä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ jahuätömä ttö chumöhuäyotö pätti'äcuotö.

1 Corintios 14:15

Ja̧'hua̧nö̧ ja̧'a̧ttö̧ ¿tta̧'a̧nö̧ jȩchä̧tto̧? Cha̧'cua̧ru̧hua̧nä̧'i̧nä̧, chu̧huo̧jua̧'a̧nä̧'i̧nä̧ Diosrö chucuocuomenä, adihua'a. Ja̧'hua̧ta̧nö̧ cha̧'cua̧ru̧hua̧nä̧'i̧nä̧ chu̧huo̧jua̧'a̧nä̧'i̧nä̧ ra̧do̧mȩnä̧, adihua'a.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.