San Juan 13:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ ja̧'a̧ Pedro pä'inödo: —Ttö chö̧jä̧pö̧mä̧ yoröiso töcocöjä. Jesús päinäcudo: —Cu̧jä̧pö̧ chötöcö juiyöttömä, ttöcu cue'ächocöjä juhua'a yabonömä.

Nuevo Testamento Uwotjüja

⁸ Peduru pä'inü̧: —Yorisotä, chü̧jä̧pi̧yä̧ kutukattü pä'ümä̧, ukurumä̧ we'äwokü chä̧kua̧sä̧, Päku, Jesú-mä̧, ädätinü̧: —Ukuru chütükü juiyüttümä̧, ttüttümä̧ i̧mi̧ku̧ kuä̧kua̧jä̧.

San Juan 13:8 Referans Kwoze

Tito 3:5

Diosmä suronä jȩtö̧ jȩpö̧ icuinö. Ujututä adiu jȩpo̧co̧tö̧ pi̧nä̧tö̧jä̧. Chutä, Diostä, re rö̧jö̧nä̧ topinö ujuturu.

Hechos 22:16

Jitämä ¿dä̧bö̧ tta̧cu̧huä̧rä̧ttö̧? Ä̧rä̧mi̧'ö̧ bautizado pä'i'i. Tu̧ru̧hua̧ i̧mi̧nä̧ Diosrö hue'ähui suronä jȩcu̧'i̧nö̧ töcö icuacu.” Ja̧'hua̧nö̧ päinäcusä Ananías.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

Apocalipsis 7:14

Ja̧'hua̧nö̧ jäepomenä, ttötä ädätinösä: —Chu̧ru̧hua̧, ucutä huo̧jua̧jä̧. Ja̧'hua̧ ja̧'a̧ ttörö pä'inö: —Pitö rö̧ȩnä̧ surojö 'cuä'opinätö. Jitämä ttö̧'ca̧tä̧huä̧ti̧yu̧mä̧, yoröiso teönä töquinätö chutä Cordero ucuojanä.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Colosenses 2:23

Iso päi'önä pi̧yȩ hueähuä hue'ätömä “Huo̧ju̧nä̧ hue'ätö a̧'cua̧ra̧'a̧,” pä'ätö korotömä. Jahuätö hue'ätö koro adiu amöcuädö ttucuocua pä'ö. Ja̧'hua̧ta̧nö̧ usurä isotö kä̧nö̧, ttamönä jättäpäyotönä ubara ttu'u jȩtta̧ pä'ö. Ja̧'hua̧nö̧ ja̧'a̧nä̧ ja̧u̧ juäi jȩtto̧mȩnä̧, yoröiso ppä'ädocö ttamönä pä̧huä̧ rö̧jö̧tä̧ jȩttö̧ juiya pä'ö.

Colosenses 2:18

Ja̧'hua̧ta̧nö̧ korotö usurä isotö jö̧ ta'anö kä̧nö̧, ángelesrö'inä esetö ttucuocuomenä, cuesetätucuä', Cristorö esetö cuȩmä̧tu̧cuä̧cuȩ 'chottipö juiyäcua'a̧nö̧. Jahuätömä jitötä tottocö'inä jȩpä̧tö̧. Ja̧'hua̧ta̧nö̧ jitöätä ttamöcuädöätä a'cuoyäu jȩpä̧tö̧.

San Juan 3:5

Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.

San Mateo 26:33

Ja̧'hua̧ ja̧'a̧ttö̧ Pedro ädätinödo: —O'ca toi'önä ucuru jarotti'öttö'inä, ttömä jaropi'ocösä.

San Mateo 21:29

Ja̧'hua̧ ja̧'a̧ i̧tti̧ pä'inödo jä'orö: “'Cho̧cö̧sä̧.” Ja̧u̧nu̧ o'ca'a pärocuäcutä amöcuädomenä, aditö 'chi̧nö̧do.

San Mateo 26:35

Pedro pä'inödo: —Isocö̧. 'Corupädi'öttö'inä ucuru ä̧ppö̧tä̧ro̧cö̧sä̧. Korotö u̧huo̧juȩtä̧u̧'i̧nä̧ ja̧'hua̧ta̧nö̧ pä'inätödo.

San Mateo 16:22

Ja̧'hua̧nö̧ päomenä, Pedro Jesúsru koromecu o'ipächö pä'inödo: —Chu̧ru̧hua̧, ja̧'hua̧nö̧ Diosrö pä̧huä̧ juiyäcuto. Ucuru ja̧'hua̧nö̧mä̧ 'cuäopö juiya pä'ösä ttömä.

San Juan 13:6

Simón Pedro ö̧jä̧pö̧ ötöca päomenä, Pedro pä'inödo Jesúsru: —Chu̧ru̧hua̧, ¿ttö chö̧jä̧pö̧ cu̧tö̧cä̧cua̧jä̧ tä̧ji̧?

San Juan 13:9

Ja̧'hua̧ ja̧'a̧ Simón Pedro pä'inödo: —Ja̧'hua̧ ja̧'a̧ttö̧, Chu̧ru̧hua̧, chö̧jä̧pö̧tä̧ cutöcä'. Chu̧mö̧'i̧nä̧, chu'inä o'ca juiyönä töquittö.