San Juan 13:34 - TÄ̧DO Ä̧CUÄ̧ I̧HUȨNȨ

³⁴ Ucuturu jareönä hueähuä huȩnȩ iyösä jitä. Korotö korotönörö repe'ätucui. Ucuturu repedinö ta'anö ucutu'inä korotö korotönörö repecuhuätucuäcua'a̧nö̧.

Nuevo Testamento Uwotjüja

³⁴ Ji̧yȩtȩ jareünä̧ weäwä wȩnȩ we'üsä, ukuturu: Yotukunä̧ eseu repe'äkuäwätukui; ttü ukuturu eseu repedä'ijüta̧'a̧nü̧ ja̧'wa̧ta̧nü̧ ukutu'i̧nä̧ eseu repe'äkuäwätukui.

San Juan 13:34 Referans Kwoze

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

San Juan 15:17

Ja̧'hua̧ ja̧'a̧ttö̧ pi̧yȩtä̧ hue'ösä ucuturu: korotö korotönörö repe'ätucui, —pä'ö huo̧juȩti̧nö̧do Jesús.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

Gálatas 6:2

Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.

1 Juan 3:23

Dios pi̧yȩ hue'inö: tesetö'a̧nö̧ ja̧'a̧ Dios I̧tti̧ Jesucristorö. Ja̧'hua̧ta̧nö̧ tö̧jä̧hua̧tö̧rö̧ repetö'a̧nö̧ ja̧'a̧, Dios hueinö ta'anö ujuturu.

1 Juan 4:21

Dios ujuturu hueinömä päa'a: Diosrö repe'ömä, ö̧jä̧hua̧rö̧'i̧nä̧ repeö'a̧nö̧ ja̧'a̧.

Santiago 2:8

Dios hueähuä huȩnȩ päö ta'anö jȩcu̧'ä̧tu̧cu̧ttu̧mä̧, adiu jȩpä̧tö̧jä̧. Ja̧u̧ huȩnȩ päa'a: Cua̧hua̧ru̧hua̧rö̧ repe'i cuamönä repecuhuäu ta'anö.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

Romanos 12:10

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

2 Juan 1:5

Jitä ucuru ji'äusä chöjähuaju, ujutu o'ca toi'önä repetäu'a̧nö̧ ja̧'a̧. Pi̧yȩ chi̧huȩyu̧tu̧mä̧ jareö hueähuä huȩnȩmä̧cö̧. Ja̧u̧tä̧ hueähuä huȩnȩ ku̧nä̧rä̧tö̧jä̧, äcuomenä tesetinomettö kä̧mä̧dö̧.

Gálatas 6:10

Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.

1 Juan 3:11

Äcuomenä cuesetinomettö kä̧mä̧dö̧, cuä̧ju̧cui̧nä̧tu̧cu̧ Dios i̧huȩnȩ päa'a: repetäu'a̧nö̧ ja̧'a̧.

Hebreos 13:1

Ttö̧jä̧hua̧tö̧rö̧ repettö'a̧nö̧ korotö, korotönörö repecuhuätucumä jarocuhui'ätucuä'.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

2 Pedro 1:7

Ja̧'hua̧ta̧nö̧ Diosrö ucuocu kä̧nö̧, cu̧jä̧hua̧tö̧rö̧ eseunu cuamöcuädätucuaja. Ja̧'hua̧ta̧nö̧ eseunu amöcuädö kä̧nö̧, cuahuaruhuärö repecuhuätucuaja.

Colosenses 1:4

Ucutu Cristo Jesúsru cuesetätucua'a ä̧ju̧cui̧nä̧tö̧jä̧. Ja̧'hua̧ta̧nö̧ o'ca toi'önä Dios i̧tti̧mö̧rö̧ repecuhuätucua'a ä̧ju̧cui̧nä̧tö̧jä̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

San Juan 17:21

Jahuätömä o'ca toi'önä ji̧nä̧ yo̧mȩtȩ amöcuädö ttö̧ja̧cua̧ pä'ö jä'epösä. Chä'o, ujutumä, ucucu, ttöcu ji̧nä̧ yo̧mȩtȩ tö̧ja̧cu̧'a̧nö̧, jahuätö'inä ujutucu ttö̧ja̧cua̧ pä'ösä. Ja̧'hua̧ta̧nö̧ pi̧jä̧ ttö̧ja̧ jahuätörö ja̧'hua̧nö̧ ttö̧ja̧cua̧'a̧ topö, ttörö huecuhuina'a ttu̧huo̧juä̧cua̧'a̧nö̧ pä'ösä.

San Mateo 5:44

Jitämä ttö pä'ösä ucuturu, cuaboiyotörö repe'ätucui. Ucuturu suronä jȩpä̧tö̧rö̧, adiunätä ppä'ädätucui. Ucuturu repe'ocotörö, adiu jȩpä̧tu̧cui̧. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

Romanos 13:8

Yoröiso mippotönö jȩcu̧'ä̧tu̧cuä̧' korotörö'inä ka̧ra̧rö̧'i̧nä̧. Repeäcuähuänö jȩcu̧'ä̧tu̧cu̧tä̧ mippotätucui korotö korotöcu. Korotörö repe'önö jȩpä̧tö̧mä̧, hueähuä huȩnȩ jȩpä̧tö̧.

Romanos 13:10

Eseunu repeähuä ku̧nä̧rö̧mä̧, suronä jȩpo̧cö̧ a̧hua̧ru̧hua̧rö̧. Ja̧'hua̧nö̧ repeähuä jȩpö̧mä̧, o'ca juiyönä hueähuä huȩnȩ jȩpö̧.