San Juan 12:3 - TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ttu̧cuȩ ttucuomenä, María ji̧yu̧tȩ i̧sä̧yu̧, amehuoya nardo pättoya rö̧ȩnä̧ micuähuoya a̧cuä̧yu̧ i'cächö, Jesús ö̧jä̧pö̧nä̧ da'epinäjudo. Da'epäjä'caju kuhuo'chenä 'ca̧'i̧nä̧ju̧do. Juhuode jacuoju o'ca juiyönä ja̧u̧ amehuoyattö amehuina'ado.

Nuevo Testamento Uwotjüja

³ Ja̧'wa̧nü̧ ja̧'a̧ María-mä̧ nardo pä'ü mikuoya a̧mȩwoya päkuoya, rü̧ȩnä̧ mikuäwoya, i̧sä̧yu̧nä̧ akua'a i'kächipü Jesú ü̧jä̧pi̧yä̧nä̧ tu'epinä̧ju̧; kkuwo'chenä̧ 'ka̧'ü̧nü̧, ja̧'wa̧nü̧ jȩjo̧mȩnä̧ isode jättäjode yü̧i̧pü̧nä̧ a̧mȩwi̧na̧'a̧.

San Juan 12:3 Referans Kwoze

San Juan 11:2

Ya̧ju̧tä̧ María, Lázaro na̧'ä̧chi̧nö̧ uböamä, amehuoya Jesús ö̧jä̧pö̧nä̧ da'epäjä'caju, kuhuo'chenä 'ca̧'i̧nä̧ju̧ pi̧nä̧ju̧do.

San Juan 11:32

Ja̧'hua̧ ja̧'a̧ María Jesús ö̧ja̧'a̧ 'chä̧hui̧'ö̧, ä'ca jo̧mȩttö̧ kihue'quiyunä kä̧mä̧dö̧ pä'inäjudo: —Chu̧ru̧hua̧, pȩnȩ cu̧ju̧ttu̧mä̧, chö̧jä̧hua̧ 'corupä'i'ocö paji.

San Lucas 7:46

A̧dȩ'i̧nä̧ chunä cuhuenococu päjisä. Ja̧'hua̧nö̧ ja̧'a̧nä̧ yajujua amehuoya to'äjäju chö̧jä̧pö̧nä̧.

San Juan 11:28

Ja̧u̧ jijähuäji o'ca'a, Marta köjähuaju Maríarö huopö 'chi̧nä̧ju̧do. Yä̧huä̧i̧nä̧ päjinäcuado: —Huo̧juȩcuä̧ I̧sa̧ ichäji. Ucuru huopö.

San Lucas 10:42

Ja̧'hua̧ ja̧'a̧nä̧ adiunä jȩä̧cuä̧huä̧ juäi ji̧yȩä̧cuȩtä̧ ja̧'a̧. Maríamä ji̧yȩtȩ adiunä pä'i'äjäju. Ja̧'hua̧ta̧nö̧ yotöte'inä 'cho'icuocoju, —pä'inödo Jesús.

San Juan 19:39

Nicodemo'inä, Jesúsru yodo jä'epö ichinömä, i'cächinödo treinta kilos jo̧mȩnä̧ koro juäi adiu ameu. Ja̧u̧ mirracu, áloescu huihuaunä i'cächinödo.