San Juan 12:2 - TÄ̧DO Ä̧CUÄ̧ I̧HUȨNȨ

² Jesús ichi'äja'attö, Lázaro ojusodenä eseunu ttu̧cuȩ cuinätödo. Marta ttu̧cuȩ iyinäjudo. Lázaro Jesúscu mesa isodänä pä̧nö̧ u̧cuȩ cuinödo.

Nuevo Testamento Uwotjüja

² Juorü Jesú-ru eseu ttu̧kuȩ kuinä̧tü̧; Marta-mä̧ ttu̧kuȩ iyä'chinä̧ju̧ ja̧'wa̧nü̧ ja̧'a̧ Rázaru'i̧nä̧ juätütäku mesa isodänä̧ pä̧nü̧ u̧kuȩ kuinü̧.

San Juan 12:2 Referans Kwoze

Apocalipsis 3:20

Ä̧ju̧cui̧. Ttömä äpate ä'ca kä̧nö̧, huopö kö̧sä̧. Ya̧tȩ ttö chi̧huȩnȩ ä̧ju̧cu̧, äpate bahuepöttömä, do'ächö, chutäcu chu̧cuȩ chu̧cuä̧cua̧sä̧. Ja̧u̧'i̧nä̧ ttöcu u̧cuä̧cua̧.

San Lucas 22:27

Iso päi'önä, ¿dijä̧ttö̧ adihuä i̧sa̧mä̧? ¿Mesa isodänä u̧cuȩ cuä̧nö̧ pö̧cö̧? ¿Korotö ttucua pä'ö iyöcö̧? Iso päi'önä mesa isodänä pö̧tä̧ adihuä i̧sa̧ ja̧'a̧. Ja̧'hua̧nö̧ ja̧'a̧nä̧ ttömä ya̧tȩ huȩ'ä̧hua̧ ö̧jö̧'a̧nö̧ kö̧sä̧ ucutucu.

San Marcos 14:3

Jesús Betania ötahuiyänä, Simón, lepra öttahuiyä märichei na̧'ä̧chö̧ pättäcu ojusodenä ki̧nö̧do. Juhuodenä mesa isodänä ö̧'a̧'a̧nä̧ yajute isaju adihuä juäi alabastro ido'quittö adicuä̧yu̧, amehuoya nardo pättoya rö̧ȩnä̧ micuähuoya a̧cuä̧yu̧, 'chu̧huä̧rä̧nö̧, Jesús ö̧'o̧mȩcu̧ ichi'inäjudo. Dö'opo'ö icu Jesús unä da'epinäjudo juhuoya amehuoya.

San Lucas 14:12

Ja̧'hua̧ta̧nö̧ Jesús pä'inödo ji̧nä̧ iso o'ipäjirö: —Ji̧yȩnö̧ cu̧cuȩ ttucua pä'ö ocuhui'omenä, ucutä cuahuaruhuärö'inä, ucutä cu̧jä̧hua̧tö̧rö̧'i̧nä̧, ji̧nä̧ ji̧yȩtȩ cuahuaruhuärö'inä, ötahuiyä ruhuä järe ruhuotörö'inä ocuhui'ä'. Ja̧'hua̧nö̧ ja̧'a̧ jahuätö micuä päi'önä o̧tti̧pä̧cua̧jä̧. Ja̧'hua̧nö̧ cu̧ju̧nä̧rä̧cua̧jä̧ ocuhuipäji micuä.

San Lucas 12:37

Jahuätö umöhuäyotö ttu̧ru̧hua̧ tta̧ttä̧ra̧'a̧ ichi'ä̧u̧mä̧ eseunu ttö̧ja̧cuä̧cuo̧tö̧. Iso päi'önä pä'ösä ucuturu, chutä ttu̧ru̧hua̧ mesa isodänä ttö̧'ö̧ja̧'a̧ hue'aji jahuätörö. Ttu̧cuȩ'i̧nä̧ chutä iyaji jahuätörö.

San Lucas 5:29

Ja̧u̧nu̧ o'ca'a Levímä hue'inödo cuäcuähuä rö̧ȩnä̧ ttadita pä'ö ojusodenä Jesúscu eseunu ucua pä'ö. Ja̧'hua̧nö̧ ttucuomenä, korotö recuätö ru̧hua̧ öäre pärätä ȩmä̧'i̧jä̧tö̧'i̧nä̧, korotö'inä cuä̧nö̧ pȩji̧nä̧tö̧do jahuätöcu.

San Mateo 26:6

Jesús Betania ötahuiyänä, Simón, lepra öttahuiyä märichei na̧'ä̧chö̧ pättäcu ojusodenä ki̧nö̧do.