San Juan 12:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ ojiyä 'cuittopäji o'ca'a, ötahuiyättö rä'opö, Jesúsru topö 'chi̧nä̧tö̧do. Huopinätodo: —¡Diosrö eseäcuähuätucui! Tu̧ru̧hua̧ i̧mi̧nä̧ ichömä adiunä ö̧jä̧cua̧. Israel ttö̧ja̧ Ttu̧ru̧hua̧ adiu ö̧jä̧cua̧.

Nuevo Testamento Uwotjüja

¹³ Jesú icha'aku, eseumä̧ ojiyä, ppä'ü rütü wopinä̧tü̧: —¡Dio ppä'äditü! ¡Tu̧ru̧wa̧ i̧mi̧nä̧ ichümä̧ adiwäjuei i̧yä̧wä̧kua̧, Irae ttu̧ru̧wa̧ Rey-mä̧!

San Juan 12:13 Referans Kwoze

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Apocalipsis 7:9

Ja̧u̧ juäi tochinö o'ca'a, pä'äji ta'anö tochomenä, recuätö ttö̧ja̧ pi̧jä̧ pa̧ja̧cu̧nä̧ ttö̧ja̧ttö̧, o'ca toi'önä tti̧huȩnȩ pö̧nä̧ ucuocuätöttö, o'ca juiyönä ötahuiyä ttö̧ja̧ttö̧, ko̧ro̧jä̧ tti̧rȩjä̧ra̧'a̧ttö̧ ichähuotö chutä i̧dȩä̧cä̧'i̧nä̧, Cordero'inä ttä'ca jo̧mȩttö̧ ttö̧ja̧cua̧'a̧ topinösä. Juiyo recuinätö. Yoröiso ppa̧ja̧cuo̧mȩ juiyönä recuinätö. Ttö̧'ca̧tä̧huä̧ti̧yu̧ teönä 'ca̧tä̧hui̧nä̧tö̧. Ttu̧mö̧nä̧ koro juäi isojä, nȩnȩä̧ isojä jä̧'i̧nö̧'a̧nö̧, 'chu̧'ä̧ri̧nä̧tö̧.

San Juan 1:49

Ja̧'hua̧ ja̧'a̧ Natanael pä'inödo: —Huo̧juȩcuä̧ I̧sa̧, ucumä Dios I̧tti̧jä̧. Ucumä Israel ttö̧ja̧ Ttu̧ru̧hua̧jä̧.

San Mateo 23:39

Iso päi'önä pä'ösä ucuturu: “Tu̧ru̧hua̧ i̧mi̧nä̧ ichömä adiunä ö̧jä̧cua̧” päcuhuätucuome jubö päi'önä, pä'äji ta'anö ttörömä topocotö cuäcuotöjä, —pä'inödo Jesús.

San Juan 19:15

Ja̧'hua̧nö̧ päomenä, judíos ttö̧ja̧ huopinätödo: —¡Huäinä hua'ö icu! ¡Huäinä hua'ö icu! ¡Dau isodänä pȩ'o̧pö̧ ku̧ni̧rö̧! Pilato pä'inödo jahuätörö: —¿Ucutu cu̧ru̧hua̧tu̧cu̧ru̧ dau isodänä pȩ'o̧pö̧ chu̧ju̧nä̧cua̧ tä̧ji̧? Ja̧'hua̧ ja̧'a̧ttö̧ sacerdotes ruhuotö ädätinätödo: —Pi̧jä̧ ru̧hua̧ ji̧nä̧ isocu ru̧hua̧ttö̧'i̧nä̧ ka̧ra̧ tu̧ru̧hua̧ to'ätöjä.

Apocalipsis 19:16

Chutä ö̧'ca̧tä̧huä̧ta̧nä̧'i̧nä̧, öjanä'inä pa̧'a̧nö̧ huȩyu̧cui̧na̧'a̧: “O'ca toi'önä Ttu̧ru̧hua̧”, huȩyu̧cui̧na̧'a̧.

San Juan 12:15

Sión ötahuiyä ttö̧ja̧, yecuhuecuätucuä'. Topätucui Cu̧ru̧hua̧ icha'a, ya̧tȩ burrorö huä̧mä̧dö̧.

San Mateo 27:42

—Korotörö ppä'ädinö. Chutä amönä ppä'ädäcuähuocö. Iso päi'önä Israel ttö̧ja̧ ttu̧ru̧hua̧ jö̧ttö̧mä̧, dau isodättö i̧mȩyȩhuä̧cha̧do, ujutu'inä tesetarö pä'ö.

San Juan 12:14

Jesús ya̧tȩ burrorö po̧cui̧pö̧, huä̧mä̧di̧nö̧do, Huȩyu̧cuä̧ Huȩnȩ päö'a̧nö̧. Ja̧u̧ huȩnȩ päa'a: