San Juan 11:25 - TÄ̧DO Ä̧CUÄ̧ I̧HUȨNȨ

²⁵ Ja̧'hua̧ ja̧'a̧ Jesús pä'inödo jahuäjuru: —Ttötäsä Ttoädäcuähuä I̧sa̧mä̧. Ttötäsä tta̧'cua̧rö̧mä̧ iyähuä i̧sa̧mä̧. Ttörö esetömä, hua'ö icuipö'inä, pä'äji ta'anö ö̧jä̧cua̧.

Nuevo Testamento Uwotjüja

²⁵ Päjiyäku, Jesú-mä̧ päinä̧kua̧: —Ttütäsä tta̧'kua̧rü̧ ttoädäkuäwä i̧sa̧mä̧, ttütäsä tta̧'kua̧rü̧mä̧. Ttürü esetümä̧ 'korujuoächaja pä'ü'i̧nä̧, pä'äjita'anü̧ ü̧jä̧kua̧.

San Juan 11:25 Referans Kwoze

1 Tesalonicenses 4:14

Ujutu esetätöjä Jesús 'corupä'i'äji'ca̧ tto'ächinö pä'ö. Ja̧'hua̧ta̧nö̧ esetätöjä Jesúsru esetö 'corupä'i'inätörö, Jesús ichomenä, chutä Jesúscu pätti'önä tto̧ä̧dä̧cua̧ Dios.

San Juan 3:36

Ya̧tȩ Dios I̧tti̧rö̧ esetömä, kä̧cuä̧huä̧ i'co ku̧nä̧rö̧. Dios I̧tti̧rö̧ esetocömä, ja̧u̧ kä̧cuä̧huä̧ i'co jui̧'a̧. Ja̧u̧ru̧ Diosttö rö̧ȩnä̧ tä̧bo̧cuä̧ 'cuäopäcua'a.

San Juan 1:4

Ja̧u̧mä̧ kä̧cuä̧huä̧ i'co ja̧'a̧do. Ja̧u̧ kä̧cuä̧huä̧ i'comä pi̧jä̧ ttö̧ja̧rö̧ tȩa̧u̧ iyinödo.

San Juan 5:21

Jä'o'inä 'corupätti'omettö kä̧cuä̧huä̧ iyö ttoädö'a̧nö̧, I̧tti̧'i̧nä̧ churutä pä̧huä̧ rö̧jä̧u̧ru̧ kä̧cuä̧huä̧ i'co iyö.

San Juan 6:44

Chä'o, ttörö hue'inömä, i'cächö juiyöttömä, yoröiso ichocotö ttörö. Ttörö ichätörö, röji mo̧ro̧ päi'omenä tto̧dä̧dä̧cua̧sä̧.

Romanos 8:2

Espíritu Santo ujurunä Jesucristocu ji̧nä̧ ji̧yȩtȩ huotörö kä̧cuä̧huä̧ iyömä, ttörö ȩmö̧ icuinö surojö ujuruttu'inä, hua'arettö'inä.

San Juan 6:35

Jesús pä'inödo jahuätörö: —Ttötä i̧ri̧si̧mä̧ kä̧cuä̧huä̧ i'co iyömä. Ttörö ichömä, yoröiso ppäi rö̧jo̧co̧cu̧ jä̧cua̧. Ja̧'hua̧ta̧nö̧ ttörö esetömä, yoröiso a̧di̧ rö̧jo̧co̧cu̧ jä̧cua̧.

Apocalipsis 21:4

Ttajuähuomenä, Dios ttö'äre 'ca̧huä̧cua̧. Täcö 'corupäi'äcuähuä'inä, ajuäcuähuä'inä, tta̧'cua̧ tta̧huȩcuä̧cuä̧huä̧'i̧nä̧, ubara ttuhuähuä'inä juiyäcua'a. O'ca juiyönä pä'äji ka̧cui̧nö̧mä̧ 'cuäopina'a.

Filipenses 3:10

Ttömä Cristorö rö̧ȩnä̧ chu̧huo̧jua̧ pä'ösä. Ja̧'hua̧ta̧nö̧ hua'arettö ttoächinö ujuru chu̧ju̧nä̧ra̧ pä'ösä. Ja̧'hua̧ta̧nö̧ ubara ttuhuinö ta'anö, ubara ttuda pä'ösä. Ja̧'hua̧ta̧nö̧ chutä 'corupäi'inö ta'anö 'corupädi'a pä'ösä.

Apocalipsis 20:5

Ja̧'hua̧nö̧ ja̧'a̧nä̧ korotö hua'ö icuinätömä, ja̧u̧ ya'ute mil a̧'ȩ jo̧mȩnä̧ 'cuäopinö o'ca'atä, pä'äji ta'anö ka̧cui̧nä̧tö̧. Ja̧u̧tä̧ äcuomenä ttoächäcuähuä.

Hechos 3:15

Ja̧'hua̧ ja̧'a̧ ucutu kä̧cuä̧huä̧ iyörö cuä'ö cuicuinätucua'anä, Dios ja̧u̧ru̧ tto'ädinö. Ujutu tto'ächinörö topinätöjä.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 5:26

Chutä Jä'o tta̧'cua̧rö̧ iyähuänä ju̧ru̧hua̧. Ja̧'hua̧ta̧nö̧ ja̧u̧ ujuru iyinö I̧tti̧rö̧, ja̧u̧'i̧nä̧ tta̧'cua̧rö̧ iya pä'ö.

Apocalipsis 22:17

Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.

San Juan 14:19

A̧'u̧cua̧'a̧tä̧ o'ca'a pi̧jä̧ ttö̧ja̧ ttörö topocotö ttäcuotö. Ja̧'hua̧nö̧ ja̧'a̧nä̧ ucututä ttörö tocu'äcuotöjä. Ttö chö̧ja̧'a̧ttö̧, ucutu cu̧ja̧cuä̧cuo̧tö̧jä̧.

Filipenses 1:23

Todärenä chamöcuäda'anä, jȩru̧pa̧sä̧. Koromä 'corupädi'a pä'ösä, Cristocu chö̧ja̧ pä'ö. Juhua'acu pi̧jä̧nä̧ chö̧jö̧ttö̧ttö̧'i̧nä̧ abonänö juiyo adihua'a ttörö.

Apocalipsis 22:1

Ja̧u̧nu̧ o'ca'a, ja̧u̧ ángel aje adihuoto, kä̧cuä̧huä̧ i'co aje i̧jȩpi̧nö̧ ttörö. Koro juäi cristal ta'anö säruhuina'a. Dios'inä, Cordero'inä tti̧dȩä̧cä̧ttö̧ räopina'a.

2 Corintios 4:14

Iso päi'önä huo̧juä̧tö̧jä̧ pi̧yȩmä̧. Dios, Tu̧ru̧hua̧ Jesúsru 'corupätti'inomettö tto'ädinömä, ujuturu'inä Jesúscu tto̧ä̧dä̧cua̧. Ja̧'hua̧ta̧nö̧ ucutucu ji̧nä̧ yo̧mȩtȩnä̧ ȩpä̧cuo̧tö̧jä̧ chutäcu tö̧ja̧cua̧ pä'ö.

Romanos 4:17

Huȩyu̧cuä̧ Huȩnȩ päa'a: “Ucuru hue'ipinösä recuätö ttö̧ja̧ ttä'o päi'önä.” Abraham Diosrö esetina'attö, micuähuinö ja̧u̧ huȩnȩ. 'Corujuo'ächinätörö'inä Diosmä tta̧'cua̧rö̧ iyö. Ja̧'hua̧ta̧nö̧ pi̧jä̧nä̧ juiyö'inä, kö̧nä̧ jȩpö̧ Diosmä.

San Lucas 23:43

Jesús ja̧u̧ru̧ ädätinödo: —Iso päi'önä pä'ösä ucuru, jitä mo̧ro̧ päi'önä ttöcu cu̧jä̧cua̧jä̧ mo̧ro̧jä̧ra̧'a̧.

1 Corintios 15:29

Korotömä, 'corupä'i'inätörö amöcuädö, bautizando jȩpä̧tö̧do. ¿Dä̧bö̧ jȩtta̧'a̧jä̧ttö̧ ja̧'hua̧nö̧mä̧? Iso päi'önä, 'corupä'i'ö'cotö ttottächoca'a jö̧ttö̧mä̧, ¿dä̧bö̧ bautizando jȩtta̧'a̧jä̧ttö̧ 'corupä'i'inätörö amöcuädö?

1 Corintios 15:18

Ja̧'hua̧ta̧nö̧ pättö'a̧nö̧ jö̧ttö̧mä̧, ä'canä Cristorö esetö 'corupä'i'inätömä yoröiso micuähuoca'a ttesetinömä.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

Apocalipsis 1:18

Ttömä ihueye kö̧sä̧. 'Corupä'i'inösä. Ja̧'hua̧nö̧ ja̧'a̧nä̧ jitämä kö̧sä̧ 'cuäopönä. Ttömä 'corupä'i'inätöttö'inä abonänö ju̧ru̧hua̧sä̧. Ja̧'hua̧ta̧nö̧ hua'are huattomettö'inä abonänö ju̧ru̧hua̧sä̧.