San Juan 11:11 - TÄ̧DO Ä̧CUÄ̧ I̧HUȨNȨ

¹¹ Ja̧u̧nu̧ o'ca'a Jesús jahuätörö pä'inödo: —Ta̧hua̧ru̧hua̧ Lázaro ä'ö icuäja'a. Ttötä ja̧u̧ ö'orächi'a pä'ö chi̧'chä̧cua̧sä̧.

Nuevo Testamento Uwotjüja

¹¹ Pä'ü kä'ädü, yabonü̧ pä'inü̧: Ta̧wa̧ru̧wa̧ Rázaru ä'a'a topü 'chü̧sä̧, chü'orädarü pä'ü.

San Juan 11:11 Referans Kwoze

San Juan 11:13

Jesús ja̧'hua̧nö̧ päomenä, Lázaro 'corupä'i'äji pä'ö pä'inödo. Ja̧'hua̧nö̧ ja̧'a̧nä̧ chutä u̧huo̧juȩtä̧u̧ amönä ä'öcö̧ pä'ö amöcuädinätödo.

1 Tesalonicenses 5:10

Jesucristo 'corupä'i'inö chutäcu tö̧ja̧cua̧ pä'ö ta̧'cua̧ro̧mȩnä̧'i̧nä̧, 'corupäti'omenä'inä.

1 Corintios 15:51

Ä̧ju̧cuä̧tu̧cui̧ pi̧yȩ ttieru huȩnȩ jidähuomenä. O'ca toi'önämä 'corupä'i'ocotöjä. Ja̧'hua̧nö̧ ja̧'a̧nä̧ o'ca toi'önä tö'ärohuächäcuotöjä.

Hechos 7:60

Ja̧'hua̧ ja̧'a̧ ihue'quiyunä kä̧mä̧dö̧, pä̧i̧cu̧nä̧ huopinödo: —Chu̧ru̧hua̧, unichi'i pitö suronä jȩttö̧mä̧. Ja̧'hua̧nö̧ huopö, 'corupä'i'inödo Estebanmä.

San Mateo 27:52

Ttö̧ja̧ huattinö idoriyä'inä bahuecuächina'ado. Pä'äji Diosrö esetö 'corupä'i'inätö tto'co jähuä jättäpäyotö tto'ächinätödo recuätö.

Efesios 5:14

Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

San Marcos 5:39

Isodenä do'ächö, pä'inödo jahuätörö: —¿Dä̧bö̧ ja̧'hua̧nö̧ rö̧ȩnä̧ huopönö cuajuäcuähuätucua'ajä̧ttö̧? Jahuäju möäyajumä 'corupä'i'ocoju. Ä'ötä ä'äju.

San Mateo 9:24

Jesús jahuätörö pä'inödo: —Rä'opächätucui. Jahuäju möäyajumä 'corupä'i'ocoju. Ä'ötä ä'äju, —pä'inödo. Ja̧'hua̧nö̧ päomenä, jahuätö ttö̧ja̧ ya̧'ä̧hui̧nä̧tö̧do Jesúsru.

Santiago 2:23

Ja̧'hua̧nö̧ 'cuäopina'a Dios päinömä. Ja̧u̧ huȩnȩ päa'a: Abraham Diosrö esetomenä, Dios ja̧u̧ru̧ pä'inö “Surojömä jui̧'a̧jä̧ täcö.” Ja̧'hua̧nö̧ ja̧'a̧ttö̧ Abrahamrö pä'inätödo Dios a̧hua̧ru̧hua̧do pä'ö.

1 Corintios 15:34

Ucutumä ppa̧'ä̧chö̧ adiunä cua̧'cua̧ pö̧nö̧ ka̧cuä̧tu̧cui̧. Suronämä jȩcu̧'ä̧tu̧cuä̧'. Korotö ucututtu isotömä ji̧nä̧ jerupätödo Diosrö. Pi̧yȩmä̧ pä'ösä ucutu cudäpecuätucua pä'ö.

1 Corintios 15:18

Ja̧'hua̧ta̧nö̧ pättö'a̧nö̧ jö̧ttö̧mä̧, ä'canä Cristorö esetö 'corupä'i'inätömä yoröiso micuähuoca'a ttesetinömä.

San Juan 11:3

Ja̧'hua̧nö̧ ja̧'a̧ttö̧ jahuätömä, Martacu, Maríacu, Jesúsru jittähua pä'ö hue'inätödo. Pä'inätödo: —Tu̧ru̧hua̧, cua̧hua̧ru̧hua̧ na̧'ä̧chö̧ rö̧.

San Juan 3:29

Ya̧tȩ irecuarö ȩmo̧mȩnä̧, ya̧tȩtä̧ irecuarö ȩmö̧. A̧hua̧ru̧hua̧ ippeyänä ä̧ju̧cu̧ kö̧mä̧, irecuarö ȩmö̧mä̧ ucuocuomenä, juiyo eseudo. Ja̧'hua̧ta̧nö̧ pi̧yȩ chä̧ju̧cuo̧mȩnä̧, juiyo eseusä.

San Juan 11:10

Ja̧'hua̧nö̧ ja̧'a̧nä̧ ya̧tȩ yodo cue'ächömä, tȩa̧u̧ juiya'attö koro juäinä dö'ö ma̧'ö̧.

San Juan 11:12

Ja̧'hua̧ ja̧'a̧ttö̧ u̧huo̧juȩtä̧u̧ pättinäcudo: —Tu̧ru̧hua̧, ä'ö icuäja'attömä, adiu ö̧'i̧pä̧cua̧'a̧nö̧.