San Juan 10:10 - TÄ̧DO Ä̧CUÄ̧ I̧HUȨNȨ

¹⁰ “Nä̧u̧cuä̧rö̧ i̧sa̧, nä̧u̧cuä̧rö̧ cuä'ö icua pä'ö ichö bettipächönä. Ttömä ichinösä o'ca juiyönä eseunu adiunätä ttö̧ja̧cua̧ pä'ö.

Nuevo Testamento Uwotjüja

¹⁰ Nä̧u̧kuä̧rä̧kuä̧wä̧ i̧sa̧mä̧: nä̧u̧ku̧tä̧, kuä'äu ikutä, si'epü ikutä ichü; ja̧'wa̧nü̧ ja̧'a̧nä̧ ttümä̧ a̧'kua̧rä̧kuä̧wä̧, rü̧ȩnä̧ ttu̧ju̧nä̧ra̧ pä'ü ichinü̧sä̧.

San Juan 10:10 Referans Kwoze

San Lucas 19:10

Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Juan 6:51

Ttötäsä ja̧u̧ kä̧cuä̧huä̧ i'co i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧. Pi̧yȩ i̧ri̧si̧ttö̧ cumä, 'cuäopönä ö̧jä̧cua̧. Ja̧u̧ i̧ri̧si̧ chiyömä, ttötä chidepä chi̧yä̧huä̧cua̧sä̧. Pi̧jä̧ ttö̧ja̧ ttö̧ja̧cua̧ pä'ö chi̧yä̧huä̧cua̧sä̧, —pä'inödo Jesús.

San Juan 12:47

Ja̧'hua̧nö̧ ja̧'a̧nä̧ ya̧tȩ chi̧huȩnȩ ä̧ju̧cu̧, pädö ta'anö jȩpo̧cö̧mä̧, ttötä ja̧u̧ru̧: “Suronä jȩpö̧jä̧”, pä'ocösä. Ttö suronä jȩpö̧jä̧ päda pä'ö ichocö pi̧nö̧sä̧ pi̧jä̧ra̧'a̧. Pi̧jä̧ ttö̧ja̧ suronä jȩttö̧ jȩpö̧ chicua pä'ö ichinösä.

San Juan 6:33

I̧ri̧si̧mä̧, Dios iyömä, mo̧ro̧jä̧ra̧'a̧ttö̧ mȩyȩhui̧nö̧do. Ja̧u̧mä̧ pi̧jä̧ ttö̧ja̧rö̧ kä̧cuä̧huä̧ iyö.

San Juan 3:17

Dios I̧tti̧rö̧ pi̧jä̧ra̧'a̧ hue'ocö pi̧nö̧do ö̧tä̧bo̧ta̧ pä'ö. Pi̧jä̧ ttö̧ja̧ suronä jȩttö̧ jȩpö̧ icua pä'ö hue'inödo.

1 Timoteo 1:15

Pi̧yȩ huȩnȩ, adihuä huȩnȩ, o'ca toi'önä ttesetäcua'a̧nö̧. Cristo Jesús ichinödo pi̧jä̧ra̧'a̧ o'ca toi'önä suronä jȩpä̧tö̧rö̧ suronä jȩttö̧ jȩpö̧ icu. Iso päi'önä o'ca toi'önä suronä jȩpä̧tö̧ttö̧'i̧nä̧ abonänö suronä jȩpi̧nö̧sä̧ ttömä.

San Juan 10:1

Jesús huo̧juȩti̧nö̧do: —Iso päi'önä pä'ösä ucuturu, ya̧tȩ o̧vȩja̧stö̧ dodettatenä doächoca'a, kara'anätä do'ächömä, ja̧u̧ nä̧u̧cuä̧rö̧ i̧sa̧.

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

Hebreos 7:25

Ja̧'hua̧nö̧ ja̧'a̧ttö̧ ja̧u̧ru̧ esetö, Diosrö tö'cöpächätörö suronä jȩttö̧mä̧ jȩpö̧ icu. Ja̧u̧ 'cuäopönä kö̧, Diosrö ucuocua pä'ö jahuätörö.

2 Pedro 1:11

Ja̧'hua̧nö̧ cu̧ja̧cuä̧tu̧cu̧ttu̧mä̧, adiunä docuhuächäcuotöjä Tu̧ru̧hua̧ Jesucristo ö̧jo̧mȩ, yoröiso beipocome.

Hebreos 6:17

Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

San Mateo 23:13

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä korotö Dios i̧tti̧mö̧ pätti'ö juiya pä'ö jȩpä̧tö̧jä̧. Ucutu'inä Dios ö̧jo̧mȩcu̧ do'ächocotöjä. Korotö'inä Dios ö̧jo̧mȩcu̧ dottächa pä'ätörö dottächö juiya pä'ätöjä.

Romanos 2:21

Ucu huo̧juȩtö̧jä̧ korotörö. ¿Dä̧bö̧ cuamönätä cu̧huo̧juȩtä̧cuä̧huo̧ca̧'a̧jä̧ttö̧? Ucu ji'äujä nä̧u̧cuä̧cuä̧huo̧cö̧. ¿Ucu nä̧u̧cuo̧cö̧jä̧ tä̧ji̧?

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

San Marcos 11:17

Jahuätörö huo̧juȩtö̧ pä'inödo: —Huȩyu̧cuä̧ Huȩnȩ päa'a: “Ttö chojusode i̧mi̧mä̧ Diosrö ucuocuäcuähuode ja̧'a̧ o'ca toi'önä ttö̧ja̧rö̧.” Ja̧'hua̧nö̧ ja̧'a̧nä̧ ucutu nä̧u̧cuä̧rä̧tö̧ ttö̧ca̧ca̧cuode a̧'cua̧rö̧nä̧ jȩpä̧'i̧jä̧tö̧jä̧.

San Juan 12:6

Judas ja̧'hua̧nö̧ päomenä, usurä isotörö amöcuädö pä'ocö pi̧nö̧do. Ja̧u̧mä̧ nä̧u̧cuä̧rö̧ i̧sa̧ pi̧nö̧do. Ja̧u̧mä̧ jahuätö u̧huo̧juȩtä̧u̧ ttöäre pärätä tta̧huä̧ra̧'a̧ttö̧, ttöäre pärätättö nä̧u̧cui̧nö̧do.

San Mateo 21:13

Jahuätörö pä'inödo: —Huȩyu̧cuä̧ Huȩnȩ päa'a: “Ttö chojusode i̧mi̧mä̧ Diosrö ucuocuäcuähuode ja̧'a̧.” Ja̧'hua̧nö̧ ja̧'a̧nä̧ ucutu nä̧u̧cuä̧rä̧tö̧ ttö̧ca̧ca̧cuode a̧'cua̧rö̧nä̧ jȩpä̧'i̧jä̧tö̧jä̧.

San Juan 5:40

Ja̧'hua̧nö̧ ja̧'a̧nä̧ ucutumä ttörö cuesetätucua pä'ocotöjä, ja̧u̧ kä̧cuä̧huä̧ i'co cu̧ju̧nä̧rä̧tu̧cua̧ pä'ö.

San Juan 10:11

Ttötäsä adihuä tta̧huä̧rä̧cuä̧huä̧ i̧sa̧mä̧. Chutä adihuä tta̧huä̧rä̧cuä̧huä̧ i̧sa̧, ä̧ji̧mö̧rö̧ tta̧'ä̧rö̧ 'corupäi'ö'a̧nö̧ hua̧.

San Mateo 18:11

Ubo I̧tti̧mä̧ suronä jȩpö̧ re'tehuächätörö ȩmö̧ ichinödo.