San Juan 1:9 - TÄ̧DO Ä̧CUÄ̧ I̧HUȨNȨ

⁹ Ja̧u̧ iso päi'önä tȩa̧u̧mä̧, o'ca toi'önä ttö̧ja̧ ttami iso'quinä tȩa̧u̧mä̧ ichäcua'a pä'ö, ji'ähuinödo Juanmä.

Nuevo Testamento Uwotjüja

⁹ Isopäi'ünä̧ jua̧u̧ tȩya̧u̧mä̧, pi̧jä̧ ttü̧ja̧ o'katoi'ünä̧rü̧ kkä̧dȩpa̧ pä'ü ichäkua'a ji̧na̧'a̧.

San Juan 1:9 Referans Kwoze

San Juan 12:46

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.

1 Juan 2:8

Täbocö hueähuä huȩnȩ ja̧'a̧nä̧, ucuturu chi̧huȩyu̧to̧mȩttö̧ jareö huȩnȩ päi'a'a. Pi̧yȩ jareö huȩnȩ Jesucristo jȩi̧nö̧mä̧ i̧jȩpi̧na̧'a̧ ucutu'inä jȩcu̧'ä̧tu̧cu̧mä̧ i̧jȩpa̧'a̧ iso päi'önä huȩnȩ ja̧'a̧. Yo̧ö̧mä̧ täcö 'cuäopa'a. Iso päi'önä tȩa̧u̧mä̧ jitä kä̧dȩpa̧'a̧.

San Juan 1:4

Ja̧u̧mä̧ kä̧cuä̧huä̧ i'co ja̧'a̧do. Ja̧u̧ kä̧cuä̧huä̧ i'comä pi̧jä̧ ttö̧ja̧rö̧ tȩa̧u̧ iyinödo.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 6:32

Jesús jahuätörö ädätö pä'inödo: —Iso päi'önä pä'ösä ucuturu, Moisésmä ja̧u̧ juäi i̧ri̧si̧ mo̧ro̧jä̧ra̧'a̧ttö̧ iyocö pi̧nö̧do. Chä'otä iso päi'önä i̧ri̧si̧ mo̧ro̧jä̧ra̧'a̧ttö̧ iyö ucuturu.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

San Juan 15:1

Jesús huo̧juȩti̧nö̧do: —Ttö koro dau, adihuä uva dau jä̧'i̧nö̧'a̧nö̧ hua̧sä̧. Chä'omä dau tta̧huä̧rä̧cuä̧huä̧ i̧sa̧ jä̧'i̧nö̧'a̧nö̧ hua̧.

San Juan 7:12

Ja̧'hua̧ta̧nö̧ recuätö ttö̧ja̧ ttamönä ucuocuäcuähuinätödo ja̧u̧ru̧. Korotö pä'inätödo: “Ja̧u̧mä̧, adihuä i̧sa̧.” Korotö pä'inätödo: “Ja̧u̧mä̧, adihuä i̧sa̧cö̧. Ja̧u̧mä̧ yapareu ji'ähue'ä'chö ttö̧ja̧rö̧.”

San Mateo 6:23

Juhuorö'inä cu'ärenä adiunä uhuähuoca'a jö̧ttö̧mä̧, cuidepänä o'ca juiyönä yo̧a̧'a̧do. Ja̧'hua̧nö̧ ja̧'a̧ttö̧ cuami iso'quinä tȩa̧huo̧ca̧'a̧ jö̧ttö̧mä̧, iso päi'önä yo̧ö̧nä̧ kö̧jä̧.

San Lucas 11:36

Ucutu cuidepänä o'ca juiyönä yo̧ö̧ juiyönä, tȩa̧u̧ cu̧ju̧nä̧rä̧tu̧cu̧ttu̧mä̧, adiu uhuähua'a tocu'äcuotöjä, lámpara i̧tȩa̧nä̧ ucuturu tȩa̧hua̧'a̧ jä̧'i̧nö̧'a̧nö̧.