San Juan 1:43 - TÄ̧DO Ä̧CUÄ̧ I̧HUȨNȨ

⁴³ Ja̧u̧nu̧ o'come mo̧ro̧, Jesús Galilea rȩjȩra̧'a̧ i̧'cha̧ pä'inödo. I̧'cho̧mȩnä̧, Feliperö po̧cui̧pö̧ pä'inödo: —Ttöcu ichi.

Nuevo Testamento Uwotjüja

⁴³ Ja̧'wa̧ta̧nü̧ kkoro mo̧ro̧, Jesú-mä̧ Galirea rȩjȩra̧'a̧ 'chi̧nü̧. Jua'attü Felipe-rü po̧kui̧pü̧ pä'inü̧: —Ttüku ichi.

San Juan 1:43 Referans Kwoze

San Juan 14:8

Ja̧'hua̧ ja̧'a̧ Felipe pä'inödo: —Chu̧ru̧hua̧, Cuä'orö tota pä'ätöjä. Ja̧u̧ru̧ totöttömä adihuäcua'a.

San Mateo 9:9

Jesús juhua'attö rä'opächinödo. Ju̧huȩnȩ yabonänö ya̧tȩ Mateo pä'ö mi̧cua̧rö̧ topinödo. Ja̧u̧ Mateomä, ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Mateo ä̧rä̧mi̧'ö̧ 'chi̧nö̧do Jesúscu.

San Juan 12:21

Jahuätömä Feliperö, Betsaida ötahuiyä Galilea rȩjȩttö̧ ichinörö, ichi'ö pä'inätödo: —Ta̧hua̧ru̧hua̧, ujutumä Jesúsru tota pä'ätöjä.

1 Juan 4:19

Dios churutä repetäcua'a ä'canä repe'inö ujuturu. Ja̧'hua̧nö̧ ja̧'a̧ttö̧ ujutu'inä repe'ätöjä Diosrö.

San Juan 6:5

Jesús recuätö ttö̧ja̧ o'ca'anä cue'ächätörö topö, Feliperö pä'inödo: —Pa̧'a̧nö̧ ttirecua'a, ¿tottö tȩmä̧cua̧'a̧jä̧ttö̧ cuäcuähuä ttucua pä'ö?

Filipenses 3:12

Ttömä pä'ocösä täcö o'ca juiyönä ȩmä̧ji̧sä̧ pä'ö. Ja̧'hua̧ta̧nö̧ jitämä adihuä juäitä, surojö juiyönä jȩpö̧sä̧ pä'ö, pä'ocösä. Iso päi'önä Cristo Jesús ttörö ȩmi̧na̧'a̧ttö̧, chutä iyö juäi chu̧ju̧nä̧ra̧ pä'ö, kö̧sä̧.

San Juan 1:28

Pi̧yȩmä̧ o'ca juiyönä 'cuäopina'ado Betábara pä'ö micuome, Jordán aje ji̧jȩcu̧ ji̧no̧mȩ. Juanmä juhua'attötä bautizando jȩpi̧nö̧do ttö̧ja̧rö̧.

San Lucas 19:10

Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Mateo 10:3

Ka̧ra̧mä̧ Felipe, ka̧ra̧mä̧ Bartolomé, ka̧ra̧mä̧ Tomás, ka̧ra̧mä̧ Mateo, ru̧hua̧ öäre pärätä ȩmä̧'i̧jö̧ pi̧nö̧. Ka̧ra̧mä̧ Jacobo, Alfeo i̧tti̧ pi̧nö̧do. Ka̧ra̧mä̧ Lebeo, koro i̧mi̧ Tadeo pi̧nö̧do.

San Juan 6:7

Felipe ädätö pä'inödo: —Doscientos bolívares jo̧mȩnä̧ i̧ri̧si̧ tȩmö̧ttö̧mä̧, ppo̧ö̧cu̧nä̧ tiyä'cha'anä, yoröiso ttö̧'a̧ja̧cuä̧chö̧ juiyö'a̧nö̧ ja̧'a̧.

San Juan 1:35

Ja̧u̧nu̧ o'come mo̧ro̧, Juan umöhuäyotö ta̧ju̧cu̧ ki̧nö̧do ju̧huȩnȩtä̧.

San Mateo 4:12

Jesús Juan cärenä ö̧'a̧'a̧ ä̧ju̧cuo̧mȩnä̧, Galilea rȩjȩra̧'a̧ 'chi̧nö̧do.

San Mateo 8:22

Ja̧'hua̧ ja̧'a̧ Jesús ädätinäcudo: —Ttöcu ichi. 'Corupä'i'ätö a̧'cua̧rä̧tö̧ ttuhuapiyä ttu'turäcuotö.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 1:44

Ja̧u̧ Felipe Betsaida ötahuiyänä ki̧nö̧do. Andrés'inä, Pedro'inä ja̧u̧ ötahuiyänä ka̧cui̧nä̧tö̧do.

San Juan 2:11

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 1:37

Juan umöhuäyotö ta̧ju̧ ja̧'hua̧nö̧ ttä̧ju̧cuo̧mȩnä̧, Jesús o'ca'anä 'chi̧nä̧tö̧do.