San Juan 1:29 - TÄ̧DO Ä̧CUÄ̧ I̧HUȨNȨ

²⁹ Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

Nuevo Testamento Uwotjüja

²⁹ Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Juan 1:29 Referans Kwoze

1 Juan 2:2

Jesucristomä suronä jȩtö̧ töcö icu. Ujututä suronä jȩtö̧tä̧mä̧cö̧, o'ca toi'önä suronä jȩttö̧ töcö icu.

1 Juan 3:5

Ucutu huo̧juä̧tö̧jä̧ Jesucristo pi̧jä̧ra̧'a̧ ichinö suronä jȩtö̧ jȩpö̧ icua pä'ö. Chutä yoröiso surojö jui̧'a̧.

1 Pedro 1:19

Cristo ucuojanä ȩmi̧nö̧do. Oveja i̧tti̧rö̧, yoröiso surojö jui̧'a̧rö̧, sacrificio jȩttö̧'a̧nö̧ jȩpi̧nö̧do Cristo ucuojanä mitäu.

2 Corintios 5:21

Cristomä yoröiso suronä jȩpo̧cö̧ pi̧nö̧. Juhuorö'inä ujuturu repe'ö, ya̧tȩ suronä jȩpö̧rö̧ jȩtta̧'a̧ jä̧'i̧nö̧'a̧nö̧ jȩpi̧nö̧do Dios Cristorö, ujutu tesetiyarö pä'ö. Ja̧'hua̧ta̧nö̧ ja̧u̧ru̧ esetö, Diosrö pä̧huä̧ rö̧jo̧mȩnä̧ adiunä tö̧ja̧cua̧ pä'ö jȩpi̧nö̧do.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Apocalipsis 6:1

Ja̧'hua̧ ja̧'a̧ttö̧ chutä Cordero ko̧ro̧mö̧ttö̧nö̧ todäre sellosttö, äcuomenä sello jȩpö̧ icua'a topinösä. Ja̧'hua̧ta̧nö̧ ya̧tȩ pa̧ja̧cuä̧nö̧ isotö a̧'cua̧rä̧tö̧ i̧huȩnȩ cu'upä cöröächa'a jä̧'i̧nö̧'a̧nö̧ ucuocua'a ä̧ju̧cui̧nö̧sä̧. Ja̧u̧ huȩnȩ päina'a: —¡Topächi!

Apocalipsis 12:11

Ujutu tö̧jä̧hua̧tö̧ chutä Corderomä ucuojanä imitähuina'attö'inä, chutä i̧huȩnȩ jittähuina'attö'inä, ja̧u̧ suronä jȩpi̧nö̧ttö̧'i̧nä̧ abonänö juruhuinätö. Jahuätö 'corupäi'äcuähuä ye'ecuocotö pi̧nä̧tö̧. Jahuätömä “Ujutu Dios i̧huȩnȩ jitähuomenä, 'corupäti'öttömä huäinä ja̧'a̧” pä'inätö.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

San Juan 1:36

Jesús ju̧huȩnȩ 'cuäopomenä, Juan pä'inödo: —Topätucui. Ja̧u̧mä̧ Dios I̧tti̧do, Corderomä.

Apocalipsis 7:17

Chutä Corderomä, i̧dȩä̧cä̧ jo̧mȩ kö̧mä̧, o̧vȩja̧stö̧rö̧ tta̧ttä̧rö̧'a̧nö̧ tta̧huä̧rä̧cua̧ jahuätörö. Ja̧'hua̧ta̧nö̧ kä̧cuä̧huä̧ i'co aje i̧sä̧rä̧ra̧'a̧cu̧ o̧i̧pä̧cua̧ jahuätörö. Ja̧'hua̧ta̧nö̧ ttajuähuomenä, Dios ttö'äre 'ca̧huä̧cua̧.

Hechos 8:32

Huȩyu̧cuä̧ Huȩnȩttö̧ pi̧yȩ huȩnȩ ucuocuinödo: Ovejarö cuä'ö tticua pä'ö ttȩpa̧'a̧ jä̧'i̧nö̧'a̧nö̧, oveja i̧tti̧rö̧ uhuo'che cuittomenä 'corunä ö̧ja̧'a̧ jä̧'i̧nö̧'a̧nö̧, chutä'inä 'corunä ki̧nö̧do.

Apocalipsis 17:14

Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Apocalipsis 14:1

Ja̧u̧nu̧ o'ca'a tochomenä, chutä Corderorö Sión inähuänä ö̧ja̧'a̧ topinösä. Chutäcu ciento cuarenta y cuatro mil jo̧mȩnä̧ ttö̧ja̧, ttö'änä chutä Cordero i̧mi̧'i̧nä̧, Jä'o i̧mi̧'i̧nä̧ huȩyu̧cua̧'a̧ ku̧nä̧rä̧tö̧ ka̧cui̧nä̧tö̧.

Apocalipsis 7:14

Ja̧'hua̧nö̧ jäepomenä, ttötä ädätinösä: —Chu̧ru̧hua̧, ucutä huo̧jua̧jä̧. Ja̧'hua̧ ja̧'a̧ ttörö pä'inö: —Pitö rö̧ȩnä̧ surojö 'cuä'opinätö. Jitämä ttö̧'ca̧tä̧huä̧ti̧yu̧mä̧, yoröiso teönä töquinätö chutä Cordero ucuojanä.

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

Apocalipsis 19:9

Ja̧'hua̧ ja̧'a̧ttö̧ ya̧tȩ ángel ttörö pä'inö: —Huȩyu̧ti̧: “Cordero irecuarö ȩmä̧cua̧'a̧ fiesta jȩtta̧ pä'ö huottinä̧u̧mä̧, eseunu ttö̧ja̧cuä̧cuo̧tö̧.” Ja̧'hua̧ta̧nö̧ ttörö pä'inö: —Pi̧yȩ huȩnȩ, Dios iso päi'önä päinö huȩnȩ.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

Apocalipsis 19:7

Tesehuätucuaja. Eseäcuähuä suhuädi'önä tucuocuaja. Chutä Corderomä irecuarö ȩmä̧cuo̧mȩ päi'a'a. Irecuamä täcö jo̧mȩ päi'önä kä̧ju̧.

Apocalipsis 14:4

Pitömä yoröiso suronä jȩpo̧co̧tö̧ pi̧nä̧tö̧ nä̧tö̧rö̧. Adiunätä ka̧cui̧nä̧tö̧. Chutä Cordero i̧'cho̧mȩnä̧tä̧ 'chä̧tö̧. Jahuätö pi̧jä̧ ttö̧ja̧ttö̧, Dios ȩmä̧huo̧tö̧ Diosrö'inä, Corderorö'inä äcuomenä sacrificio jȩpä̧cuä̧huotö jä̧'i̧nö̧'a̧nö̧ hui̧nä̧tö̧.

Apocalipsis 5:8

Ja̧u̧ cuyäru'tä ȩmo̧mȩnä̧, jahuätö pa̧ja̧cuä̧nö̧ isotö a̧'cua̧rä̧tö̧'i̧nä̧, veinticuatro jo̧mȩnä̧ ancianos huotö'inä chutä Cordero ä'ca jo̧mȩttö̧ ttihue'quiyunä kä̧mä̧di̧nä̧tö̧. O'ca toi'önä ancianos huotö arpa, ttu̧mö̧nä̧ 'porähuä'inä, i̧so̧'ta̧, orottö adicuo̧'ta̧, rö̧ȩnä̧ ameu su̧'pȩnö̧ ȩcö̧'i̧nä̧ 'chu̧'ä̧ri̧nä̧tö̧. Ja̧u̧ juäi i̧so̧'ta̧nä̧ ȩjö̧mä̧, Dios i̧tti̧mö̧ ttucuocuinö huȩnȩ ja̧'a̧.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Apocalipsis 21:9

Ja̧'hua̧ ja̧'a̧ttö̧ ko̧ro̧mö̧ttö̧nö̧ ta̧ju̧nu̧ ángeles, ko̧ro̧mö̧ttö̧nö̧ to̧'ta̧rȩ i̧so̧'ti̧yu̧ ko̧ro̧mö̧ttö̧nö̧ todärenä suronä 'cuäopä̧cuȩ ȩjö̧ o̧'ta̧ 'chu̧'ä̧rä̧tö̧ttö̧, ya̧tȩ ichi'ö pä'inö ttörö: —Ichi. Chutä Cordero irecua pättäcuarö chi̧jȩpa̧cu̧.

Apocalipsis 6:16

Ja̧'hua̧nö̧ dajahuächäjä'cotö pä'inätö: —Möä'quiyu'inä, inähuiyä'inä tuhuämenä ma̧'ä̧chi̧. Chutä i̧dȩä̧cä̧nä̧ pö̧mä̧ ä'ca jo̧mȩttö̧ tödajahuächomettötä ma̧'i̧tö̧. Ja̧'hua̧ta̧nö̧ Cordero ö̧tä̧bo̧tö̧ttö̧'i̧nä̧ tödajahuächomettötä ma̧'i̧tö̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Apocalipsis 21:27

Ja̧'hua̧nö̧ ja̧'a̧nä̧ idicuätö'inä, suronä ttöjö'cocö juäi jȩpä̧tö̧'i̧nä̧, yapareu ji'äu jȩpä̧tö̧'i̧nä̧ ju̧huȩnȩmä̧ yoröiso do'ächocotö ttäcuotö. Jitämä tti̧mi̧mä̧ kä̧cuä̧huä̧ i'co cuyäru'tänä, Cordero 'chu̧huä̧rä̧'tänä huȩyu̧cuä̧tö̧tä̧ ju̧huȩnȩmä̧ dottächäcuotö.

1 Juan 4:10

Pi̧yȩmä̧ iso päi'önä repeähuämä: Ujutu ä'canä Diosrö repe'ocotö pi̧nä̧tö̧jä̧. Chutä ä'canä ujuturu repeömä rö̧ȩnä̧ repea'attö, I̧tti̧rö̧ hue'inö suronä jȩti̧nö̧ töcö icua pä'ö.

1 Timoteo 2:6

Jesucristo iyähuinödo cuä'ö tticuarö pä'ö, o'ca toi'önä pi̧jä̧ ttö̧ja̧ suronä jȩttö̧ mitäu. Ja̧'hua̧nö̧ 'corupä'i'inö Diosrö pä̧huä̧ rö̧jo̧mȩnä̧, o'ca toi'önä topö ttu̧huo̧jua̧ pä'ö.

1 Corintios 15:3

Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

Apocalipsis 5:6

Ja̧'hua̧nö̧ ja̧'a̧ dȩä̧cä̧ tö'cönä, jahuätö pa̧ja̧cuä̧nö̧ isotö a̧'cua̧rä̧tö̧ ttö̧'quȩtȩnä̧'i̧nä̧, ancianos huotö ttö̧'quȩtȩnä̧'i̧nä̧ ya̧tȩ Corderorö, oveja i̧tti̧rö̧, jueönä ö̧ja̧'a̧ topinösä. Ja̧u̧ Cordero cuä'ö i̧cuä̧hua̧ a̧'cua̧rö̧nä̧ hui̧nö̧. Ja̧'hua̧ta̧nö̧ ja̧u̧ Cordero oveja i̧tti̧ ko̧ro̧mö̧ttö̧nö̧ todäre u i̧sä̧juä̧'i̧nä̧, ko̧ro̧mö̧ttö̧nö̧ torere ö'äre'inä ku̧nä̧ri̧nö̧. Ja̧u̧ ö'äre Dios jähuä ko̧ro̧mö̧ttö̧nö̧ ta̧ju̧ espíritus, pi̧jä̧nä̧ pa̧ja̧cu̧nä̧ hue'ähuotö ja̧'a̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

Gálatas 1:4

Ja̧'hua̧ta̧nö̧ 'corujuoächa pä'ö iyähuinö ujutu suronä jȩtö̧ jȩpö̧ icua pä'ö, pi̧jä̧ surojä̧jä̧ttö̧ ȩma̧tö̧ pä'ö Tä'o Diosrö pä̧huä̧ rö̧jo̧mȩnä̧.

Hechos 13:39

O'ca toi'önä Jesucristorötä esetätömä, Dios o'ca juiyönä suronä jȩttö̧ jȩpö̧ icu. Moisés hueähuä huȩnȩ päö ta'anö jȩcu̧'ä̧tu̧cua̧'a̧nä̧, suronä jȩcu̧'ä̧tu̧cu̧mä̧ jȩpö̧ icuoco̧u̧jä̧.

San Mateo 1:21

Yajutä ki̧tti̧mä̧ ubomä u̧huä̧pä̧chä̧cua̧. Uhuäpächomenä, i̧mi̧mä̧ Jesús o̧cu̧huä̧cua̧jä̧. Ja̧'hua̧nö̧ i̧mi̧ mi̧cua̧ jä̧cua̧do pi̧jä̧ ttö̧ja̧rö̧ suronä jȩttö̧ jȩpö̧ i̧cuä̧cua̧, —pä'inödo ángelmä.

Apocalipsis 21:14

Ja̧u̧ ötahuiyä i̧so̧ca̧nä̧ ido'qui ttö̧jä̧pö̧ttö̧nö̧ to'quire ji̧na̧'a̧. Koro'quinä'inä, koro'quinä'inä chutä Cordero umöhuäyotö, Jesús hue'ähuotö tti̧mi̧mä̧ huȩyu̧cua̧'a̧ ji̧na̧'a̧.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

San Juan 1:35

Ja̧u̧nu̧ o'come mo̧ro̧, Juan umöhuäyotö ta̧ju̧cu̧ ki̧nö̧do ju̧huȩnȩtä̧.

San Juan 1:43

Ja̧u̧nu̧ o'come mo̧ro̧, Jesús Galilea rȩjȩra̧'a̧ i̧'cha̧ pä'inödo. I̧'cho̧mȩnä̧, Feliperö po̧cui̧pö̧ pä'inödo: —Ttöcu ichi.

San Juan 2:1

Huäbodäcuä mo̧ro̧ päi'omenä, Caná ötahuiyänä Galilea rȩjȩttö̧, ya̧tȩ irecuarö ȩmo̧mȩnä̧, fiesta jȩpi̧nä̧tö̧do. Jesús ja̧ju̧ juhua'atä ki̧nä̧ju̧do.

San Juan 4:42

Ja̧u̧nu̧ o'ca'a jahuäju isajuru pä'inätödo: —Jitämä adiu esetätöjä. Ucutä jicuhuähuomenätä ä̧ju̧cu̧ esetocotöjä. Ujutu'inä ja̧u̧ru̧ ä̧ju̧cuä̧jä̧tö̧jä̧. Täcö huo̧juä̧tö̧jä̧, ja̧u̧mä̧ iso päi'önä Cristodo, pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 6:51

Ttötäsä ja̧u̧ kä̧cuä̧huä̧ i'co i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧. Pi̧yȩ i̧ri̧si̧ttö̧ cumä, 'cuäopönä ö̧jä̧cua̧. Ja̧u̧ i̧ri̧si̧ chiyömä, ttötä chidepä chi̧yä̧huä̧cua̧sä̧. Pi̧jä̧ ttö̧ja̧ ttö̧ja̧cua̧ pä'ö chi̧yä̧huä̧cua̧sä̧, —pä'inödo Jesús.