San Juan 1:13 - TÄ̧DO Ä̧CUÄ̧ I̧HUȨNȨ

¹³ Jahuätö pi̧jä̧ ttö̧ja̧ tti̧tti̧mö̧ jö̧'a̧nö̧ huocotödo. Pi̧jä̧ ttö̧ja̧ tti̧tti̧mö̧ ttuhuäpächö'a̧nö̧ uhuäpächocotö pi̧nä̧tö̧do. Ja̧'hua̧ta̧nö̧ ya̧tȩ pi̧jä̧ ttö̧ja̧ i̧sa̧rö̧ pä̧huä̧ rö̧jo̧mȩnä̧, uhuäpächocotö pi̧nä̧tö̧do. Jahuätömä Dios i̧tti̧mö̧do.

Nuevo Testamento Uwotjüja

¹³ Ja̧'wa̧nü̧ ja̧'a̧ttü̧, juätümä̧ pi̧jä̧ ttü̧ja̧ ttukuojanä̧mä̧, ttidepä jäwänä̧mä̧ uwäbe'o̧ko̧u̧ pinä̧tü̧; pärokuä Dio jäwänä̧, Churutä pä̧wä̧rü̧jo̧mȩnä̧ uwäbe'i̧nä̧u̧.

San Juan 1:13 Referans Kwoze

1 Juan 3:9

Dios i̧tti̧mö̧mä̧ suronä jȩpö̧ ko̧co̧tö̧, Dios tta̧'cua̧rö̧ ttoädäcuähuä iya'attö. Yoröiso suronä jȩpö̧ ko̧co̧tö̧, Dios i̧tti̧mö̧ ja̧'a̧ttö̧.

Santiago 1:18

Chutä iso päi'önä huȩnȩttö̧, ujuturu iyinö kä̧cuä̧huä̧ i'co, ä'canä ttö̧ja̧, ucuo ttö̧ja̧ päti'a pä'ö Dios aditinä̧u̧ttu̧. Churutä pä̧huä̧ rö̧jo̧mȩnä̧ pä'inödo.

1 Pedro 1:23

Ucutu jareönä uhuäpächinätöjä. Ja̧'hua̧nö̧ jareönä cuhuäpächätucuomenä, pi̧jä̧ ttö̧ja̧, 'corupä'i'ätöttömä uhuäpächocotö pi̧nä̧tö̧jä̧. Dios i̧huȩnȩttö̧, yoröiso beipocöttö, uhuäpächinätöjä.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

1 Juan 5:4

O'ca toi'önä Dios i̧tti̧mö̧ pi̧jä̧ jähuättö'inä abonänö juruhuätö. Ja̧'hua̧nö̧ ja̧'a̧ adiu tesetomenä, pi̧jä̧ jähuättö'inä abonänö juruhuätöjä.

1 Juan 4:7

Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.

Tito 3:5

Diosmä suronä jȩtö̧ jȩpö̧ icuinö. Ujututä adiu jȩpo̧co̧tö̧ pi̧nä̧tö̧jä̧. Chutä, Diostä, re rö̧jö̧nä̧ topinö ujuturu.

Filipenses 2:13

Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.

1 Corintios 3:6

Ttömä äcuomenä ku̧ni̧nö̧sä̧. Ja̧u̧nu̧ o'ca'a Apolos riripinödo. Ja̧'hua̧nö̧ jȩto̧mȩnä̧, Diostä ppöröhua pä'ö hue'inödo.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

1 Juan 5:18

Ujutu huo̧juä̧tö̧jä̧ Dios i̧tti̧mö̧ suronä jȩpö̧ ko̧co̧tö̧, Dios I̧tti̧ jahuätörö tta̧'ä̧rö̧. Ähuettä jahuätörö mȩ'ö̧'i̧nä̧ mȩ'o̧cö̧.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Mateo 3:9

Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

1 Pedro 2:2

Ya̧tȩ ji̧'qui̧cha̧hua̧ ttatate isoya ahua pä'ö usu'a̧nö̧, usätucui ucutu'inä adihuä juäi huȩnȩ, juhua'a yabonö cujuruhuätucua pä'ö, ja̧'hua̧ta̧nö̧ Dios ucutu suronä jȩcu̧'ä̧tu̧cu̧ jȩpö̧ icua pä'ö.