Hechos 9:36 - TÄ̧DO Ä̧CUÄ̧ I̧HUȨNȨ

³⁶ Ja̧'hua̧nö̧ ja̧'a̧ Jope ötahuiyänä ki̧nä̧ju̧do yajute Jesucristorö esetäju, Tabita pä'ö micuaju. Jahuätö tti̧huȩnȩ päa'a Tabita, griegos ttö̧ja̧ tti̧huȩnȩ päa'a Dorcas. Jahuäju adiu jȩpö̧, usurä isotörö ppä'ädö ki̧nä̧ju̧do.

Nuevo Testamento Uwotjüja

³⁶ Ji̧yȩnü̧ pä̧nä̧ Jope ütawiyänä̧ kki̧nä̧ju̧, Jesucrito-rü esetäju Tabitá pä'ü mi̧kuaju, Grecia ttü̧ja̧ tti̧wȩnȩnä̧mä̧ Dorca pä'ü mikuinä̧ju̧. Juäju rü̧ȩnä̧ ppä'ädinä̧ju̧, rü̧ȩnä̧ rekuä rü̧jä̧u̧ru̧.

Hechos 9:36 Referans Kwoze

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Tito 2:7

Ucutä Tito o'ca juiyönä jȩcu̧'u̧mä̧, adiunätä jȩpi̧ jahuätö ttu̧huo̧jui̧'ä̧cua̧'a̧nö̧. Ucu cu̧huo̧juȩto̧mȩnä̧, cua̧'cua̧ pö̧nö̧ kä̧nö̧ huo̧juȩti̧. Adiunätä huo̧juȩti̧.

Santiago 1:27

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Hechos 10:31

Ja̧u̧ pä'äji ttörö: “Ucu Cuä̧do̧ ä̧cua̧rö̧ cucuocua'a eseunu ä̧ju̧cuä̧ji̧ Diosmä. Usurä isotörö ppäcuhuädinömä eseunu amöcuädäji, Cornelio.

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

1 Tesalonicenses 4:10

Ja̧'hua̧nö̧ repe'ö jȩpä̧tö̧jä̧ ucutu o'ca toi'önä tö̧jä̧hua̧tö̧rö̧, o'ca juiyönä Macedonia rȩjȩnä̧ ka̧cuä̧tö̧rö̧. Ja̧'hua̧nö̧ ja̧'a̧nä̧ tö̧jä̧hua̧tö̧, cuahuaruhuärö ji̧nä̧ isocu repecuhuätucua pä'ätöjä.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

San Juan 15:8

Ucutu u̧huä̧ju̧ rö̧ȩnä̧ cu̧ju̧nä̧rä̧tu̧cuo̧mȩnä̧, Chä'orö ucuotönö jȩpä̧tö̧jä̧. Ja̧'hua̧nö̧ jȩpö̧, iso päi'önä chu̧huo̧juȩtä̧u̧ pä'i'ätöjä.

San Juan 15:5

“Ttömä kada'ca hua̧sä̧. Ucutumä ä̧na̧jui̧yä̧ huotöjä. Ttörö todeunä cue'ächömä, ttö'inä ja̧u̧ru̧ todeunä chö̧ja̧'a̧ttö̧, rö̧ȩnä̧ u̧huä̧ju̧ u̧ju̧nä̧rä̧cua̧. Ucutumä ttörö toönä yoröiso jȩpo̧co̧tö̧jä̧.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Hechos 9:38

Jope ötahuiyä tö'cönänö ji̧na̧'a̧do Lida ötahuiyämä. Ja̧'hua̧nö̧ ja̧'a̧ttö̧ Jesucristorö esetätömä Pedro Lida ötahuiyänä kö̧do pä'ö jittähua'a ttä̧ju̧cuo̧mȩnä̧, u̧mä̧tö̧ ta̧ju̧ru̧ hue'inätödo Pedrorö jittähuäja pä'ö: —Ujutucu jurunä cuicha pä'ö ji'äu ichäjätöjä Jope ötahuiyära̧'a̧.

Hechos 9:42

O'ca toi'önä Jope ötahuiyänä ka̧cuä̧tö̧mä̧ Pedro jȩä̧ji̧ ä̧ju̧cu̧, recuätö Tu̧ru̧hua̧rö̧ esetinätödo.

Hechos 10:8

Cornelio, ángel jiähuäjimä o'ca juiyönä ji'ähuäji'ca̧, jahuätörö hue'inödo Jope ötahuiyära̧'a̧.

Hechos 10:23

Ja̧'hua̧nö̧ ja̧'a̧ Pedro jahuätörö o'ipinödo dottächa pä'ö ojusodenä ttä'ecua pä'ö. Ttä'äji mo̧ro̧ juomenä, Pedro jahuätöcu 'chi̧nö̧do. Jesucristorö esetätömä Jope ötahuiyänä ka̧cuä̧tö̧ttö̧ korotö'inä Pedrocu 'chi̧nä̧tö̧do.

Hechos 11:5

—Jope ötahuiyänä chö̧jo̧mȩnä̧, Diosrö chucuocuomenä, ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, koro juäi sabana'cua rö̧ä'cua jä̧'i̧nö̧'a̧nö̧ ja̧'a̧ topinösä. Kara'anä'inä pätecu ti̧ä̧dä̧cuä̧hua̧'a̧ mo̧ro̧jä̧ra̧'a̧ttö̧ mȩyȩhui̧na̧'a̧ ttö chö̧jo̧mȩ.

Hechos 11:13

Ja̧u̧mä̧ ujuturu ji'ähuinö: “Angelmä chojusodenä ö̧ja̧'a̧ topinösä pä'ö. Angel pä'inö: Jope ötahuiyära̧'a̧ hue'i u̧mä̧tö̧rö̧, Simón, koro i̧mi̧mä̧ Pedrorö jittähuäja pä'ö.

San Mateo 25:17

Ja̧'hua̧ta̧nö̧ dos mil bolívares jo̧mȩnä̧ ȩmi̧nö̧mä̧, koro juäi aditö jitä ya'ute dos mil bolívares jo̧mȩnä̧ ȩmi̧nö̧do.