Hechos 9:32 - TÄ̧DO Ä̧CUÄ̧ I̧HUȨNȨ

³² Pedro koromecu, koromecu do'ächö cueächomenä, Jesucristorö esetätörö Lida ötahuiyänä ka̧cuä̧tö̧rö̧'i̧nä̧ topö 'chi̧nö̧do.

Nuevo Testamento Uwotjüja

³² Peduru-mä̧ Jesucrito-rü esetätü o'katoi'ünä̧rü̧ do'ächü 'chä̧ji̧'ka̧ ja̧'wa̧ta̧nü̧ Lida ütäwiyättü esetätürü'i̧nä̧ do'ächü 'chi̧nü̧.

Hechos 9:32 Referans Kwoze

Hechos 9:13

Ja̧'hua̧nö̧ ä̧ju̧cu̧ Ananías ädätinödo: —Chu̧ru̧hua̧, pide juiyo suronä jȩpi̧nö̧ pä'ö jittähua'a ä̧ju̧cuä̧ji̧sä̧, Jerusalén ötahuiyänä ucuru esetätörö.

Hechos 8:25

Pedrocu, Juancu Dios jahuätörö jȩä̧ji̧'i̧nä̧, Dios i̧huȩnȩ'i̧nä̧ jittähuäji o'ca'a rä'opächinätödo. Samaria rȩjȩttö̧ rö̧ȩnä̧ ötahuiyä jo̧mȩ adihuä huȩnȩ, Jesucristo i̧huȩnȩ ji'äu 'chä̧nö̧, Jerusalén ötahuiyära̧'a̧ ppa̧'ä̧chä̧chi̧nä̧tö̧do.

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

Efesios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Pi̧yȩ cuyäru huȩyu̧tu̧sä̧, Dios i̧tti̧mö̧rö̧, Cristo Jesúsru esetätörö, Efeso ötahuiyänä ka̧cuä̧tö̧rö̧.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Hechos 26:10

Ja̧'hua̧nö̧ jȩpi̧nö̧sä̧ Jerusalén ötahuiyättö. Sacerdotes tturuhuotö huettomenä, recuätö Jesucristorö esetätörö cärenä rötinösä. Yotöcunärö cuä'ö tticuomenä, ttö'inä “Huäinä 'corupätti'ä”, pä'inösä.

Hechos 9:41

Pedro Tabita ku̧mö̧nä̧ 'chu'ädö cä'epinödo kä̧rä̧mi̧'a̧ pä'ö. Ja̧'hua̧ ja̧'a̧ Jesucristorö esetätörö'inä, rȩcua̧mö̧rö̧'i̧nä̧ huopö, jahuätörö a̧dȩcua̧ju̧ru̧tä̧ iyinödo.

Hechos 8:14

Ja̧'hua̧ ja̧'a̧ Jesús hue'ähuotö Jerusalén ötahuiyänä ka̧cuä̧tö̧mä̧ Samaria ötahuiyä ttö̧ja̧ Dios i̧huȩnȩ esetinätödo pä'ö jittähua'a ttä̧ju̧cuo̧mȩnä̧, Pedrocu, Juancu Samaria ötahuiyära̧'a̧ tti̧'cha̧ pä'ö hue'inätödo.

Hechos 1:8

Ji̧nä̧ isocu ttö chujuru cuȩmä̧cuo̧tö̧jä̧, Espíritu Santo ucuturu ichomenä. Ttö chujurunä ttö chi̧huȩnȩ jicuhuähuäcuotöjä Jerusalén ötahuiyä ttö̧ja̧rö̧'i̧nä̧, o'ca juiyönä Judea rȩjȩ ttö̧ja̧rö̧'i̧nä̧, Samaria rȩjȩ ttö̧ja̧rö̧'i̧nä̧, kara'a oto ka̧cuä̧tö̧rö̧'i̧nä̧, —pä'inödo Jesús.

San Mateo 27:52

Ttö̧ja̧ huattinö idoriyä'inä bahuecuächina'ado. Pä'äji Diosrö esetö 'corupä'i'inätö tto'co jähuä jättäpäyotö tto'ächinätödo recuätö.

Hechos 9:33

Juhua'attö po̧cui̧pi̧nö̧do ya̧tȩ Eneas pä'ö mi̧cua̧rö̧. Ko̧ro̧mö̧ttö̧nö̧ huäbodäcuä a̧'ȩ 'cuäoi'önä huä̧ri̧sa̧nä̧tä̧ ri̧nö̧do 'cuä̧'a̧ ja̧'a̧ttö̧.