Hechos 9:21 - TÄ̧DO Ä̧CUÄ̧ I̧HUȨNȨ

²¹ O'ca toi'önä jiähua'a ä̧ju̧cuä̧tö̧mä̧ ttä̧ju̧cuo̧cö̧ jä̧'i̧jö̧ ä̧ju̧cui̧nä̧tö̧do. Pä'inätödo: —Jerusalén ötahuiyättö Jesucristo i̧mi̧nä̧ Diosrö ucuocuätörö suronä jȩpi̧nö̧mä̧, ¿pidetä? Jitämä pocu ichäji jahuätörö ȩpa̧ pä'ö sacerdotes tturuhuotörö iyö icua pä'ö.

Nuevo Testamento Uwotjüja

²¹ Ja̧'wa̧nü̧ jiäwiyä̧u̧, to̧o̧ to̧pä̧rü̧ kkä̧nü̧ pä'inä̧tü̧: —¿Chujuatä jo̧ka̧'a̧ Jerusarȩ́-ttü̧, Jesú-ru esetätürü suronä̧ jȩpü̧ ya̧'a̧wä̧'i̧jü̧mä̧? ¿Ja̧'wa̧ta̧nü̧ jua̧u̧tä̧ jo̧ka̧'a̧, sacerdote tturuwotü weäwänä̧, kärenä̧ ttüta pä'ü 'chu'chäu ichäjimä̧?

Hechos 9:21 Referans Kwoze

Hechos 8:3

Ja̧'hua̧ ja̧'a̧ Saulo juiyo suronä jȩpi̧nö̧do Jesucristorö esetätörö. Korodenä'inä, korodettö'inä do'ächö, u̧mä̧tö̧rö̧'i̧nä̧, nä̧tö̧rö̧'i̧nä̧ 'chu'ädö ȩpi̧nö̧do cärenä öta pä'ö.

2 Tesalonicenses 1:10

Ja̧'hua̧nö̧ 'cuäopäcua'a chutä i̧tti̧mö̧, churutä esetätömä, churutä ttucuotarö pä'ö ichö mo̧ro̧ päi'omenä. Ujutu tu̧huo̧juȩti̧nö̧mä̧ cuesetinätucua'attö, ucutu'inä ja̧u̧ru̧ cucuotäcuotöjä.

1 Juan 3:1

Adiu amöcuädätucui. Dios ujuturu rö̧ȩnä̧ repea'attö “chi̧tti̧mö̧” pä'ö. Iso päi'önä Dios i̧tti̧mö̧jä̧. Ttö̧ja̧ pi̧jä̧ jähuä amöcuädätömä Tä'o Diosrö ttu̧huo̧juo̧ca̧'a̧ttö̧, ujuturu'inä huo̧juo̧co̧tö̧.

Hechos 4:13

Ruhuotö to̧pä̧ri̧nä̧tö̧do Pedrocu, Juancu yettoca'a ttucuocua'a ä̧ju̧cu̧, ruhuotö pocotö ja̧'a̧. Cuyäru huo̧jui̧cuä̧'i̧nä̧ ttieruhua'anä, adiu ttucuocua'a ä̧ju̧cu̧, huo̧jui̧'i̧nä̧tö̧do Jesúscu cue'ächinätö pä'ö.

Hechos 3:10

Ja̧u̧mä̧ Diosrö ucuocuäcuähuode äpate Adihuate ä'ca pä̧nö̧ pärätä jä̧'ȩpä̧rö̧ ö̧'a̧'a̧ tottä'ija'a cueächa'atä huo̧jui̧nä̧tö̧do. Ja̧'hua̧nö̧ ja̧'a̧mä̧ tottocö jä̧'i̧jö̧ to̧pä̧rö̧ ka̧cui̧nä̧tö̧do.

Hechos 2:12

Ja̧'hua̧ ja̧'a̧ o'ca toi'önä ttä̧ju̧cuo̧cö̧ jä̧'i̧jö̧ ä̧ju̧cu̧, to̧pä̧rö̧ ka̧cu̧ jä'epinätödo: —¿Tta̧'a̧nö̧ pä'ö ttucuocua'attö?

Hechos 2:6

Ja̧u̧ 'cuäopa'a ä̧ju̧cu̧, recuätö ca̧ca̧cui̧nä̧tö̧do. Ya̧cu̧nä̧ ttamönä tti̧huȩnȩnä̧ ttucuocua'a ttä̧ju̧cuo̧cö̧ jä̧'i̧jö̧ ä̧ju̧cui̧nä̧tö̧do.

Hechos 7:59

Inädu tticuähua'anä, Esteban Diosrö ucuocu pä'inödo: —Chu̧ru̧hua̧ Jesús, cha̧'cua̧ru̧hua̧rö̧ ȩmi̧ttö̧.

Hechos 9:22

Ja̧'hua̧nö̧ ja̧'a̧nä̧ Saulo äcuomenä jiähuinöttö'inä abonänö adiu ji'ähuinödo iso päi'önä Dios huea päinäcu Jesúsmä ja̧u̧tä̧ ja̧'a̧. Judíos ttö̧ja̧ Damasco ötahuiyänä ka̧cuä̧tö̧mä̧ u̧huo̧juȩta̧'a̧ ttä̧ju̧cuo̧mȩnä̧, “Yoröiso tädätö juiyö'a̧nö̧ ja̧'a̧”, pä'inätödo.