Hechos 8:23 - TÄ̧DO Ä̧CUÄ̧ I̧HUȨNȨ

²³ Ttö topösä ucu kö'cö jui'ö amöcuädöjä. Suronä jȩcu̧'a̧'a̧ttö̧ nö̧'cä̧hua̧ ö̧ja̧'a̧ jä̧'i̧nö̧'a̧nö̧ kö̧jä̧.

Nuevo Testamento Uwotjüja

²³ Ttü tochomȩnä̧ kua̧'kua̧ surojütä ȩkä̧ku̧jä̧, ja̧'wa̧ta̧nü̧ surojütä 'chu'ädü rütinä̧ku̧jä̧.

Hechos 8:23 Referans Kwoze

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

San Juan 8:34

Ja̧'hua̧nö̧ jättepomenä, Jesús pä'inödo jahuätörö: —Iso päi'önä pä'ösä ucuturu, o'ca toi'önä suronä jȩpä̧tö̧mä̧, suronä jȩä̧cuä̧huä̧ isotödo.

2 Pedro 2:19

Korotörö surojö juiyönä kä̧cuä̧huä̧mä̧ huo̧juȩtä̧tö̧. Ja̧'hua̧nö̧ ja̧'a̧nä̧ jahuätörö ttu̧huo̧juȩtö̧'a̧nö̧mä̧ jȩtto̧ca̧'a̧, suronätä jȩpö̧ ka̧cuä̧tö̧. O'ca toi'önä tamöcuädötä jȩpä̧tö̧jä̧.

2 Pedro 2:4

Angelesrö, suronä jȩpi̧nä̧tö̧rö̧, suronä jȩtti̧nö̧ jȩpö̧ icuocö pi̧nö̧do Dios. Ocurära̧'a̧ do'opö icuinä̧u̧do. Yo̧a̧'a̧ jacuä ttö̧ja̧cua̧ pä'ö do'opö icu, cuoräusanä nö'cö icuinä̧u̧, yodoji Dios ttö̧ja̧rö̧ pojocuä mo̧ro̧ päi'ome jubö.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

Efesios 4:31

Cuahuaruhuärö cuesehuätucuoca'a cu̧jä̧tu̧cu̧'i̧nä̧, cu̧ra̧huä̧rä̧tu̧cu̧'i̧nä̧, jaropi'ätucui. Ja̧'hua̧ta̧nö̧ suronä cucuocuätucu'inä, o'ca juiyönä suronä jȩcu̧'ä̧tu̧cu̧'i̧nä̧ jaropi'ätucui.