Hechos 8:10 - TÄ̧DO Ä̧CUÄ̧ I̧HUȨNȨ

¹⁰ O'ca toi'önä ja̧u̧ru̧ adiu ä̧ju̧cui̧nä̧tö̧do, ruhuotö'inä, korotö'inä: —Pide Dios ujurunä jȩpö̧, —pä'inätödo.

Nuevo Testamento Uwotjüja

¹⁰ Ja̧'wa̧nü̧ ja̧'a̧, jua̧u̧ru̧mä̧ o'katoi'ünä̧ ppo̧'ä̧tü̧ttü̧ kkä̧mä̧da̧'a̧mä̧, tä̧mü̧'i̧nä̧ ä̧ju̧kuä̧rü̧ ukuokuinä̧tü̧: «Pi̧yȩtä̧ ja̧'a̧ Dio ujurumä̧,» pä'ü.

Hechos 8:10 Referans Kwoze

Apocalipsis 13:3

Ja̧u̧ pä̧i̧cua̧ i̧sa̧ u ji'ute cuä'ö tticuäja'a jä̧'i̧nö̧'a̧nö̧ ji̧na̧'a̧. Ja̧'hua̧nö̧ ja̧'a̧nä̧ cuä'ö tticuäja'a adiu päi'inäcu. Ja̧'hua̧nö̧ päi'omenä, o'ca toi'önä pi̧jä̧ ttö̧ja̧ to̧ttä̧ro̧mȩnä̧, ja̧u̧ o'ca'anä 'chi̧nä̧tö̧.

2 Pedro 2:2

Jitörötä pä̧huä̧ rö̧jö̧ jȩpö̧ kä̧nö̧ ttu̧huo̧juȩto̧mȩnä̧, recuätö ttesetäcuotö jahuätörö. Ja̧'hua̧ta̧nö̧ adihuä huȩnȩmä̧, suräjuä huȩnȩ pä'ö ttucuocuäcuotö.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

2 Corintios 11:19

Ucutu rö̧ȩnä̧ cu̧huo̧juä̧tu̧cua̧'a̧ttö̧, eseunu ä̧ju̧cuä̧tö̧jä̧ ja̧'hua̧nö̧ suripächö ucuocuätörö.

1 Corintios 1:24

Ja̧'hua̧nö̧ ja̧'a̧nä̧ Dios huoinä̧u̧mä̧, judíos ttö̧ja̧'i̧nä̧, griegos ttö̧ja̧'i̧nä̧ pä'ätö: “Cristomä Dios ujuru päi'önä kö̧.” Ja̧'hua̧ta̧nö̧ pä'ätö: “Cristomä Diosttö huo̧juä̧huä̧ päi'önä kö̧.”

Hechos 28:6

O'ca toi'önä to̧pä̧ri̧nä̧tö̧ Pablo u̧mö̧ jö̧ä̧mi̧'a̧ pä'ö. Korotö to̧pä̧ri̧nä̧tö̧ jurunä 'corupäi'a pä'ö. Recuo tta̧ttä̧ro̧mȩnä̧, Pablo yoröiso na̧'ä̧cho̧cö̧ pi̧nö̧. Ja̧'hua̧nö̧ ja̧'a̧ttö̧ ttamöcuädömä pärocuätä amöcuädinätö. Pä'inätö: —Chujuamä korotö ttä̧do̧ ä̧cua̧ a̧'cua̧ra̧'a̧.

Hechos 14:11

Ttö̧ja̧mä̧ Pablo jȩä̧ja̧'a̧ topö, Licaonia rȩjȩ ttö̧ja̧ jitötä tti̧huȩnȩnä̧ huopinätödo: —Tä̧do̧ ä̧cua̧tö̧mä̧ ttö̧ja̧ jö̧ ta'anö huotö mȩyȩhuä̧jä̧tö̧ ujutu tö̧jo̧mȩ.