Hechos 7:55 - TÄ̧DO Ä̧CUÄ̧ I̧HUȨNȨ

⁵⁵ Ja̧'hua̧nö̧ ja̧'a̧ Estebanmä, Espíritu Santo hueinäcumä, mo̧ro̧jä̧ra̧'a̧ topö Dios i̧tȩa̧ topinödo. Ja̧'hua̧ta̧nö̧ Jesúsru topinö Dios u̧huo̧jua̧'a̧nä̧ ö̧ja̧'a̧.

Nuevo Testamento Uwotjüja

⁵⁵ Ja̧'wa̧nü̧ ja̧'a̧nä̧, chutämä̧ Epíritu Sa̧tu̧ jäwä jo̧mȩnü̧ wa̧ ja̧'a̧, mo̧ro̧jä̧ra̧'a̧ku̧ toomȩnä̧ Dio ukuo jäwä topinü̧, Jesú-mä̧ Dio u̧wo̧jua̧'a̧ku̧nä̧ ü̧'ja̧'a̧.

Hechos 7:55 Referans Kwoze

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

Hechos 6:10

Ja̧'hua̧nö̧ ja̧'a̧ttö̧ Estebanrö ttädätö juiyö'a̧nö̧ ja̧'a̧, Espíritu Santo huo̧ju̧nä̧ jiähua'attö.

Hechos 6:8

Esteban Dios ppädäcuähuänä, ujurunä'inä ttö̧ja̧ ttä'ca jo̧mȩ rö̧ȩnä̧ ttö̧ja̧ ttieru juäi jȩpi̧nö̧do.

Hechos 6:5

O'ca toi'önä eseunu ä̧ju̧cui̧nä̧tö̧do Jesús hue'ähuotö pättäjimä. Ȩmi̧nä̧tö̧do adiu esetörö, Espíritu Santo hueäcuru, Esteban pä'ö mi̧cua̧rö̧. Feliperö'inä, Prócororö'inä, Nicanorrö'inä, Timónrö'inä, Parmenasrö'inä, Nicolás Antioquía ötahuiyä ttö̧ja̧ i̧sa̧rö̧'i̧nä̧ ȩmi̧nä̧tö̧do. Ja̧u̧ Nicolás judío huocö ja̧'a̧nä̧, judíos ttö̧ja̧ Diosrö ä'canä esetinödo.

Hebreos 8:1

Jitä pätäjimä pi̧yȩjä̧: ujutu adihuä ji̧nä̧ isocu sacerdote ru̧hua̧ ku̧nä̧rä̧tö̧jä̧ mo̧ro̧jä̧ra̧'a̧ttö̧, Dios i̧dȩä̧cä̧ u̧huo̧jua̧'a̧nä̧ pö̧rö̧.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

San Juan 12:41

Isaíasmä Jesús öadihuä toina'attö ja̧'hua̧nö̧ huȩyu̧ti̧nö̧do. Ja̧u̧ Isaíasmä Jesúsru adiu ucuocuinödo.

Hechos 6:3

Ja̧'hua̧nö̧ ja̧'a̧ttö̧ chö̧jä̧hua̧tö̧, ucututtu ko̧ro̧mö̧ttö̧nö̧ ta̧ju̧ru̧ u̧mä̧tö̧rö̧ ȩmä̧tu̧cui̧. Ucututtu korotö adiu ucuocuätörö, Espíritu Santo hueomenä huo̧ju̧nä̧ jȩpä̧tö̧rö̧ ȩmä̧tu̧cui̧, jahuätörö ttaditähuä tiyatö.

Apocalipsis 21:11

Ja̧u̧ ötahuiyä Dios i̧tȩa̧u̧ttu̧, tȩa̧hui̧na̧'a̧. Ja̧u̧ i̧tȩa̧u̧mä̧, koro juäi ido'qui, rö̧ȩnä̧ micuähuo'qui, jaspe ta'anö tȩa̧hui̧na̧'a̧. Ja̧'hua̧ta̧nö̧ koro'qui, säruhuo'qui cristal ta'anö, säruhuina'a.

2 Pedro 1:17

Tä'o Dios I̧tti̧ Jesucristorö esehua'a topinätöjä. Ja̧'hua̧ta̧nö̧ Dios i̧huȩnȩ eseunu ucuocua'a ä̧ju̧cui̧nä̧tö̧jä̧. Chutä Dios pä'inö: “Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä.”

Hechos 4:8

Ja̧'hua̧nö̧ ja̧'a̧ Espíritu Santo ujuru rö̧ȩnä̧ u̧ju̧nä̧ra̧'a̧ttö̧ ädätinödo Pedro: —Ucutu Israel ttö̧ja̧ tturuhuotö, judíos ttö̧ja̧ ancianos huotö'inä, ¿jitä mo̧ro̧ ujuturu jä'epö ä̧ju̧cuä̧tö̧jä̧? Adiu jȩtä̧ja̧'a̧ ä̧ju̧cu̧ cue'ächocö pä'ijörö, tta̧'a̧nö̧ jȩpö̧ aditö cuicuäjätucuärö pä'ö ¿jä'epätöjä ucutumä?

San Juan 14:3

Cä'ädäcuähui'ö'ca̧ chi̧chä̧cua̧sä̧ pä'äji ta'anö ucuturu ȩmö̧ ttö chö̧jo̧mȩ cu̧ja̧cuä̧tu̧cua̧.

San Juan 11:41

Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.