Hechos 5:33 - TÄ̧DO Ä̧CUÄ̧ I̧HUȨNȨ

³³ Ja̧'hua̧nö̧ jiähua'a ä̧ju̧cu̧, ji̧nä̧ iso ruhuotö juiyo ttami surächi'inä̧u̧do. Cuä'ö tticua pä'inätödo Jesús hue'ähuotörö.

Nuevo Testamento Uwotjüja

³³ Ja̧'wa̧nü̧ pätta'a ä̧ju̧ku̧, tta̧mi̧ su̧rä̧chi̧'ä̧u̧, kuä'ü ttikua pättinä̧u̧.

Hechos 5:33 Referans Kwoze

Hechos 7:54

Judíos ttö̧ja̧ Esteban jiähua'a ttä̧ju̧cuo̧mȩnä̧, ttacu yö̧'i̧pö̧ ra̧huä̧ri̧nä̧tö̧do.

Hechos 2:37

Ja̧'hua̧nö̧ ja̧'a̧ Pedro jiähua'a ttä̧ju̧cuo̧mȩnä̧, tta̧'cua̧ tta̧ päi'önä ä̧ju̧cu̧ jä'epinätödo Pedrorö'inä, korotö Jesús hue'ähuotörö'inä: —Chahuaruhuä, ¿tta̧'a̧nö̧ jȩtä̧cua̧'a̧jä̧ttö̧?

San Juan 16:2

Judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ tticuäcuotö ucuturu. Koronö'inä ucuturu cuä'ö tticuomenä, Diosrö pä̧huä̧ rö̧jö̧ jȩpä̧tö̧jä̧ a̧'cua̧ra̧'a̧ pä'ö ttamöcuädäcuotö.

San Mateo 24:9

“Ja̧u̧nu̧mä̧ ucuturu korotörö ttiyäcuotö, suronä jȩtta̧ pä'ö. Ja̧'hua̧ta̧nö̧ ucuturu cuä'ö tticuäcuotö. Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu.

San Mateo 10:25

Ya̧tȩ u̧huo̧juȩtä̧u̧ i̧sa̧mä̧ huo̧juȩcuä̧ i̧sa̧ ö̧jö̧'a̧nö̧ ö̧jö̧ttö̧mä̧ adihua'a. Ja̧'hua̧ta̧nö̧ ya̧tȩ adicuä i̧sa̧mä̧, u̧ru̧hua̧ ö̧jö̧'a̧nö̧ ö̧jö̧ttö̧mä̧ adihua'a. Iso päi'önä ya̧tȩ ojusode ru̧hua̧rö̧ espíritus suropätö ttu̧ru̧hua̧ i̧mi̧ Beelzebú ottöttömä, ¿tta̧'a̧nö̧ pättäcua'ajä̧ttö̧ ahuaruhuärö? —pä'ö huo̧juȩti̧nö̧do Jesús.

San Mateo 10:21

“Ja̧'hua̧ta̧nö̧ pi̧jä̧ ttö̧ja̧ ttamönä ttö̧jä̧hua̧tö̧rö̧ ttiyäcuotö korotörö, cuä'ö tticuiyatö pä'ö. Ttamönä ttä'o'inä tti̧tti̧mö̧rö̧ ttiyäcuotö. Ttamönä tti̧tti̧mö̧'i̧nä̧ ttä'orö ttiyäcuotö korotörö cuä'ö tticuiyatö pä'ö.

Hechos 22:22

Ttö̧ja̧ Pablo jiähua'a ä̧ju̧cui̧nä̧tö̧do. Judíos huocotörö ji'äu i̧'chi̧na̧'a̧ ttä̧ju̧cuo̧mȩnä̧, amöcuädi'ö huopinätödo: —¡Ö̧jö̧ juiyäcua'a̧nö̧ cuä'ö icuirö!

Hechos 9:23

Recuo mo̧ro̧ o'ca'a judíos ttö̧ja̧ ca̧ca̧cu̧ ucuocuinätödo, Saulorö cuä'ö tticua pä'ö.

San Juan 15:20

Ucuturu pa̧'a̧nö̧ jidähuinömä amöcuädätucui: “Ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocödo.” Ttörö suronä jȩtti̧nö̧ ta'anö, ucuturu'inä suronä jȩttä̧cuo̧tö̧. Ja̧'hua̧ta̧nö̧ korotö ttö chu̧huo̧juȩti̧nö̧ ttesetinö ta'anö, ucutu cu̧huo̧juȩtä̧tu̧cu̧'i̧nä̧ ttesetäcuotö.

San Lucas 20:19

Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ yotäcu 'chuttäda pä'inätödo Jesúsru. Ja̧u̧ koro juäi jä̧'i̧nö̧'a̧nö̧ jö̧ huȩnȩ ucuocuomenä, huo̧jui̧'i̧nä̧tö̧do jitörötä ucuocua'a pä'ö. Ja̧'hua̧nö̧ ja̧'a̧nä̧ ttö̧ja̧rö̧ yettecua'attö, jȩpo̧co̧tö̧ pi̧nä̧tö̧do.

San Lucas 6:11

Ja̧'hua̧nö̧ ja̧'a̧nä̧ korotö rö̧ȩnä̧ ra̧huä̧ri̧pö̧ jä'ecuinätödo jitötä ttamönä däjetä jȩtä̧cu̧ Jesúsmä.

San Mateo 1:19

Josémä kirecuo jä̧cua̧mä̧ adihuä i̧sa̧ pi̧nö̧do. Ja̧'hua̧nö̧ ja̧'a̧ttö̧ Maríarö 'cuäopäjimä kudäpecuächi'a'acu pä'ö jiähua pä'ocö pi̧nö̧do. Korotö ttö̧ja̧ ttä̧ju̧cu̧ juiyönä, jaroi'a pä'inödo Maríarö.