Hechos 5:2 - TÄ̧DO Ä̧CUÄ̧ I̧HUȨNȨ

² Ju'to 'quȩ'ȩpö̧ ku̧ni̧nö̧do chutä öäre päi'önä. Irecua'inä huo̧jui̧nä̧ju̧do ja̧'hua̧nö̧ jȩa̧'a̧. Ju'tometä Jesús hue'ähuotörö i'cächö iyinödo, korotörö ttiya pä'ö.

Nuevo Testamento Uwotjüja

² Ja̧'wa̧nü̧ ja̧'a̧ pidemä̧ irekuaku ukuokuäkuäu, jua̧u̧ mikuä ju'tomä̧ jitütä ȩmü̧, kkoro ju'totä apótore-rü iyinä̧tü̧.

Hechos 5:2 Referans Kwoze

Hechos 4:37

José i̧rȩjä̧ ku̧nä̧ri̧nö̧do. I̧rȩjä̧ iyö icuäji'ca̧ ja̧u̧ micuä i'cächö, Jesús hue'ähuotörö iyinödo.

Hechos 5:3

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

San Juan 12:6

Judas ja̧'hua̧nö̧ päomenä, usurä isotörö amöcuädö pä'ocö pi̧nö̧do. Ja̧u̧mä̧ nä̧u̧cuä̧rö̧ i̧sa̧ pi̧nö̧do. Ja̧u̧mä̧ jahuätö u̧huo̧juȩtä̧u̧ ttöäre pärätä tta̧huä̧ra̧'a̧ttö̧, ttöäre pärätättö nä̧u̧cui̧nö̧do.

San Mateo 23:5

Korotö ttö̧ja̧ ttesehuatö pä'ö jȩpä̧tö̧do. Ttö'änä'inä, ttöjohuiyänä'inä Huȩyu̧cuä̧ Huȩnȩ korotöttö'inä abonänö rö̧ä̧ö̧ juäi nö'cäu jȩpä̧tö̧do, ttö̧ja̧ tottatö pä'ö. Ttö̧'ca̧tä̧huä̧ti̧yu̧'i̧nä̧ korotö ttö̧'ca̧tä̧huä̧ti̧yu̧ttu̧'i̧nä̧ abonänö otoä̧ta̧ 'ca̧tä̧huä̧tö̧.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

Hechos 2:44

Jesucristorö esetätömä o'ca toi'önä ji̧nä̧ yo̧mȩtȩ ka̧cui̧nä̧tö̧do. Ttöäre'inä ji̧nä̧ ji̧yȩtȩ jȩpi̧nä̧tö̧do.

Hechos 5:1

Ka̧ra̧'i̧nä̧ ki̧nö̧do, Ananías pä'ö mi̧cua̧. Irecua Safiracu tti̧rȩjä̧ iyö icuinätödo pärätä ȩmö̧.

Hechos 5:8

Ja̧'hua̧nö̧ ja̧'a̧ Pedro jä'epö ä̧ju̧cui̧nä̧cua̧do: —Ji'ähuittö, cui'cächäjätucumä ¿rȩjȩ iyö icu, ȩmi̧nä̧tö̧jä̧ micuämä? Ja̧'hua̧nö̧ ja̧'a̧: —A̧, ti'cächäjimä ȩmi̧nä̧tö̧jä̧, —ädätinäjudo.