Biblia Todo Logo
Bib sou entènèt

- Piblisite -




Hechos 4:34 - TÄ̧DO Ä̧CUÄ̧ I̧HUȨNȨ

34-35 Jahuätöttömä ya̧tȩ'i̧nä̧ öäre jui̧'a̧mä̧ toina'ado. Korotömä tti̧rȩjä̧'i̧nä̧, ttojusode'inä ku̧nä̧rä̧tö̧mä̧ iyö icu, ttȩmä̧ji̧ micuä i'cächö, Jesús hue'ähuotö ttä'ca jo̧mȩ rötinätödo recuä rö̧jä̧u̧ru̧ ttiya pä'ö.

Gade chapit la Kopi

Nuevo Testamento Uwotjüja

34 Ja̧'wa̧nü̧ ja̧'a̧ttü̧ ya̧tȩ'i̧nä̧ rekuä rü̧jä̧ku̧mä̧ toina̧'a̧; jua'amä̧ tti'ättiyu kku̧nä̧rä̧tü̧ ja̧ pä'ü'i̧nä̧, ttojusode kku̧nä̧rä̧tü̧ ja̧ pä'ü'i̧nä̧, iyü ikuipü mikuämä̧ i'kächü iyinä̧tü̧,

Gade chapit la Kopi




Hechos 4:34
14 Referans Kwoze  

Ja̧'hua̧ta̧nö̧ ttöäre pärätättö mitö ȩmö̧ iyinätödo korotö ttöäre recuä rö̧jä̧u̧ru̧.


“Ttö pädä̧u̧jä̧, pi̧jä̧ jähuä cu̧ju̧nä̧rä̧tu̧cu̧mä̧, korotö ttesehuätucuacu pä'ö jȩpä̧tu̧cui̧. Pi̧jä̧ jähuä cu̧ju̧nä̧rä̧tu̧cu̧mä̧ beipächomenä, Dios eseunu ȩmä̧cua̧'a̧nö̧ ucuturu chutä ö̧jo̧mȩ beipocome cu̧ja̧cuä̧tu̧cua̧ pä'ö.


Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.


Ja̧'hua̧ ja̧'a̧ Jesús jahuätörö jä'epinödo: —Ucuturu cusacuyu'inä, pärätä'inä, cu̧jä̧pö̧ isäya'inä juiyönä cui̧'chä̧tu̧cua̧ pä'ö huedina'a, ¿koro juäi jui'inätöjä, tä̧ji̧? Jahuätö ädätö pä'inätödo: —Koro juäi jui'ömä ka̧cuo̧co̧tö̧ pi̧nä̧tö̧jä̧.


Jesús ja̧u̧ru̧ repe'ö topö, päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ucuru cuä'ö tticuttu'inä ppa̧'ä̧chö̧ ttöcu cue'ächi.


Jesús pä'inödo: —Adiunätä cu̧ja̧ päcuttumä, cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä usurä isotörö iyi. Ja̧'hua̧nö̧ jȩpö̧ mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧ ttöcu cue'ächi.


Ja̧'hua̧nö̧ jȩtto̧mȩnä̧, yodoji adihuä juäi ttu̧ju̧nä̧ra̧ pä'ö jȩpä̧tö̧. Ja̧'hua̧ta̧nö̧ kä̧cuä̧huä̧ i'co'inä ttu̧ju̧nä̧rä̧cuo̧tö̧.


José i̧rȩjä̧ ku̧nä̧ri̧nö̧do. I̧rȩjä̧ iyö icuäji'ca̧ ja̧u̧ micuä i'cächö, Jesús hue'ähuotörö iyinödo.


Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.


Ja̧'hua̧nö̧ jȩpö̧ cu̧ja̧cuä̧tu̧cuo̧mȩnä̧, Diosrö esetocotö ttucuotäcuotö ucuturu. Ja̧'hua̧ta̧nö̧ ucuturutä recuä rö̧jö̧mä̧, mippoönä jä'epocotöjä korotörö.


O'ca toi'önä ttu̧ju̧nä̧ra̧ pä'ösä. Ja̧'hua̧nö̧ jȩpö̧ jitämä ucutumä rö̧ȩnä̧ ku̧nä̧rä̧tö̧jä̧. Ja̧'hua̧nö̧ ja̧'a̧ttö̧ jahuätörö cuiyätucu'a̧nö̧ ja̧'a̧. Ja̧'hua̧ta̧nö̧ koronö'inä ucutu juicuhuätucuomenä, jahuätö pärocua'acu ttiyö'a̧nö̧ ja̧'a̧ ucuturu. Ja̧'hua̧nö̧ jȩpö̧ yoräteunä ppä'ädätöjä korotö korotönörö.


Swiv nou:

Piblisite


Piblisite