Hechos 4:31 - TÄ̧DO Ä̧CUÄ̧ I̧HUȨNȨ

³¹ Diosrö ucuocu cättädomenä, ttö̧'ö̧jo̧mȩ ttö̧ȩpi̧na̧'a̧do. O'ca toi'önä Espíritu Santo ujuru rö̧ȩnä̧ ttu̧ju̧nä̧ra̧'a̧ttö̧, yettoca'a ji'ähuinätödo Dios i̧huȩnȩ.

Nuevo Testamento Uwotjüja

³¹ Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 4:31 Referans Kwoze

San Mateo 21:22

Ja̧'hua̧ta̧nö̧ o'ca juiyönä Diosrö jäcuhue'ätucumä, adiunä cuesetätucuttumä, cuȩmä̧cuo̧tö̧jä̧, —pä'inödo Jesús.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Hechos 2:2

Ja̧'hua̧ ja̧'a̧ mo̧ro̧jä̧ra̧'a̧ttö̧ rö̧ȩnä̧ kä̧ru̧'co̧hua̧'a̧ ucuocua'a jä̧'i̧nö̧'a̧nö̧ ä̧ju̧cui̧nä̧tö̧do. Ttö̧'ö̧jode o'ca juiyönä rämipönä ucuocuina'ado.

Hechos 4:29

Jitä Tu̧ru̧hua̧, ä̧ju̧cui̧ ro̧ttȩpö̧mä̧. Ppä'äditö ujutu ucu cumöhuäyotörö, yetoca'a jitähuäcua'a̧nö̧ cui̧huȩnȩ.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 14:12

Iso päi'önä pä'ösä ucuturu, ttörö esetömä, ttö jȩchö̧'a̧nö̧ jȩä̧cua̧. Ja̧'hua̧ta̧nö̧ ttö Chä'o ö̧ja̧'a̧ chi̧'cha̧'a̧ttö̧, ttö jȩchö̧ttö̧'i̧nä̧ abonänö adihuä juäi jȩä̧cua̧ ttörö esetömä.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

Filipenses 1:14

Ttörö, cärenä chö̧'a̧'a̧ topö, recuätö tö̧jä̧hua̧tö̧ Diosrö rö̧ä̧chi̧'ö̧nä̧ esetö, Jesucristorö tta̧'cua̧ huȩnä̧rö̧ yecuäcuähuä juiyönä ji'ähuätö Dios i̧huȩnȩ.

Hechos 2:1

Pentecostés mo̧ro̧ päi'omenä, o'ca toi'önä Jesucristorö esetätömä ji̧nä̧ yo̧mȩtȩ ca̧ca̧cui̧pi̧nä̧tö̧do.

Hechos 4:13

Ruhuotö to̧pä̧ri̧nä̧tö̧do Pedrocu, Juancu yettoca'a ttucuocua'a ä̧ju̧cu̧, ruhuotö pocotö ja̧'a̧. Cuyäru huo̧jui̧cuä̧'i̧nä̧ ttieruhua'anä, adiu ttucuocua'a ä̧ju̧cu̧, huo̧jui̧'i̧nä̧tö̧do Jesúscu cue'ächinätö pä'ö.

Hechos 14:3

Ja̧'hua̧nö̧ ja̧'a̧ttö̧ Pablocu, Bernabécu recuo ka̧cui̧nä̧tö̧do Iconio ötahuiyära̧'a̧. Tu̧ru̧hua̧rö̧ tta̧'cua̧ huȩnä̧rö̧ yettecuoca'a ji'ähuinätödo Tu̧ru̧hua̧ i̧huȩnȩ. Tu̧ru̧hua̧mä̧ ttö̧ja̧rö̧ adiu jȩpö̧ repe'ö pä'ö ji'ähuinätödo. Jittähuäji ta'anö iso päi'önä ja̧'a̧ Tu̧ru̧hua̧ jahuätörö hue'inödo ttö̧ja̧ ttieru juäi jȩtta̧ pä'ö.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.