Hechos 4:26 - TÄ̧DO Ä̧CUÄ̧ I̧HUȨNȨ

²⁶ Pi̧jä̧ ruhuotö cä'ädö ku̧ni̧nä̧tö̧. Ttö̧ja̧ tturuhuotö ca̧ca̧cui̧pi̧nä̧tö̧, Tu̧ru̧hua̧ Diosrö, Cristorö'inä suronä jȩtta̧ pä'ö.

Nuevo Testamento Uwotjüja

²⁶ Pi̧jä̧ttü̧ ruwotümä̧ ja̧'wa̧ta̧nü̧ ttippeyänä̧ we'ätü'i̧nä̧ Ttu̧ru̧wa̧rü̧, Crito-rü ka̧ka̧ku̧ suronä̧ jȩtta̧ pä'ü amükuädinä̧tü̧.

Hechos 4:26 Referans Kwoze

Hebreos 1:9

Adihuä juäi kö'quinöjä. Suronä jȩä̧cuä̧huä̧ kö'cocö pi̧nö̧jä̧. Ja̧'hua̧nö̧ ja̧'a̧ttö̧ Dios, Cuä̧do̧ ä̧cua̧ Dios, cuahuaruhuättö'inä abonänö eseäcuähuä iyinäcujä.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

Apocalipsis 17:17

Jahuätö ttami iso'quinä jȩi̧nä̧u̧ Dios, churutä pä̧huä̧ rö̧jo̧mȩnä̧ jȩtta̧ pä'ö ji̧nä̧ yo̧mȩtȩnä̧ amöcuädö, ruhuotö ttujuru ja̧u̧ pä̧i̧cua̧ i̧sa̧rö̧ ttiyomenä, Dios päinö ta'anö 'cuäopome jubö päi'önä.

Apocalipsis 12:10

Ja̧'hua̧ ja̧'a̧ttö̧ ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Ja̧u̧ huȩnȩ päina'a: —Ttö̧ja̧ suronä jȩttö̧ jȩpö̧ icuähuä'inä, Dios ujuru'inä, Tä̧do̧ ä̧cua̧ Dios hueähuä'inä, I̧tti̧ Cristo hueähuä'inä täcö ichäja'a. Ujutu tö̧jä̧hua̧tö̧rö̧ Tä̧do̧ ä̧cua̧ Dios ä'ca jo̧mȩttö̧ mo̧ro̧'i̧nä̧, yodo'inä suronä ucuocuinömä, täcö ya'opö tticuinäcu.

Apocalipsis 11:15

Ka̧ra̧ ángel, ko̧ro̧mö̧ttö̧nö̧ ta̧ju̧nu̧ päi'önä, öäre trompeta ppö'inö. Ppöomenä, recuätö tti̧huȩnȩ pä̧i̧cu̧nä̧ ttucuocua'a mo̧ro̧jä̧ra̧'a̧ttö̧ ttä̧ju̧cui̧na̧'a̧. Pa̧'a̧nö̧ ucuocuina'a: Jitämä pi̧jä̧nä̧ hueömä ujutu Tu̧ru̧hua̧ Cristo hueäcua'a̧nö̧. Ja̧u̧ 'cuäopönätä huȩä̧cua̧.