Hechos 3:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ ja̧'a̧ ucutu kä̧cuä̧huä̧ iyörö cuä'ö cuicuinätucua'anä, Dios ja̧u̧ru̧ tto'ädinö. Ujutu tto'ächinörö topinätöjä.

Nuevo Testamento Uwotjüja

¹⁵ Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 3:15 Referans Kwoze

Hechos 2:24

Ja̧'hua̧nö̧ ja̧'a̧ Dios ja̧u̧ru̧ tto'ädinö. Hua'arettö rä'epö icuinö, hua'are ja̧u̧ru̧ juruhuoca'attö.

Apocalipsis 21:6

Ja̧u̧nu̧ o'ca'a, ttörö pä'inö: —Täcö 'cuäopa'a. Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä, beipächomenä'inä ru̧hua̧sä̧. Ya̧tȩ a̧di̧ rö̧jö̧ttö̧mä̧, aje i̧sä̧rä̧, kä̧cuä̧huä̧ i'co i̧sä̧rä̧ttö̧, yoröiso micuä juiyönä ahua pä'ö iyösä.

Hechos 2:32

Ja̧u̧tä̧ Jesúsru tto'ädinö Diosmä. Tto'ächinörö topinätö'cotö ji'ähuätöjä ujutu o'ca toi'önä.

Hebreos 2:10

O'ca juiyönä ka̧cu̧mä̧, Diosrö pä̧huä̧ rö̧jo̧mȩnä̧tä̧ ka̧cu̧do. Ja̧'hua̧ta̧nö̧ Dios i̧tti̧mö̧'i̧nä̧ eseunu ttö̧ja̧cua̧ chutäcu pä'ödo Dios. Ja̧'hua̧nö̧ ja̧'a̧ttö̧ Jesucristo, Dios i̧tti̧mö̧ suronä jȩttö̧ jȩpö̧ icumä, adiunätä ö̧ja̧ pä'ö ubara ttuhua'attö, jȩpi̧nö̧do Dios.

1 Corintios 15:45

Ja̧'hua̧nö̧ ja̧'a̧ttö̧ Huȩyu̧cuä̧ Huȩnȩ päa'a: “Iso päi'önä äcuomenä ttö̧ja̧ i̧sa̧ pi̧jä̧ttö̧ a̧di̧cua̧ pi̧nö̧do Adánmä.” Ja̧'hua̧ta̧nö̧ rö̧ji̧nä̧ ichinömä Adánmä, tta̧'cua̧rö̧ iyähuä i̧sa̧ pi̧nö̧do.

San Juan 5:26

Chutä Jä'o tta̧'cua̧rö̧ iyähuänä ju̧ru̧hua̧. Ja̧'hua̧ta̧nö̧ ja̧u̧ ujuru iyinö I̧tti̧rö̧, ja̧u̧'i̧nä̧ tta̧'cua̧rö̧ iya pä'ö.

San Juan 1:4

Ja̧u̧mä̧ kä̧cuä̧huä̧ i'co ja̧'a̧do. Ja̧u̧ kä̧cuä̧huä̧ i'comä pi̧jä̧ ttö̧ja̧rö̧ tȩa̧u̧ iyinödo.

Apocalipsis 22:17

Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

San Juan 17:2

Ucumä Cui̧tti̧rö̧ hue'inöjä pi̧jä̧ ttö̧ja̧ttö̧'i̧nä̧ abonänö ujuruhua pä'ö, kä̧cuä̧huä̧ i'co iyäcua'a̧nö̧ ja̧u̧ru̧ cuiyinä̧u̧ru̧.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 4:14

Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

San Juan 4:10

Ja̧'hua̧ ja̧'a̧ Jesús pä'inödo jahuäjuru: —Iso päi'önä Dios iyö'inä, ucuru ajiya jä'epörö'inä cu̧huo̧ju̧ttu̧mä̧, ttörötä jä'epajajujä. Ja̧'hua̧nö̧ jäcuhue'öttömä ucurutä kä̧cuä̧huä̧ ajiya iyajisä.

Apocalipsis 22:1

Ja̧u̧nu̧ o'ca'a, ja̧u̧ ángel aje adihuoto, kä̧cuä̧huä̧ i'co aje i̧jȩpi̧nö̧ ttörö. Koro juäi cristal ta'anö säruhuina'a. Dios'inä, Cordero'inä tti̧dȩä̧cä̧ttö̧ räopina'a.

San Juan 10:28

Jahuätörö kä̧cuä̧huä̧ i'co iyösä. Yoröiso 'corupä'i'ocotö ttäcuotö. Ja̧'hua̧ta̧nö̧ chu̧mö̧ttö̧, ka̧ra̧ yoröiso 'cho'ipocö jahuätörö.

Hechos 5:31

Ja̧u̧ru̧ tto'ädö, Dios u̧huo̧jua̧'a̧nä̧ hueinäcu ru̧hua̧ ö̧ja̧ pä'ö, suronä jȩttö̧ jȩpö̧ icu ö̧ja̧ pä'ö, Israel ttö̧ja̧ pärocuäcutä ttamöcuädomenä, suronä jȩtti̧nö̧ jȩpö̧ icua pä'ö.

San Lucas 24:48

Ucutumä pi̧yȩ juäi topö jicuhuähuäcuotöjä.

Hechos 4:2

Jahuätö ra̧huä̧ri̧nä̧tö̧do Pedrocu, Juancu, ttö̧ja̧rö̧ huo̧juȩtö̧ jittähuomenä. —Jesús 'corupä'i'inö'ca̧ tto'ächinö. Ja̧'hua̧nö̧ ja̧'a̧ttö̧ huo̧juä̧tö̧jä̧ 'corupä'i'ätömä ttottächäcuotö pä'ö, —huo̧juȩtö̧ ji'ähuinätödo.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.