Hechos 28:15 - TÄ̧DO Ä̧CUÄ̧ I̧HUȨNȨ

¹⁵ Tö̧jä̧hua̧tö̧ Roma ötahuiyänä ka̧cuä̧tö̧mä̧ ujutu ticha'a jittähua'a ä̧ju̧cui̧nä̧tö̧. Ja̧'hua̧nö̧ ja̧'a̧ ujuturu topö ichinätö. Korotö Apio Cuäcuähuä Iyähuome pättome jubötä ichinätö. Korotö Cue'ächäcuähuotö 'Cuä'opö Ttä'ä'ijö Ode Huäbodecuä Ode pättome jubötä ichinätö. Jahuätörö topö, Pablo Diosrö ucuocuinö a̧'cua̧ eseunu kä̧nö̧.

Nuevo Testamento Uwotjüja

¹⁵ Roma ütawiyä isotü tawaruwä tü̧jä̧wa̧tü̧mä̧ ticha'a ukuowa'a ttäju̧kuä̧ja̧'a̧ttü̧ topü tti̧chi̧nä̧u̧jä̧ Foro de Apio pättomȩbü ja̧'wa̧ta̧nü̧ Tres Tabernas mi̧kuomȩbü. Juätürü topü, Pauru-mä̧ Dio-rü eseunu̧ a̧'kua̧ adiwächi'inä̧ku̧.

Hechos 28:15 Referans Kwoze

Hebreos 13:3

Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.

Romanos 15:24

Jitä dodächa pä'ösä España rȩjȩra̧'a̧ 'cuä'opö kä̧nö̧. Ucuturu eseunu tochö o'ca'a, ucutu ppäcuhuädätucu'a̧nö̧ ja̧'a̧ yo chi̧'chö̧mä̧.

Gálatas 4:14

Ja̧u̧ märichei ttörömä ka̧cuä̧mö̧ tocharö pä'ö jȩtta̧'a̧ jä̧'i̧nö̧'a̧nö̧tä̧ ji̧nä̧cu̧sä̧. Ja̧'hua̧nö̧ ja̧'a̧nä̧ ja̧'hua̧nö̧ na̧dä̧cho̧mȩnä̧, ya̧'ä̧u̧ ya'opö cuicuätucuococu pi̧nö̧sä̧. Ja̧'hua̧nö̧ jȩttä̧'i̧nö̧ juäimä Dios huȩ'ä̧hua̧ ángel a̧'cua̧rö̧nä̧ cuesehuinätucuäcusä. Chutä Jesucristorö cuesehuätucuaji'a̧nö̧ esehuinätöjä ttörö.

Hechos 21:5

Ko̧ro̧mö̧ttö̧nö̧ todäre mo̧ro̧ o'ca'a rä'opinätöjä. O'ca toi'önä Jesucristorö esetätömä tti̧rȩcua̧mö̧cu̧, tti̧tti̧mö̧cu̧, ujutucu 'chi̧nä̧tö̧ ötahuiyä yabocu. Juhuorö jäyotottö tihue'quiyunä kä̧mä̧dö̧, Diosrö ucuocuinätöjä.

Hechos 10:25

Pedro Cornelio ojusodenä doächi'omenä, Cornelio ja̧u̧ru̧ te'ähuinödo ihue'quiyunä kä̧mä̧dö̧ ja̧rȩyu̧nu̧ pä'i'ö.

San Juan 12:13

Ja̧'hua̧nö̧ ja̧'a̧ ojiyä 'cuittopäji o'ca'a, ötahuiyättö rä'opö, Jesúsru topö 'chi̧nä̧tö̧do. Huopinätodo: —¡Diosrö eseäcuähuätucui! Tu̧ru̧hua̧ i̧mi̧nä̧ ichömä adiunä ö̧jä̧cua̧. Israel ttö̧ja̧ Ttu̧ru̧hua̧ adiu ö̧jä̧cua̧.

1 Tesalonicenses 3:7

Ja̧'hua̧nö̧ ja̧'a̧ttö̧ tö̧jä̧hua̧tö̧, ujuturu rö̧ȩnä̧ suronä 'cuäopa'anä, Diosrö adiu cuesetätucua'a ä̧ju̧cu̧, rö̧ȩnä̧ esehuätöjä.

2 Corintios 2:14

Diosrö tesehuäcuähuätucuaja. Ja̧u̧tä̧ Cristo Jesúsru teseta'attö, ȩpö̧ ujuturu o'ca juiyönä tujuruhua pä'ö. Ja̧'hua̧ta̧nö̧ koro juäi adiu ameu 'cö̧tta̧'a̧ jä̧'i̧nö̧'a̧nö̧, ä̧ju̧cuä̧tö̧ chutä i̧huȩnȩ, pa̧ja̧cu̧nä̧ jitähuomenä.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

Hechos 10:23

Ja̧'hua̧nö̧ ja̧'a̧ Pedro jahuätörö o'ipinödo dottächa pä'ö ojusodenä ttä'ecua pä'ö. Ttä'äji mo̧ro̧ juomenä, Pedro jahuätöcu 'chi̧nö̧do. Jesucristorö esetätömä Jope ötahuiyänä ka̧cuä̧tö̧ttö̧ korotö'inä Pedrocu 'chi̧nä̧tö̧do.

Hechos 11:1

Jesús hue'ähuotö'inä, ja̧'hua̧ta̧nö̧ korotö Jesucristorö esetätö'inä Judea rȩjȩnä̧ ka̧cuä̧tö̧mä̧ ä̧ju̧cui̧nä̧tö̧do, judíos huocotö'inä Dios i̧huȩnȩ esetinätö pä'ö jittähua'a.

Hechos 11:12

Espíritu Santo hue'inö jahuätöcu chi̧'cha̧ pä'ö chöarodoca'a. Pitö ko̧ro̧mö̧ttö̧nö̧ ya̧tȩnö̧ tö̧jä̧hua̧tö̧ ttöcu 'chi̧nä̧tö̧. Juhua'attö Cornelio ojusodenä do'ächinätöjä.

Hechos 12:17

Pedro u̧mö̧ cä'epinödo ttö'coruchi'a pä'ö. Jahuätörö ji'ähuinödo: —Tu̧ru̧hua̧ ttörö cärenä chö̧'a̧'a̧ttö̧ rä'epö icuäjäcusä. Pi̧yȩ huȩnȩ ji'ähuätucui Jacoborö, korotö tö̧jä̧hua̧tö̧rö̧'i̧nä̧. Ja̧'hua̧nö̧ pä'ipö, kara'acu rä'opächö 'chi̧nö̧do.

Hechos 28:14

Korotö tö̧jä̧hua̧tö̧ ju̧huȩnȩ ka̧cuä̧tö̧mä̧ ujuturu o'ipinätö jahuätörö dotächa pä'ö. Ko̧ro̧mö̧ttö̧nö̧ todäre mo̧ro̧ ka̧cui̧nä̧tö̧jä̧. Juhuorö 'chi̧nä̧tö̧jä̧ Roma ötahuiyära̧'a̧.