Hechos 27:42 - TÄ̧DO Ä̧CUÄ̧ I̧HUȨNȨ

⁴² Ja̧'hua̧nö̧ päi'omenä, su̧ro̧da̧u̧ cuä'ö tticua pä'inätö cärenä pȩjä̧tö̧rö̧, ajenä cuo'ö döttecuächö juiya pä'ö.

Nuevo Testamento Uwotjüja

⁴² Ja̧'wa̧nü̧ päi'i̧yä̧u̧ su̧ro̧do̧u̧mä̧, kärenä̧ pȩjä̧tü̧ ttȩpä̧u̧ru̧ kuä'äu ttikua pä'ü amükuädinä̧tü̧, kuo'ü düttekuächü juiyünä̧.

Hechos 27:42 Referans Kwoze

Hechos 12:19

Herodes Pedrorö ttusa pä'ö hueäjä̧u̧ ttusomenä, po̧cui̧po̧co̧tö̧ pi̧nä̧tö̧do. Ja̧'hua̧ ja̧'a̧ Herodes su̧ro̧da̧u̧ Pedrorö tta̧'ä̧rä̧jä̧tö̧rö̧ jä'epö ä̧ju̧cuä̧ji̧'ca̧, hue'inödo jahuätörö cuä'ö tticua pä'ö. Herodes ja̧'hua̧nö̧ jȩpä̧ji̧'ca̧, Judea rȩjȩttö̧ rä'opächö Cesarea ötahuiyära̧'a̧ i̧hui̧nö̧do juhua'atä ö̧ja̧ pä'ö.

Hechos 27:24

Ja̧u̧ ángel ttörö pä'äji: “Yecuhuecuä' Pablo. Ucu romanos ttö̧ja̧ ttu̧ru̧hua̧ ä'ca jo̧mȩ cu̧jä̧cua̧jä̧. Dios ucuru amöcuädö, jȩä̧cua̧ o'ca toi'önä ucucu huoi'canä pȩjä̧tö̧'i̧nä̧ ttö̧ji̧pa̧ pä'ö.”

Hechos 27:41

Ja̧'hua̧nö̧ ja̧'a̧ aje ca̧ca̧cuo̧mȩ kä'conä kä̧ru̧'coppa huoi'ca ȩmi̧pa̧'a̧ttö̧ dö'inätöjä rȩba̧nä̧. Ja̧'hua̧nö̧ dötomenä päjure'ca huä̧mä̧di̧na̧'a̧ rȩba̧nä̧, yoröiso pporächi'ö juiyönä. Aje ppahuomenä huoi'ca ubö'ca ja̧'a̧nä̧ dörächipina'a.

2 Corintios 11:26

Rö̧ȩnä̧ cue'ächinösä. Ja̧'hua̧ta̧nö̧ aje ra̧huȩpi̧jotonä cue'ächinösä. Na̧u̧cuä̧rä̧tö̧ ttö̧'quȩtȩnä̧'i̧nä̧, judíos ttö̧ja̧ ttö̧'quȩtȩnä̧'i̧nä̧, korotö ttö̧ja̧ ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä. Ja̧'hua̧ta̧nö̧ ötahuiyänä'inä, de'anä'inä, aje rö̧otonä'inä ra̧huȩpi̧jö̧nä̧ cue'ächinösä. Korotö tö̧jä̧hua̧tö̧ pättä̧u̧, yapareu ucuocuätö ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä.