Hechos 27:24 - TÄ̧DO Ä̧CUÄ̧ I̧HUȨNȨ

²⁴ Ja̧u̧ ángel ttörö pä'äji: “Yecuhuecuä' Pablo. Ucu romanos ttö̧ja̧ ttu̧ru̧hua̧ ä'ca jo̧mȩ cu̧jä̧cua̧jä̧. Dios ucuru amöcuädö, jȩä̧cua̧ o'ca toi'önä ucucu huoi'canä pȩjä̧tö̧'i̧nä̧ ttö̧ji̧pa̧ pä'ö.”

Nuevo Testamento Uwotjüja

²⁴ Jua̧u̧mä̧ pä'äji: Pauru, yekuekuä; ukumä̧ Roma ütawiyä ru̧wa̧ emperador ä'ka kui̧'cha̧ pä'ü rekuä rü̧ja̧'a̧. Ja̧'wa̧ta̧nü̧ ukuku 'chä̧tü̧rü̧mä̧ o'katoi'ünä̧ totte'ächü juiyünä̧tä̧ jȩpä̧ji̧ Dio-mä̧.

Hechos 27:24 Referans Kwoze

Hechos 23:11

Ja̧u̧tä̧ yodo Tu̧ru̧hua̧mä̧ Pablorö i̧jȩcui̧nö̧do. Ja̧u̧ru̧ pä'inödo: —Cua̧'cua̧ eseunu kä̧hui̧, Pablo. Porö Jerusalén ötahuiyättö ttö chi̧huȩnȩ jicuhuähuäji'a̧nö̧ Roma ötahuiyättö'inä ji̧cu̧huä̧huä̧cua̧jä̧.

San Mateo 10:28

Cuidepämä cuä'ö icuätörö yecuhuecuätucuä'. Jahuätö cua̧'cua̧ru̧hua̧rö̧ be'epö icuocotö. Pärocua'acu, chu ä̧cua̧rö̧tä̧ cuidepä'inä, cua̧'cua̧ru̧hua̧rö̧'i̧nä̧ ocuränä beipocaränä be'epö icurutä ye'ecuätucui.

Santiago 5:16

Ja̧'hua̧nö̧ ja̧'a̧ttö̧ korotörö ji'ähuätucui suronä jȩcu̧'i̧nä̧tu̧cu̧. Ja̧'hua̧ta̧nö̧ Diosrö korotörö ppä'ädö ucuocuätucui, surojö aditö icuatö pä'ö Dios. Adiu esetömä Diosrö ucuocuomenä, i̧huȩnȩ iso päi'önä micuähua'a.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Apocalipsis 1:17

Ja̧'hua̧nö̧ hua̧rö̧ tochomenä, ya̧tȩ 'corupä'i'ö ma̧ö̧'a̧nö̧, ma̧'i̧nö̧sä̧ ö̧jä̧pö̧ kada'ca. Ja̧'hua̧nö̧ ja̧'a̧nä̧ u̧mö̧ u̧huo̧jua̧'a̧nä̧ ttörö mȩ'ö̧ päinäcusä: —Yecuhuecuä'. Ttömä ä'canä'inä, röjinä'inä ru̧hua̧sä̧.

Hechos 27:37

O'ca toi'önä huoi'canä pȩjä̧tö̧mä̧ doscientos setenta y seis jo̧mȩnä̧ ttö̧ja̧ ji̧na̧'a̧.

Hechos 27:44

O'ca'anä korotö huoi'ca isodänä, dau isodänä 'chu̧'ä̧rö̧ cuo'ätucui, —pä'inödo su̧ro̧da̧u̧ ttu̧ru̧hua̧. Ja̧'hua̧nö̧ jȩpö̧ o'ca toi'önä adiu 'chä̧hui̧'i̧nä̧tö̧jä̧ rȩba̧ra̧'a̧.

Hechos 25:11

Ttö suronä jȩchi̧nö̧ttö̧mä̧, cuä'ö tticuattö pä'ömä, huäinä cuä'ö tti̧cuä̧cua̧sä̧. Ja̧'hua̧nö̧ ja̧'a̧nä̧'i̧nä̧ amönä huȩnȩtö̧ ttucuocuttumä, ya̧tȩ'i̧nä̧ ttörö iyö juiyö'a̧nö̧ ja̧'a̧ jahuätörö. Romanos ttö̧ja̧ ttu̧ru̧hua̧tä̧ ttörö ä̧ju̧cua̧ pä'ö jä'epösä, —ädätinödo Pablo.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

San Juan 11:9

Jesús päinä̧u̧do: —¿Ya'ute mo̧ro̧ ttö̧jä̧pö̧ttö̧nö̧ todäre horas ka̧'a̧ tä̧ji̧? Ya̧tȩ mo̧ro̧ cue'ächömä, koro juäinä dö'ö ma̧'o̧cö̧, pi̧jä̧ tȩa̧u̧nä̧ topö cueächa'attö.

San Mateo 10:18

Ttörö cuesetätucua'attö, ji̧nä̧ isocu ruhuotö ttä'ca jo̧mȩ ttȩpä̧cuo̧tö̧ ucuturu. Ja̧'hua̧nö̧ jȩtto̧mȩnä̧, ttä'ca jo̧mȩttö̧ ttö chi̧huȩnȩ cucuocuäcuotöjä. Korotö judíos huocotörö'inä ttö chi̧huȩnȩ cucuocuäcuotöjä.

Hechos 27:31

Ja̧'hua̧nö̧ ja̧'a̧nä̧ Pablo ji'ähuinö su̧ro̧da̧u̧ ttu̧ru̧hua̧rö̧, su̧ro̧da̧u̧ru̧'i̧nä̧. Pä'inö: —Jahuätö huoi'ca jacuä ttö̧'ö̧ juiyöttömä, ucutu o'ca toi'önä 'corujuocuhuächäcuotöjä, —pä'inödo Pablomä.

Hechos 27:42

Ja̧'hua̧nö̧ päi'omenä, su̧ro̧da̧u̧ cuä'ö tticua pä'inätö cärenä pȩjä̧tö̧rö̧, ajenä cuo'ö döttecuächö juiya pä'ö.

Filemón 1:22

Jitämä koro'inä huȩyu̧tu̧sä̧ ucuru. Aditö ku̧ni̧ chodu. Ucutu Diosrö cucuocuätucua'attö, churutä pä̧huä̧ rö̧jo̧mȩnä̧ cu̧ja̧cuä̧tu̧cua̧'a̧ chicha pä'ö tta̧'ä̧rö̧sä̧.