Hechos 27:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ kä̧ru̧'coppa kä̧hua̧ ö'ohuenä ja̧'a̧nä̧ a̧'cuo̧po̧nä̧ kä̧ru̧'co̧huo̧mȩnä̧, juhua'a yabo tti̧'cha̧ pä'ö amöcuädinätö. Huoi'ca huämicuome adihuome pättomettö rä'opö, Creta kä'co i̧sä̧sa̧ tö'cönänö 'chi̧nä̧tö̧jä̧.

Nuevo Testamento Uwotjüja

¹³ Kkä̧rü̧'koppamä̧ kkä̧wa̧ ü'oweja'a̧ku̧nä̧ttü̧ a̧'u̧ku̧nä̧tä̧ kkä̧rü̧'ko̧wi̧yä̧u̧, woi'ka u̧ru̧wa̧mä̧ ti̧'cha̧ pä'ü adiwa'akü̧ pä'ü amükuädinä̧tü̧. Ja̧'wa̧nü̧ pä'ü tta̧mü̧kuäda'attü̧ Creta jäyänä̧ 'chi̧nä̧tü̧jä̧.

Hechos 27:13 Referans Kwoze

San Lucas 12:55

Ja̧'hua̧ta̧nö̧ kä̧ru̧'coppa kä̧hua̧ ieruhua'acuttu kä̧ru̧'co̧huo̧mȩnä̧, “Du'huäcua'a” pä'ätöjä. Ja̧'hua̧nö̧ ja̧'a̧ du'hua'a.

Hechos 27:8

Kä̧ru̧'coppa döa'acu rö̧ȩnä̧ juȩ'ȩpä̧rö̧ ttadita'attö, huoi'ca huämicuome adihuome pättome Lasea ötahuiyä tö'cö rȩbȩhui̧nä̧tö̧jä̧.

Hechos 27:12

Huoi'ca huämicuome adihuome pättome a̧'ȩ 'cuäopa'anä tta̧huä̧rä̧cuä̧huo̧mȩ adihuoca'a ji̧na̧'a̧. Ja̧'hua̧nö̧ ja̧'a̧ recuätö rättopa pä'inätö Fenice ötahuiyära̧'a̧ tti̧'cha̧ pä'ö, juhuorö a̧'ȩ 'cuäopa'anä tta̧ttä̧ra̧ pä'ö. Fenice ötahuiyä huoi'ca huämicuomemä Creta kä'co i̧sä̧sa̧nä̧ ji̧na̧'a̧. Ju̧huȩnȩtä̧ kä̧nö̧ kä̧hua̧ räopa'acunä uhuäunä ji̧na̧'a̧.

Hechos 27:21

Recuo tu̧cuȩ tucuoca'a tö̧ja̧cuo̧mȩnä̧, Pablo ttö̧ja̧ ttä'ca jo̧mȩ kä̧mä̧dö̧ pä'inö: —Chahuaruhuä, ttö pädinö esetö cuä̧ju̧cui̧nä̧tu̧cu̧ttu̧mä̧, Creta kä'co i̧sä̧sa̧ttö̧ rätopoca'a ji̧nö̧ttö̧mä̧, adihuaja'a. Juhuorö rätopäja'attö cui'cächinätucu huoi'ca jähuä'inä toei'a'a.

Tito 1:5

Ttö huedipinäcujä Creta kä'co i̧sä̧sa̧nä̧, juhua'a yabonö cu̧huo̧juȩta̧ pä'ö. Ttö huedinäcujä ancianos huotörö cu̧ju̧na̧ pä'ö, koro ötahuiyänä koro ötahuiyänä'inä.

Tito 1:12

Jahuätöttö ya̧tȩ Dios i̧huȩnȩ jiäcuähuä i̧sa̧ pättinäcumä, jahuätörötä pä'inödo: “Creta kä'co i̧sä̧sa̧ ttö̧ja̧ yaparehuätö. Ja̧'hua̧ta̧nö̧ suropätö. Ja̧'hua̧ta̧nö̧ jahuätö ttu̧cuȩ cuä̧nö̧tä̧ ka̧cuä̧tö̧, yoröiso ttaditoca'a,” pä'inödo.