Hechos 26:20 - TÄ̧DO Ä̧CUÄ̧ I̧HUȨNȨ

²⁰ Äcuomenä Damasco ötahuiyänä ka̧cuä̧tö̧rö̧ ji'ähuinösä. Ja̧u̧nu̧ o'ca'a Jerusalén ötahuiyänä o'ca juiyönä Judea rȩjȩnä̧'i̧nä̧ ka̧cuä̧tö̧rö̧, judíos huocotörö'inä ji'ähuinösä: “Pärocuäcutä amöcuädö, Diosrö cuesetätucu'a̧nö̧ ja̧'a̧. Cuesetätucua'attö, adiu jȩcu̧'ä̧tu̧cu̧'a̧nö̧ ja̧'a̧, korotö cu'ärohuächätucua'a tottäcua'a̧nö̧”, pä'inösä.

Nuevo Testamento Uwotjüja

²⁰ ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

Hechos 26:20 Referans Kwoze

Hechos 3:19

Ja̧'hua̧ ja̧'a̧ pärocuäcutä amöcuädätucui. Diosrö ppa̧'ä̧chä̧tu̧cui̧, suronä jȩcu̧'i̧nä̧tu̧cu̧ si'epö icua pä'ö, cua̧'cua̧ eseunu kä̧cuä̧huä̧ iyätucuacu pä'ö, Jesucristorö ä'canä ucuturu pätetö hue'inörö huea pä'ö.

San Mateo 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧.

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Apocalipsis 2:5

Ja̧'hua̧nö̧ ja̧'a̧ttö̧ ja̧u̧nu̧ repecuhuinömä amöcuädö, pärocuäcutä amöcuädi. Pä'äji äcuomenä esetö jȩcu̧'i̧nö̧ ta'anö, pä'äji ta'anö jȩpi̧. Ja̧'hua̧nö̧ jȩcu̧'u̧ juiyöttömä, yodojinänö ucuru ichö, lámparas ku̧nä̧huäcä 'cho̧di̧pä̧cua̧sä̧. Pärocuäcutä cuamöcuädöttömä, 'cho'ipö ichocösä.

San Mateo 9:13

Huȩyu̧cuä̧ Huȩnȩ päö ta'anö huo̧jui̧pö̧ tätucui. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, pärocuäcutä ttamöcuäda pä'ö, —pä'inödo Jesús.

Apocalipsis 3:3

Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.

Efesios 4:17

Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

2 Corintios 7:10

Iso päi'önä koronö päi'omenä, tta̧'cua̧ tta̧'ȩcu̧ kä̧nö̧, Diosrö pä̧huä̧ rö̧jo̧mȩnä̧ ttami 'quittächi'öttömä, ja̧u̧mä̧ pärocuäcutä ttamöcuäda pä'ö ppäda'ado Dios suronä jȩttö̧ jȩpö̧ icua pä'ö. Ja̧'hua̧nö̧ tta̧'cua̧ tta̧ttȩcuo̧mȩnä̧, suronämä ttamöcuädö juiyäcua'a̧nö̧. Ja̧'hua̧nö̧ ja̧'a̧nä̧ pi̧jä̧ttö̧ tta̧'cua̧ tta̧ttȩcu̧mä̧, 'corupäi'äcuähuätä ppäda'ado.

1 Tesalonicenses 1:9

Pärocua'acu jitötä ji'ähuätö ucutucu tö̧ja̧cui̧nö̧mä̧. Ja̧'hua̧ta̧nö̧ ujuturu ppäcuhuädätucumä ji'ähuätö. Ttö̧ja̧ i̧sa̧ a̧'u̧cuä̧ ttu̧mö̧nä̧ adicuä juäi esetäcuähuä jaropi'ö, Dios kö̧rö̧, yoröiso yaparehuocörö, cuesetätucua'a ji'ähuätö.

2 Corintios 3:16

Ja̧'hua̧nö̧ ja̧'a̧nä̧ ya̧tȩ Tu̧ru̧hua̧rö̧ esetomenä, ja̧u̧ i̧sä̧ta̧ yoröiso jȩpö̧ icudo Tu̧ru̧hua̧mä̧.

Romanos 2:4

Dios ucuru ppädömä, ¿ji̧'qui̧cha̧nö̧'i̧nä̧ kö'cocöjä tä̧ji̧? Ja̧'hua̧ta̧nö̧ Dios ucuru ami 'qui'ächi'ö tta̧huä̧rö̧mä̧, ¿amöcuädocöjä tä̧ji̧? Dios ucuru repe'ö ja̧'hua̧nö̧ jȩpö̧ ucuru pärocuäcu cuamöcuäda pä'ö.

Hechos 26:17

Judíos ttö̧ja̧'i̧nä̧, judíos huocotö'inä ucuru suronä jȩtto̧mȩnä̧ ppä̧dä̧dä̧cua̧jä̧. Jitämä jahuätö judíos huocotörö ji'äu cui̧'cha̧ pä'ö huedäcujä.

Hechos 20:21

Judíos ttö̧ja̧rö̧'i̧nä̧, judíos huocotörö'inä ji'ähuinösä pärocuäcutä amöcuädö Diosrö, Tu̧ru̧hua̧ Jesucristorö cuesetätucua pä'ö.

Hechos 17:30

Pä'äjimä ttö̧ja̧ jerupö jȩtti̧nö̧mä̧, Dios ja̧'a̧tä̧ ami 'qui'ächi'ö topinö. Jitämä o'ca toi'önärö pi̧jä̧ o'ca juiyönä ka̧cuä̧tö̧rö̧ Dios hue'ö suronä jȩttö̧mä̧ jaropi'ö pärocuäcutä ttamöcuäda pä'ö.

Hechos 15:19

Juhua'a yabonö pä'inödo Jacobo: —Ja̧'hua̧ ja̧'a̧ judíos huocotö täbocö ttesetinö jaropi'ö, Diosrö esetätörö koro juäi jȩtta̧ pä'ö huetö juiyö'a̧nö̧ ja̧'a̧, pä'ösä ttömä, —pä'inödo Jacobo.

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 9:35

Eneasrö topö, o'ca toi'önä Lida ötahuiyänä ka̧cuä̧tö̧'i̧nä̧, Sarón ötahuiyänä ka̧cuä̧tö̧'i̧nä̧ täbocö ttesetinö jaropi'ö, Tu̧ru̧hua̧rö̧ esetinätödo.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

San Lucas 15:10

Ttö pä'ösä ucuturu, ja̧'hua̧ta̧nö̧ Dios isotö ángelesmä esehuätö, ya̧tȩ suronä jȩpö̧mä̧ pärocuäcutä amöcuädomenä, —pä'inödo Jesús.

San Lucas 15:7

Ttö pä'ösä ucuturu, ya̧tȩ suronä jȩpö̧mä̧ pärocuäcutä amöcuädomenä, korotö noventa y nueve jo̧mȩnä̧ ttö̧ja̧ adiu jȩpä̧tö̧ pärocuäcutä ttamöcuädoca'attö'inä abonänö eseäcuähuä ka̧'a̧ mo̧ro̧jä̧ra̧'a̧ttö̧.

San Lucas 13:5

Ttö pädömä juhua'acumä jo̧ca̧'a̧ ji̧na̧'a̧. Ja̧'hua̧ta̧nö̧ ucutu pärocuäcutä cuamöcuädätucu juiyöttömä, ucutu o'ca toi'önä ja̧'hua̧ta̧nö̧ tocuhue'äcuotöjä.

San Lucas 13:3

Ttö pädömä juhua'acumä jo̧ca̧'a̧ ji̧na̧'a̧. Ja̧'hua̧ta̧nö̧ ucutu pärocuäcutä cuamöcuädätucu juiyöttömä, ucutu o'ca toi'önä ja̧'hua̧ta̧nö̧ tocuhue'äcuotöjä.

San Lucas 1:16

Ji̧ä̧huä̧cua̧ Israel ttö̧ja̧ recuätö Ttu̧ru̧hua̧ Diosrö ppa̧ttä̧chi̧ya̧rö̧ pä'ö.

San Marcos 6:12

Ja̧'hua̧ ja̧'a̧ttö̧ jahuätö rä'opächö 'chi̧nä̧tö̧do. Ttö̧ja̧mä̧ pärocuäcutä ttamöcuädö'a̧nö̧ ja̧'a̧ pä'ö ji'äu cue'ächinätödo.

San Mateo 4:17

Juhuorö kä̧nö̧ Jesús kä̧mä̧dö̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'ö ji'ähuinödo.

San Mateo 3:2

Ja̧u̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'inödo.

Apocalipsis 16:11

Ja̧'hua̧nö̧ ja̧'a̧nä̧ ja̧'hua̧nö̧ 'cuäopa'anä'inä, yoröiso pärocuäcutä amöcuädocotö pi̧nä̧tö̧, suronä jȩtta̧'a̧ jarotti'a pä'ö. Rö̧ȩnä̧ ubara ttutta'attö'inä, ttöttahuiyä na̧ttä̧cha̧'a̧ttö̧'i̧nä̧ Diosrö, mo̧ro̧jä̧nä̧ kö̧rö̧, suronätä ucuocuinätö.

Apocalipsis 2:21

Täcö recuo tta̧'ä̧ri̧nö̧sä̧ pärocuäcutä kamöcuäda pä'ö. Ja̧'hua̧nö̧ ja̧'a̧nä̧ pä'ocoju. Suronä kö̧jö̧mä̧ yoröiso jaropi'ocoju.

Hechos 26:19

“Ja̧'hua̧nö̧ ja̧'a̧ttö̧ ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, mo̧ro̧jä̧ttö̧ ucuocuina'a jarode'ocö pi̧nö̧sä̧, ru̧hua̧ Agripa.