Hechos 25:6 - TÄ̧DO Ä̧CUÄ̧ I̧HUȨNȨ

⁶ Jerusalén ötahuiyänä Festo ko̧ro̧mö̧ttö̧nö̧ huäbodäcuä mo̧ro̧, to̧mö̧rȩ mo̧ro̧ ki̧nö̧cö̧. Ö̧jä̧ji̧ o'ca'a, Cesarea ötahuiyära̧'a̧ pä'äji ta'anö ppa̧'ä̧chi̧nö̧do. Ppa̧huä̧chä̧ji̧ koro mo̧ro̧ ru̧hua̧ i̧dȩä̧cä̧nä̧ pä̧mä̧dö̧ hue'inödo Pablorö tti'cächa pä'ö.

Nuevo Testamento Uwotjüja

⁶ Feto-mä̧, Jerusarȩ́ ütawiyänä̧, kko̧ro̧mü̧ttü̧nü̧ wäbodäkuä mo̧ro̧ päi'ünä̧ mo̧ro̧ kkä̧ji̧'ka̧, kkoro mo̧ro̧mä̧ Cesarea ütawiyänä̧ uruwo deäkänä̧ pä̧mä̧dü̧, Pauru-rü tti'chächiyarü pä'ü we'inü̧.

Hechos 25:6 Referans Kwoze

Hechos 25:17

Ja̧'hua̧nö̧ ja̧'a̧ttö̧ jahuätö pocu ttichomenä, recuo tta̧dä̧rö̧ juiyönä ttichäji koro mo̧ro̧ ru̧hua̧ i̧dȩä̧cä̧nä̧ pä̧mä̧dö̧, cärenä päcuähuodenä pö̧rö̧ tti'cächa pä'ö hue'inösä.

Hechos 25:10

Ja̧'hua̧nö̧ jäepomenä, Pablo ädätinödo: —Ttömä romanos ttö̧ja̧ ttu̧ru̧hua̧ huȩ'ä̧hua̧ ä'ca jo̧mȩ kö̧sä̧. Porötä'inä ttä̧ju̧cua̧ pä'ösä ttörömä. Judíos ttö̧ja̧rö̧ yoröiso suronä jȩcho̧ca̧'a̧ ji̧na̧'a̧, ucu adiu huo̧jua̧jä̧.

San Mateo 27:19

Ja̧'hua̧ta̧nö̧ ru̧hua̧ Pilato, ru̧hua̧ i̧dȩä̧cä̧nä̧ ö̧'a̧'a̧, irecua jittähuarö pä'ö hue'inäjudo. Jahuäju pä'inäjudo: “Ja̧u̧ uborö, adihuä i̧sa̧rö̧ jȩcu̧'ä̧'. Mo̧ro̧ji̧ yodo suronä 'cuo̧ti̧cuä̧jä̧ju̧sä̧, ja̧u̧ru̧ amöcuädö”, pä'inäjudo.

Santiago 2:6

Ja̧'hua̧nö̧ ja̧'a̧nä̧'i̧nä̧ ucutu suronä amöcuädö pä'ätöjä usurä isotörö ttödäpecuächi'önä. Jahuätömä, järe ruhuotömä, ucuturu suronä jȩpä̧'i̧jä̧tö̧. Ja̧'hua̧ta̧nö̧ jahuätömä, järe ruhuotömä, ¿ucuturu ru̧hua̧ ä'ca jo̧mȩ ȩpo̧co̧tö̧ tä̧ji̧?

2 Corintios 5:10

O'ca toi'önä pi̧jä̧nä̧ ka̧cuä̧tö̧, Cristo ö̧'o̧mȩ ä'ca jo̧mȩ tö̧jä̧mä̧dä̧cuo̧tö̧jä̧, pi̧jä̧ jähuä tidepänä kä̧nö̧, tö̧ji̧nö̧ ta'anö tȩma̧ pä'ö, koro adiu'inä, koro suronä'inä jȩti̧nö̧ micuä päi'önä.

San Juan 19:13

Ja̧'hua̧ ja̧'a̧ Pilato ja̧'hua̧nö̧ pätta'a ä̧ju̧cu̧, Jesúsru u̧mi̧cu̧ ttȩpa̧ hue'inödo. Ja̧u̧nu̧ o'ca'a ru̧hua̧ i̧dȩä̧cä̧nä̧, hebreos tti̧huȩnȩ Gabata pättinäcänä pä̧mä̧di̧nö̧do. Ujutu ti̧huȩnȩnä̧ juhuäcä i̧mi̧ Inähuä Rötähuome pä'ätöjä.

Hechos 8:40

Ja̧'hua̧nö̧ ja̧'a̧ Felipe Azoto ötahuiyänä 'chä̧hui̧'i̧nö̧do. Juhua'a yabo 'chä̧nö̧, koro ötahuiyänä o'ca juiyönä ji'ähuinödo Jesucristo i̧huȩnȩ Cesarea ötahuiyära̧'a̧ i̧rȩbȩhua̧'a̧ päi'önä.

Hechos 25:1

Ja̧'hua̧nö̧ ja̧'a̧ Festo ru̧hua̧ päi'äji o'ca'a huäbodäcuä mo̧ro̧ o'come, Cesarea ötahuiyättö Jerusalén ötahuiyära̧'a̧ 'chi̧nö̧do.

Hechos 25:4

Ja̧'hua̧nö̧ ja̧'a̧ Festo ädätinödo: —Pablo Cesarea ötahuiyättö cärenä päcuähuodenä pö̧. A̧'u̧cu̧nä̧tä̧ mo̧ro̧ o'ca'a ttö juhua'a chi̧'cha̧ pä'ö amöcuädösä.

Hechos 25:5

Ja̧'hua̧nö̧ ja̧'a̧ttö̧ ucutu curuhuotö ttöcu ttichö'a̧nö̧ ja̧'a̧ Cesarea ötahuiyära̧'a̧. Ja̧u̧ Pablo suronä jȩi̧nö̧ttö̧mä̧, jicuhuähuätucua cuichätucu'a̧nö̧ ja̧'a̧.