Hechos 25:23 - TÄ̧DO Ä̧CUÄ̧ I̧HUȨNȨ

²³ Ttucuocuäji koro mo̧ro̧ Agripacu, Berenicecu ichinätödo. Jahuätöcu ttö̧ja̧ ttö̧ca̧ca̧cui̧'ä̧jodenä ucuotönö do'ächinätödo su̧ro̧da̧u̧ tturuhuotö'inä, ötahuiyä ttö̧ja̧ tturuhuotö'inä. Ja̧'hua̧nö̧ ja̧'a̧ Festo hue'inödo Pablorö tti'cächa pä'ö.

Nuevo Testamento Uwotjüja

²³ Kkoro mo̧ro̧, Agripa-mä̧ Berenice-ku ruwo isode i̧so̧ka̧nä̧ dodepinä̧tü̧, tturuwoku, su̧ro̧do̧u̧ tturuwotüku ja̧'wa̧ta̧nü̧ ütawiyä ukuo isotüku, jü̧nä̧. Ja̧'wa̧nü̧ ja̧'a̧ Feto-mä̧, Pauru-rü tti'chächiyarü we'äji̧'ka̧,

Hechos 25:23 Referans Kwoze

Hechos 26:30

Pablo ja̧'hua̧nö̧ päji o'ca'a, ru̧hua̧ Agripa'inä, ru̧hua̧ Festo'inä, Berenice'inä, o'ca toi'önä ju̧huȩnȩtä̧ pȩjä̧tö̧'i̧nä̧ ä̧rä̧mi̧'i̧nä̧tö̧do.

Hechos 25:13

Koronö mo̧ro̧ päi'omenä, ru̧hua̧ Agripa, Berenicecu Cesarea ötahuiyära̧'a̧ Festorö do'ächö te'äu 'chi̧nö̧do.

1 Juan 2:16

Pi̧jä̧ jähuä o'ca juiyönä ttidepä hueö, ttö'ärenä tottomenä pä̧huä̧ rö̧jö̧ toäcuähuä, korotöttö'inä abonänö adihuä i̧sa̧sä̧ pä'ö amöcuädäcuähuä, ja̧u̧mä̧ Tä'o Dios jähuämäcö̧. Pi̧jä̧ttö̧ amöcuädö jȩä̧cuä̧huä̧.

1 Pedro 1:24

Huȩyu̧cuä̧ Huȩnȩ päa'a: O'ca toi'önä pi̧jä̧ ttö̧ja̧, isade kö̧'a̧nö̧ ka̧cuä̧tö̧. Ttamönä adiu ttöadihuä, isade ȩ'u̧cuade jä̧'i̧nö̧'a̧nö̧ ka̧cuä̧tö̧. Isade joi'omenä, ȩ'u̧mä̧ ttahuähuächö.

Santiago 1:11

Kä̧hua̧ räi'omenä, du'hui'omenä, ȩ'u̧ jo'i'ö rȩjȩ ma̧ä̧cha̧'a̧, ȩ'u̧ öadihuä jä̧ji̧ beipächa'a. Ja̧'hua̧ta̧nö̧ järe ru̧hua̧'i̧nä̧ hua'ö i̧cuä̧cua̧ öäre 'quȩtȩttö̧.

1 Corintios 7:31

Pi̧jä̧nä̧ aditö ȩmä̧tö̧'i̧nä̧, ttȩmö̧ juiyönä jȩttä̧cua̧'a̧nö̧. Pi̧jä̧mä̧ totömä beipächä̧ra̧'a̧.

Hechos 12:21

Herodes koro mo̧ro̧ huopinödo ucuocuatö pä'ö. Ja̧u̧nu̧ mo̧ro̧ päi'omenä, ru̧hua̧ Herodes ö̧'ca̧tä̧huä̧ta̧ adihuä juäi i̧sä̧ta̧ 'ca̧tä̧hui̧nö̧do. Ru̧hua̧ i̧dȩä̧cä̧ o'ca toi'önärö hue'ö pä̧mä̧dä̧cuä̧huä̧cä̧nä̧ pä̧mä̧di̧nö̧do jahuätörö ucuocua pä'ö.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

San Marcos 6:21

Koronö mo̧ro̧ päi'omenä, Herodes uhuäpächinö mo̧ro̧ pätecuächomenä, ippeyä ruhuotörö'inä, su̧ro̧da̧u̧ tturuhuotörö'inä, Galilea rȩjȩttö̧ ucuotäcuähuä ruhuotörö'inä o'ipinödo, fiesta jȩtta̧ pä'ö. Ja̧u̧nu̧ mo̧ro̧ fiesta jȩtto̧mȩnä̧, Herodías Juanrö suronä jȩja̧ pä'ö amöcuädinäjudo.