Hechos 25:16 - TÄ̧DO Ä̧CUÄ̧ I̧HUȨNȨ

¹⁶ Jahuätörö pä'inösä: “Romanos ttö̧ja̧ tihueye ä'canä hue'ätöjä huȩnȩtö̧ ucuocuätömä suronä jȩpi̧nö̧ ä'ca jo̧mȩ ttö̧ja̧cua̧ pä'ö. Ju̧huȩnȩ kä̧nö̧ ji'ähuätö suronä jȩi̧nö̧mä̧, ja̧u̧tä̧ ädäta pä'ö. Romanos ttö̧ja̧ tihueye hue'ocotöjä ja̧'a̧tä̧ ka̧ra̧rö̧ cuä'ö tticua pä'ö ja̧'hua̧nö̧ jȩtö̧ juiyönä.”

Nuevo Testamento Uwotjüja

¹⁶ Ja̧'wa̧nü̧ ja̧'a̧nä̧ pädinä̧u̧: ujutu Roma ttü̧ja̧mä̧, suronä̧ jȩä̧jä̧u̧'i̧nä̧, chutä suronä̧ jȩpä̧ji̧'i̧nä̧, jo̧mȩnü̧ adiu ttukuokuoka'anä̧mä̧, kuä'ü ttikunä̧mä̧ jȩpo̧ko̧tü̧jä̧, jü̧nä̧.

Hechos 25:16 Referans Kwoze

San Juan 7:51

—Ujutu hueähuä huȩnȩ päö ta'anö, ya̧tȩ jȩö̧ ä'canä tä̧ju̧cuo̧ca̧'a̧mä̧, ja̧'a̧tä̧mä̧ pätö juiya pä'ö päa'a.

Hechos 23:30

Ya̧tȩ ji'ähuäji judíos ttö̧ja̧ cuä'ö tticuarö pä'ätödo. Ja̧'hua̧nö̧ jiähua'a chä̧ju̧cuo̧mȩnä̧, yotäcu Pablorö hue'äjisä cu̧ja̧'a̧cu̧. Ja̧'hua̧ta̧nö̧ judíos ttö̧ja̧rö̧'i̧nä̧ hue'äjisä ucu cuä'ca jo̧mȩ suronä jȩi̧nö̧mä̧ jittähua pä'ö. Täcö pi̧yȩtä̧ o'ca juiyönä cä'ädö huȩyu̧tu̧sä̧ ucuru, ru̧hua̧ Félix.”

Hechos 26:1

Ja̧'hua̧nö̧ ja̧'a̧ Agripa pä'inödo Pablorö: —Ucutä cucuocu'a̧nö̧ ja̧'a̧. Agripa ja̧'hua̧nö̧ päomenä, Pablo u̧mö̧ cä'epinödo.

San Lucas 12:11

“Ja̧'hua̧nö̧ ja̧'a̧ judíos ttu̧huo̧jui̧'i̧nodehuiyära̧'a̧ ucuturu ttȩpö̧ttö̧'i̧nä̧ ruhuotö ttä'ca jo̧mȩ ttȩpö̧ttö̧'i̧nä̧, cuädätätucuä̧cuȩmä̧ cuamöcuädätucuä'.