Hechos 25:11 - TÄ̧DO Ä̧CUÄ̧ I̧HUȨNȨ

¹¹ Ttö suronä jȩchi̧nö̧ttö̧mä̧, cuä'ö tticuattö pä'ömä, huäinä cuä'ö tti̧cuä̧cua̧sä̧. Ja̧'hua̧nö̧ ja̧'a̧nä̧'i̧nä̧ amönä huȩnȩtö̧ ttucuocuttumä, ya̧tȩ'i̧nä̧ ttörö iyö juiyö'a̧nö̧ ja̧'a̧ jahuätörö. Romanos ttö̧ja̧ ttu̧ru̧hua̧tä̧ ttörö ä̧ju̧cua̧ pä'ö jä'epösä, —ädätinödo Pablo.

Nuevo Testamento Uwotjüja

¹¹ Isopäi'ünä̧, ttü tode'a pä'ü mikuäwächünä̧ jü̧, surojü jȩchä̧ji̧ttü̧mä̧, isopäi'ünä̧tä̧ tode'a pä'ü ja̧'a̧; ja̧'wa̧nü̧ ja̧'a̧nä̧ pitü pättü yapare jäwätä jo̧mȩnä̧mä̧, ya̧tȩ'i̧nä̧ juätürü iyü ttikuattü pä'ümä̧ juiya'a. Ja̧'wa̧nü̧ ja̧'a̧ttü̧ ru̧wa̧ Césa ü̧ja̧'a̧tä̧ chi̧'cha̧ pä'üsä.

Hechos 25:11 Referans Kwoze

Hechos 28:19

Ja̧'hua̧nö̧ ja̧'a̧ romanos ttö̧ja̧ ttörö rättepa pättomenä, judíos ttö̧ja̧ kö'cocotö pi̧nä̧tö̧. Ja̧'hua̧nö̧ ja̧'a̧ttö̧ romanos ttö̧ja̧ ttu̧ru̧hua̧ jä'epö ä̧ju̧cua̧ttö̧ pä'ö jä'epinösä. Ja̧'hua̧nö̧ ja̧'a̧nä̧ “Chahuaruhuä judíos ttö̧ja̧ ttörö suronä jȩttä̧cu̧sä̧”, ji'ähuocösä romanos ttö̧ja̧rö̧.

Hechos 26:32

Ja̧'hua̧nö̧ ja̧'a̧ Agripamä Festorö pä'inödo: —Chutä romanos ttö̧ja̧ ttu̧ru̧hua̧ ä̧ju̧cua̧rö̧ pä'ö jäepoca'a ji̧nö̧ttö̧mä̧, rä'epö ticuajacu.

Hechos 25:25

Ja̧'hua̧nö̧ ja̧'a̧ ttötä amöcuädösä 'corupäi'a pä'ömä suronä jȩpo̧cö̧ pi̧nö̧. Pablotä romanos ttö̧ja̧ ttu̧ru̧hua̧ Augusto ja̧u̧ru̧ ä̧ju̧cua̧ pä'ö jäepa'attö, ru̧hua̧ Augusto ö̧ja̧'a̧cu̧ huȩdä̧cua̧sä̧ ja̧u̧ru̧.

Hechos 25:21

Ja̧'hua̧nö̧ jädepomenä, Pablo “Romanos ttö̧ja̧ ttu̧ru̧hua̧ Augusto ä̧ju̧cua̧ttö̧ pä'ösä”, jä'epinö. Ja̧'hua̧nö̧ ja̧'a̧ttö̧ ttö hue'inösä ji̧nä̧ cärenä ö̧'a̧'a̧ tta̧ttä̧ra̧rö̧ pä'ö ru̧hua̧ Augustorö huedome jubö päi'önä, —pä'inödo Festo.

1 Tesalonicenses 2:15

Pitö judíos ttö̧ja̧mä̧ pä'äji jitötättö Dios i̧huȩnȩ jiäcuähuä isotörö cuä'ö tticuinö ta'anö, Tu̧ru̧hua̧ Jesúsru'inä cuä'ö icuinätö. Ujuturu'inä ya'opö icuinätö. Dios'inä jahuätörö esehuocö. O'ca toi'önä ttaboiyotö.

Hechos 25:10

Ja̧'hua̧nö̧ jäepomenä, Pablo ädätinödo: —Ttömä romanos ttö̧ja̧ ttu̧ru̧hua̧ huȩ'ä̧hua̧ ä'ca jo̧mȩ kö̧sä̧. Porötä'inä ttä̧ju̧cua̧ pä'ösä ttörömä. Judíos ttö̧ja̧rö̧ yoröiso suronä jȩcho̧ca̧'a̧ ji̧na̧'a̧, ucu adiu huo̧jua̧jä̧.

Hechos 22:25

Pablorö cuäcuätta pä'ö ttönö'cäji o'ca'a, Pablo ippeyä ru̧hua̧rö̧, ju̧huȩnȩtä̧ kö̧rö̧, jä'epö ä̧ju̧cui̧nö̧do: —Ttörö romanos ttö̧ja̧ i̧sa̧rö̧, ttö̧ja̧rö̧ tä̧bo̧cuä̧ ru̧hua̧ jä'epö ä̧ju̧cuo̧ca̧'a̧nä̧, ¿cuäcuäcu'ätucu'a̧nö̧ ja̧'a̧ tä̧ji̧?

Hechos 18:14

Pablo ucuocua päa'anä, Galiónmä judíos ttö̧ja̧rö̧ pä'inödo: —Ucutu judíos ttö̧ja̧, pide Pablo suronä jȩi̧nö̧ jicuhuähuätucuttumä, adiu chä̧ju̧cuä̧cua̧sä̧.

Hechos 16:37

Ja̧'hua̧nö̧ ä̧ju̧cu̧ Pablo ruhuotö ttippeyä ruhuärö pä'inödo: —O'ca toi'önä ttä'ca jo̧mȩttö̧ ujuturu cuäcuäpäjätö, suronä jȩto̧ca̧'a̧nä̧, ujutu'inä romanos ttö̧ja̧ ta'anä. Cärenä ttötäjä̧u̧jä̧. ¿Jitä yä̧huä̧i̧nä̧ rättepa pä'ätö ujuturu? ¡Ja̧'hua̧nö̧mä̧cö̧! Jitötä ttichö'a̧nö̧ ja̧'a̧ ujuturu rättepa pä'ö.

Hechos 25:12

Ja̧'hua̧nö̧ ja̧'a̧ Festo ippeyä ruhuäcu ucuocuäji'ca̧, pä'inödo Pablorö: —Romanos ttö̧ja̧ ttu̧ru̧hua̧tä̧ ucuru ä̧ju̧cua̧ pä'ö jä'epäjijä. Ja̧'hua̧nö̧ ja̧'a̧ttö̧ ja̧u̧ ö̧ja̧'a̧cu̧ cui̧'chä̧cua̧jä̧.