Hechos 24:25 - TÄ̧DO Ä̧CUÄ̧ I̧HUȨNȨ

²⁵ Ja̧'hua̧nö̧ ja̧'a̧nä̧ suronä jȩä̧cuä̧huä̧ juiyönä adiu kä̧cuä̧huä̧ huȩnȩ'i̧nä̧, Dios ttö̧ja̧rö̧ pojocuä mo̧ro̧'i̧nä̧ Pablo ucuocua'a ä̧ju̧cuo̧mȩnä̧, Félix ye'ecue'inödo. Pä'inödo: —Jitämä täi. Koronö koro juäi jȩcho̧co̧mȩnä̧, pä'äji ta'anö huo̧chä̧cua̧sä̧ cuicha pä'ö.

Nuevo Testamento Uwotjüja

²⁵ Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

Hechos 24:25 Referans Kwoze

San Juan 16:8

Chutä ichomenä, pi̧jä̧ ttö̧ja̧rö̧ suronä jȩtta̧'a̧ u̧huo̧juȩtä̧cua̧. Ja̧'hua̧ta̧nö̧ adihuä jueä̧mä̧ mä̧nä̧ huȩnȩ'i̧nä̧ u̧huo̧juȩtä̧cua̧ jahuätörö. Ja̧'hua̧ta̧nö̧ Dios jahuätörö: “Ucu adiu jȩpö̧jä̧”, “Ucu suronä jȩpö̧jä̧” pä̧cuȩ huȩnȩ u̧huo̧juȩtä̧cua̧.

1 Pedro 3:15

Cristorötä, cuami iso'quitucunä Cu̧ru̧hua̧tu̧cu̧ päi'önä kö̧rö̧tä̧, ucuotätucui. Korotö ucutu tta̧cu̧huä̧rä̧tu̧cu̧ jättepöttömä, cuädätätucuä̧cuȩ ku̧nä̧rä̧tu̧cui̧. Cuädätätucuomenä, adiunä ucuotönö ädätö ucuocuätucui.

2 Pedro 1:6

Ja̧'hua̧ta̧nö̧ ä̧ju̧cu̧ kä̧nö̧, cuamönätucu cuamöcuädätucutä jȩcu̧'ä̧tu̧cuo̧ca̧'a̧, cuami 'quicuhuächi'ätucuaja. Ja̧'hua̧ta̧nö̧ cuami 'qui'ächi'ö kä̧nö̧, Diosrö eseunu cucuocuätucuaja.

Gálatas 5:23

Ja̧'hua̧ta̧nö̧ Espíritu Santo iyömä korotörö ujututtu'inä abonänö adiu amöcuädäcuähuä'inä, tamönä tamöcuädötä jȩto̧ca̧'a̧ tami 'quiächi'äcuähuä'inä. Ja̧u̧ juäi surojö pä'ömä hueähuä huȩnȩ juiya'a.

Hechos 10:42

Chutä Jesús ujuturu hue'inö ttö̧ja̧rö̧ jitähua pä'ö ja̧u̧ ttoächinö huȩnȩ. Ja̧'hua̧ta̧nö̧ hue'inö jitähua pä'ö: Diosmä Jesúsru pätetö hue'inö a̧dȩcuä̧tö̧rö̧'i̧nä̧, 'corupä'i'inätörö'inä tä̧bo̧cuä̧ ru̧hua̧ päi'önä ö̧ja̧ pä'ö.

1 Juan 3:7

Chi̧tti̧mö̧ huotö, yapareu ttucuocumä, cuesetätucuä'. Iso päi'önä adiu jȩpö̧mä̧ adihuä i̧sa̧. Ja̧u̧mä̧ Jesucristo adihuä i̧sa̧ ö̧jö̧ ta'anö kö̧.

Santiago 2:19

Ucumä esetöjä Dios ya̧tȩtä̧ kö̧ pä'ö. Ja̧'hua̧nö̧ cuesetomenä, adiu esetöjä. Ja̧'hua̧nö̧ ja̧'a̧nä̧ espíritus suropätö'inä Diosrö esetö ttö̧'ä̧huä̧tö̧.

Hebreos 9:27

Ja̧'hua̧ ja̧'a̧ttö̧ o'ca toi'önä ya'utenä 'corupätti'äcuotödo. Ja̧u̧nu̧ o'ca'a: “Ucu adiu jȩpi̧nö̧jä̧”, “Ucu suronä jȩpi̧nö̧jä̧” pä̧cua̧ Dios o'ca toi'önärö.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

Hebreos 3:13

Pärocua'acu mo̧ro̧ji̧nö̧ a̧'u̧cuä̧ eseäcuäu ka̧cuä̧tu̧cui̧ korotörö ppä'ädö, jitä mo̧ro̧ ji̧nä̧ cu̧ja̧cuä̧tu̧cuä̧i̧tä̧, ucututtu ya̧tȩ suronä 'cuäopomenä, cuesetö juiya pä'ö. Ja̧'hua̧ta̧nö̧ cuami iso'quitucunä cuami 'quicuhuächi'ätucu juiya pä'ö ka̧cuä̧tu̧cui̧.

Gálatas 3:22

Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ o'ca toi'önä surojötä jȩpä̧tö̧ 'cuäopönä. Ja̧u̧mä̧ ja̧'hua̧nö̧ päa'a Jesucristorö esetätö Dios iya päinömä ttu̧ju̧nä̧ra̧ pä'ö.

2 Corintios 5:10

O'ca toi'önä pi̧jä̧nä̧ ka̧cuä̧tö̧, Cristo ö̧'o̧mȩ ä'ca jo̧mȩ tö̧jä̧mä̧dä̧cuo̧tö̧jä̧, pi̧jä̧ jähuä tidepänä kä̧nö̧, tö̧ji̧nö̧ ta'anö tȩma̧ pä'ö, koro adiu'inä, koro suronä'inä jȩti̧nö̧ micuä päi'önä.

1 Juan 3:10

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

2 Corintios 6:2

Huȩyu̧cuä̧ Huȩnȩ päa'a: Ttörö pä̧huä̧ rö̧jo̧mȩnä̧ ä̧ju̧cui̧nö̧sä̧ ucuturu. Ucutu suronä jȩcu̧'ä̧tu̧cu̧ jȩpö̧ chicuinö mo̧ro̧, ucuturu ppä'ädinösä. Jitämä ja̧u̧ru̧ pä̧huä̧ rö̧jo̧mȩnä̧, ä̧ju̧cu̧'a̧nö̧ hua̧. Jitä mo̧ro̧ suronä jȩcu̧'ä̧tu̧cu̧ jȩpö̧ icu'a̧nö̧ hua̧.

1 Corintios 4:5

Ja̧'hua̧ ji̧yä̧cu̧ ä'canä päcuhuätucuä' ucutumä. Tta̧'ä̧rä̧tu̧cui̧ Tu̧ru̧hua̧ ichäcua'a. Ja̧u̧ o'ca juiyönä yo̧ö̧mä̧ i̧jȩpä̧cua̧ tȩa̧u̧nä̧. Ja̧'hua̧ta̧nö̧ o'ca juiyönä pi̧jä̧ ttö̧ja̧ ttami iso'quinä ttamöcuädömä i̧jȩpä̧cua̧. Ja̧u̧nu̧tä̧ Dios i̧yä̧cua̧ eseäcuähuä o'ca toi'önä adiu jȩpä̧tö̧rö̧.

Hechos 24:15

O'ca toi'önä adiu jȩpä̧tö̧'i̧nä̧, suronä jȩpä̧tö̧'i̧nä̧ 'corupätti'ö o'ca'a ttottächäcuotö pä'ö, Diosrö esetö tta̧'ä̧rö̧sä̧, jahuätö esetö tta̧ttä̧rö̧'a̧nö̧.

Hechos 17:32

Ja̧'hua̧nö̧ ja̧'a̧nä̧ ttoädäcuähuä huȩnȩ ttä̧ju̧cuo̧mȩnä̧, korotö ya̧'ä̧huȩ'i̧nä̧tö̧do. Korotö pä'inätödo: —Koronö pä'äji ta'anö tä̧ju̧cuä̧cuo̧tö̧jä̧ pi̧yȩ huȩnȩ.

Hechos 17:2

Pablo judíos ttu̧huo̧jui̧'i̧nodenä doächä'ijö ta'anö, juhuorö'inä do'ächinödo. Huäbodäcuä mo̧ro̧ ttö̧ja̧ 'cuättächi'ö mo̧ro̧ Dios i̧huȩnȩ Huȩyu̧cuä̧ Huȩnȩttö̧ rä'epö ucuocuinödo jahuätörö.

Hechos 2:37

Ja̧'hua̧nö̧ ja̧'a̧ Pedro jiähua'a ttä̧ju̧cuo̧mȩnä̧, tta̧'cua̧ tta̧ päi'önä ä̧ju̧cu̧ jä'epinätödo Pedrorö'inä, korotö Jesús hue'ähuotörö'inä: —Chahuaruhuä, ¿tta̧'a̧nö̧ jȩtä̧cua̧'a̧jä̧ttö̧?

Hebreos 6:2

Ja̧'hua̧ta̧nö̧ bautizando jȩä̧cuä̧huä̧ huȩnȩttö̧'i̧nä̧, Diosrö esetätörö ttu̧mö̧nä̧ mȩ'ö̧ ucuocuäcuähuä huȩnȩttö̧'i̧nä̧, 'corupätti'omettö ttoächäcuähuä huȩnȩttö̧'i̧nä̧, Dios ö̧tä̧bo̧tä̧cuȩ huȩnȩttö̧'i̧nä̧ yabonötä tu̧huo̧jui̧'ä̧cua̧'a̧nö̧.

Hebreos 12:21

Jahuätö tottinömä juiyo surojina'ado. Moisés'inä ye'ö pä'inödo: “Ttö ye'ecu ttö̧'ä̧u̧sä̧.”

Romanos 14:12

Ja̧'hua̧nö̧ ja̧'a̧ttö̧ o'ca toi'önä ujutu jȩti̧nö̧mä̧ jitähuäcuotöjä Diosrö.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

Romanos 2:16

Adihuä huȩnȩ ttö jidäumä päa'a, ji̧yȩnö̧ mo̧ro̧, Dios Jesucristonä ttö̧ja̧ yä̧huä̧i̧nä̧ jȩttö̧ ro̧ȩpä̧cuȩ mo̧ro̧, ja̧'hua̧nö̧ 'cuäopäcua'a.

Hechos 26:28

Ja̧'hua̧nö̧ ja̧'a̧ Agripa pä'inödo Pablorö: —Jitämä ucu jicuhuäumä chä̧ju̧cuo̧mȩnä̧, Jesucristorö chesetö'a̧nö̧ ja̧'a̧.

Hechos 17:13

Ja̧'hua̧nö̧ ja̧'a̧ judíos ttö̧ja̧ Tesalónica ötahuiyänä ka̧cuä̧tö̧mä̧ Pablomä Dios i̧huȩnȩ Berea ötahuiyättö ji'äudo jittähua'a ttä̧ju̧cuo̧mȩnä̧, juhua'atä 'chä̧nö̧ ttö̧ja̧rö̧ ucuocuinätödo suronä jȩtta̧ pä'ö Pablorö.

Hechos 9:6

Ja̧'hua̧ ja̧'a̧ Saulo ye'ö ttö̧'ä̧hui̧nö̧do. Pä'inödo: —Chu̧ru̧hua̧, ¿däje jȩcha̧ päcuhuättö ttörömä? Ja̧'hua̧nö̧ ja̧'a̧ Tu̧ru̧hua̧ pä'inödo Saulorö: —Ä̧rä̧mi̧'ö̧ täi ötahuiyära̧'a̧. Juhua'attö ya̧tȩ ji̧ä̧huä̧cua̧jä̧ ucu jȩcu̧'ä̧cuȩmä̧.

San Mateo 22:5

Ja̧'hua̧nö̧ ja̧'a̧nä̧ ahuaruhuämä 'cho̧co̧tö̧ pi̧nä̧tö̧do. Ya̧tȩ ö'ätta topö 'chi̧nö̧do. Ka̧ra̧mä̧ öäre iyähuodera̧'a̧ 'chi̧nö̧do.

Hechos 24:26

Ja̧'hua̧ta̧nö̧ Félix pä̧huä̧ rö̧ji̧nä̧cu̧ Pablo pärätä iyarö pä'ö cärenä ö̧'o̧mȩttö̧ rä'epö icuarö pä'ö. Ja̧'hua̧nö̧ ja̧'a̧ttö̧ jueipö huopinödo Pablocu ucuocua pä'ö.

Tito 1:8

Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧.