Hechos 24:16 - TÄ̧DO Ä̧CUÄ̧ I̧HUȨNȨ

¹⁶ Adiu jȩpö̧sä̧ Dios ä'ca jo̧mȩttö̧'i̧nä̧, ttö̧ja̧ ttä'ca jo̧mȩttö̧'i̧nä̧ cha̧'cua̧ eseu chö̧ja̧ pä'ö 'cuäopönä, suronä amöcuädäcuähuä juiyönä.

Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

Hechos 24:16 Referans Kwoze

Hechos 23:1

Pablomä judíos ttö̧ja̧ ji̧nä̧ iso ruhuotörö topö pä'inödo: —Chahuaruhuä, Dios ä'ca jo̧mȩttö̧ adiu chö̧jä̧'i̧jö̧mä̧ jitä pi̧yȩ mo̧ro̧ päi'önä adiu kö̧sä̧.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Romanos 2:15

Ja̧'hua̧nö̧ jȩtto̧mȩnä̧, hueähuä huȩnȩ ttami iso'quinä ttu̧ju̧nä̧ra̧'a̧ jä̧'i̧nö̧'a̧nö̧ jȩpä̧tö̧. Jitötä ttamönä amöcuädö jȩttö̧mä̧ ji̧yȩtä̧ i̧jȩpa̧'a̧. Ja̧'hua̧ta̧nö̧ ttamönä ttamöcuädö ucuocua'a: “Ucu adiu jȩpö̧jä̧”, “Ucu suronä jȩpö̧jä̧” pä'ö.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

1 Pedro 3:21

Ja̧u̧ aje suhuädinömä bautizando jȩtta̧'a̧ jä̧'i̧nö̧'a̧nö̧ ji̧na̧'a̧do. Ujutu'inä bautizando jȩto̧mȩnä̧, suronä jȩtö̧ jȩpö̧ icu Dios. Bautizando jȩtö̧mä̧, ujutu tidepämä töcö icuocödo. Ji̧yȩä̧cuȩtä̧ Diosrö jäecuätä ta̧'cua̧ adiu iyömä. Ja̧'hua̧ta̧nö̧ Jesucristo ttoächinö huȩnȩ esetö, ujutu suronä jȩtö̧ jȩpö̧ icudo.

Tito 1:15

Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo.

1 Corintios 4:4

Iso päi'önä ttötä chamönä jȩchö̧ jȩru̧pa̧sä̧. Ja̧'hua̧nö̧ ja̧'a̧ttö̧ pä'ocösä ttömä suronä jȩpo̧cö̧sä̧ pä'ö. Ya̧tȩtä̧ Chu̧ru̧hua̧tä̧ adiu pä̧cua̧ ttörö.

1 Pedro 3:16

Adiunä amöcuädö ka̧cuä̧tu̧cui̧, korotö ucutu adiu cu̧ja̧cuä̧tu̧cua̧'a̧ topö suronä ttucuocuomenä, jitötä ttucuocuäji amöcuädö ttödäpecuäcua'a̧nö̧.

1 Pedro 2:19

Ya̧tȩrö̧, chutä suronä jȩo̧ca̧'a̧nä̧ suronä jȩttö̧ttö̧mä̧, Diosrö eseu amöcuädö ubara ttuttumä, adiu jȩpö̧.

Hebreos 13:18

Ja̧'hua̧ta̧nö̧ ujuturu'inä Diosrö ucuocuätucui. Ujutu tamöcuädömä adiunä amöcuädätöjä pä'ö huo̧juä̧tö̧jä̧. Ujutu o'ca juiyönä adiunätä jȩta̧ pä'ätöjä.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

2 Timoteo 1:3

Mo̧ro̧'i̧nä̧, yodo'inä Diosrö chucuocuomenä, ucuru eseunu amöcuädösä. Chä̧do̧tö̧ mi̧nä̧ ttesetinäcuru, ttö'inä adiu amöcuädö esetösä.

1 Tesalonicenses 2:10

Ucutucu tö̧ja̧cui̧nö̧mä̧ topinätöjä ucutumä. Dios'inä topinö. Ujutumä adiu jȩpö̧ ka̧cui̧nä̧tö̧jä̧ ucutu Diosrö esetätöcu, yoröiso suronä ttucuocu juiyönä ujuturu.

1 Timoteo 3:9

Dios i̧huȩnȩ, ujutu tesetö huȩnȩ, adiu amöcuädö esetätö. Ja̧'hua̧ta̧nö̧ o'ca juiyönä adiu amöcuädö jȩpä̧tö̧.

1 Timoteo 1:19

Yotöte adiu ttamöcuädoca'attö, Diosrö ttesetömä jaropi'inätö.

Romanos 9:1

Cristorö chesetomettö, iso päi'önä huȩnȩ ji'äusä. Yapareu ji'ähuocösä. Espíritu Santo huo̧juȩtö̧ chami iso'quinä iso päi'önä huȩnȩ ji'äusä.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.